ಮೋದಿ ಉಪನಾಮ ಪ್ರಕರಣದ ಬಳಿಕ ಸಂಸದ ಸ್ಥಾನದಿಂದ ಅನರ್ಹಗೊಂಡಿರುವ ರಾಹುಲ್ ಗಾಂಧಿ ಇಂದು ಸೆಂಟ್ರಲ್ ದೆಹಲಿಯಲ್ಲಿರುವ ತಮ್ಮ ಅಧಿಕೃತ ನಿವಾಸವನ್ನು ಖಾಲಿ ಮಾಡಿ ಹೊರಬಂದಿದ್ದಾರೆ.
ADVERTISEMENT
ಈ ಅಧಿಕೃತ ನಿವಾಸದಲ್ಲಿ ರಾಹುಲ್ ಗಾಂಧಿ 2005ರಿಂದ ವಾಸವಿದ್ದರು. ತುಘಲಕ್ ಲೇನ್ನಲ್ಲಿರುವ ಈ ಬಂಗಲೆಯನ್ನು ಏಪ್ರಿಲ್ 22ರ ಒಳಗಾಗಿ ಖಾಲಿ ಮಾಡಬೇಕೆಂದು ಸೂಚನೆ ನೀಡಲಾಗಿತ್ತು. ಅಂತೆಯೇ ಇಂದು ರಾಹುಲ್ ಗಾಂಧಿ ಬಂಗಲೆಯ ಕೀಯನ್ನು ಹಸ್ತಾಂತರಿಸಿದ್ದಾರೆ ಎನ್ನಲಾಗಿದೆ.
ಶುಕ್ರವಾರ ಬೆಳಗ್ಗೆ ಪ್ರಿಯಾಂಕಾ ಗಾಂಧಿ ಈ ಬಂಗಲೆಗೆ ಭೇಟಿ ನೀಡಿದ್ದರು. ಇದರ ಬೆನ್ನಲ್ಲೇ ಇಂದು ರಾಹುಲ್ ಗಾಂಧಿ ಅಧಿಕೃತ ನಿವಾಸವನ್ನು ಖಾಲಿ ಮಾಡಿದ್ದಾರೆ.
