ದೆಹಲಿ; ಬಿಎಸ್‌ಪಿ ಸಂಸದ ಅನ್ಸಾರಿ ಮನೆ ಮೇಲೆ ಇಡಿ ದಾಳಿ

ಅಕ್ರಮ ಹಣ ವರ್ಗಾವಣೆಗೆ ಸಂಬಂಧಿಸಿದಂತೆ ಜಾರಿ ನಿರ್ದೇಶನಾಲಯವು ಬಹುಜನ ಸಮಾಜವಾದಿ ಪಕ್ಷ(BSP) ಸಂಸದ ಅಫ್ಜಲ್ ಅನ್ಸಾರಿ ಅಧಿಕೃತ ಸರ್ಕಾರಿ ನಿವಾಸದ ಮೇಲೆ ದಾಳಿ ಮಾಡಿದೆ.

ADVERTISEMENT

ಅಫ್ಜಲ್ ಸಹೋದರ ಮುಖ್ತಾರ್ ಅನ್ಸಾರಿ ಅಕ್ರಮ ಹಣ ವರ್ಗಾವಣೆ ಪ್ರಕರನದಲ್ಲಿ ಭಾಗಿಯಾಗಿದ್ದು ಪ್ರಕರಣದ ತನಿಖೆ ನಡೆಸುತ್ತಿರುವ ಇಡಿ ಅಧಿಕಾರಿಗಳು ದೆಹಲಿಯ ಕೇಂದ್ರ ಭಾಗದ ಜನಪತ್ ರಸ್ತೆಯಲ್ಲಿರುವ CRPF ಭದ್ರತೆಯಲ್ಲಿ ಶೋಧ ಕಾರ್ಯಾಚರಣೆ ನಡೆಸುತ್ತಿದೆ.

ಉತ್ತರಪ್ರದೇಶದ ಘಾಜಿಪುರ್, ಮೊಹಮ್ಮದಾಬಾದ್, ಮೌ ಹಾಗೂ ಲಖನೌದಲ್ಲಿ ಅಫ್ಜಲ್ ಹಾಗೂ ಅವರ ಸಹೋದರ ಮುಖ್ತಾರ್ ಆಪ್ತರ ಮನೆ ಮೇಲೂ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ.

ವಿವಿಧ ಪ್ರಕರಣಗಳಡಿ ಸದ್ಯ ಬಾಂದಾ ಜೈಲಿನಲ್ಲಿರುವ ಮುಖ್ತಾರ್ ವಿರುದ್ದ ಕೊಲೆ, ಸುಲಿಗೆ, ಭೂ ಕಬಳಿಕೆ ಸೇರಿದಂತೆ ಒಟ್ಟು 49 ಪ್ರಕರಣಗಳು ದಾಖಲಾಗಿವೆ.

ಈ ವರ್ಷ ಜುಲೈನಲ್ಲಿ ಗೂಂಡಾ ಕಾಯ್ದೆಯಡಿ ಮುಖ್ತಾರ್ಗೆ ಸೇರಿದ 14.90 ಕೋಟಿ ಮೌಲ್ಯದ ಆಸ್ತಿಯನ್ನು ಉತ್ತರಪ್ರದೇಶ ಸರ್ಕಾರ ವಶಕ್ಕೆ ಪಡೆದಿತ್ತು.