ವಿಶ್ವದ ದೊಡ್ಡಣ್ಣ ಎಂದೇ ಕರೆಸಿಕೊಳ್ಳುವ ಅಮೇರಿಕಾವು ತನ್ನ ಫೆಡರಲ್ ಶಾಸಕಾಂಗದ 230 ನೇ ಸೆಕ್ಷನ್ ಗೆ ತಿದ್ದುಪಡಿ ತರಲು ಹೊರಟಿದೆ. ಈ ಸೆಕ್ಷನ್ ನ್ನು 1996 ರಲ್ಲಿ ಜಾರಿಗೆ ತಂದಿದ್ದು ಇದೂ ಕೂಡ ಕೇವಲ 26 ಪದಗಳ ಉದ್ದವಿದೆ. ಅದರೆ ಇದಕ್ಕೆ ತಿದ್ದುಪಡಿ ತಂದರೆ ಜನಸಾಮಾನ್ಯರ ಜೀವನದಲ್ಲೂ ಗಣನೀಯ ಪರಿಣಾಮ ಬೀರುತ್ತದೆ ಎನ್ನಲಾಗಿದೆ. ಮೂಲಭೂತವಾಗಿ ಸೆಕ್ಷನ್ 230 ಸಾಮಾಜಿಕ ತಾಣ ಕಂಪೆನಿಗಳಾದ ಫೇಸ್ ಬುಕ್ ಮತ್ತು ಟ್ವಿಟರ್ ಗೆ ಅದರಲ್ಲಿ ಪ್ರಕಟಗೊಳ್ಳುವ ವಿಚಾರಗಳ ಕುರಿತು ಕಂಪೆನಿಗಳ ಮೇಲೆ ದಾವೆ ಹೂಡುವುದರ ವಿರುದ್ದ ರಕ್ಷಣೆ ನೀಡುತ್ತಿದೆ. ಇದರಿಂದಾಗಿ ಅವುಗಳಲ್ಲಿ ಪ್ರಕಟಗೊಳ್ಳುವ ವಿಷಯವನ್ನು ಬದಲಾವಣೆ ಮಾಡದೇ ಇರಬಹುದಾಗಿದೆ.
ಅಮೇರಿಕಾದ ನೇವಲ್ ಅಕಾಡೆಮಿಯ ಹಿರಿಯ ಪ್ರೊಫೆಸರ್ ಜೆಫ್ ಕೊಸೆಟ್ಟ್ ಅವರ ಪ್ರಕಾರ, ಇಂದಿನ ಪ್ರಪಂಚದಲ್ಲಿ ಸಾಮಾಜಿಕ ಜಾಲತಾಣಗಳ ಕಂಪೆನಿಗಳ ಬಳಕೆದಾರರು ಪೋಸ್ಟ್ ಮಾಡುವ ವಿಷಯಗಳ ಮೇಲೆ ಅವಲಂಬಿತವಾಗಿವೆಯೇ ಹೊರತು ತಾವು ವಿಷಯ ಸೃಷ್ಟಿ ಮಾಡುವುದಿಲ್ಲ. ಹೀಗಿರುವಾಗ ಈ ಕಂಪೆನಿಗಳು ಸೆಕ್ಷನ್ 230 ನ್ನೇ ನಂಬಿಕೊಂಡಿದ್ದು ಇದನ್ನು ಹೊರತುಪಡಿಸಿ ಅವುಗಳು ರಿಸ್ಕ್ ತೆಗೆದುಕೊಳ್ಳಲು ಮುಂದಾಗುವುದಿಲ್ಲ ಎನ್ನುತ್ತಾರೆ.
ಅಮೇರಿಕಾದ ಅದ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಸೆಕ್ಷನ್ 230ನ್ನು ಬದಲಾವಣೆ ಮಾಡಲು ಉದ್ದೇಶಿಸಿದ್ದು ಅವರು ಗುರುವಾರ ಈ ಕುರಿತ ಕಾರ್ಯಾಂಗದ ಆದೇಶವೊಂದಕ್ಕೆ ಸಹಿ ಹಾಕಿದ್ದಾರೆ. ಈ ಪ್ರಕಾರ ಸಾಮಾಜಿಕ ತಾಣಗಳು ಈ ತನಕ ಪಡೆಯುತಿದ್ದ ಕಾನೂನು ಕ್ರಮದ ವಿರುದ್ದ ರಕ್ಷಣೆ ಇನ್ನು ಮುಂದೆ ಸಿಗುವ ಸಾಧ್ಯತೆ ಕಡಿಮೆ. ಈ ಕುರಿತು ಪ್ರತಿಕ್ರಿಯಿಸಿರುವ ಅದ್ಯಕ್ಷ ಟ್ರಂಪ್ ಅವರು ಅಮೇರಿಕಾದ ಇತಿಹಾಸದಲ್ಲಿ ಎದುರಿಸಿದ ಮುಕ್ತ ವಾಕ್ ಸ್ವತಂತ್ರ್ಯದ ರಕ್ಷಣೆ ಗಾಗಿ ಪ್ರಯತ್ನಿಸಲಾಗಿದೆ ಎಂದಿದ್ದಾರೆ.
ಈಗಿನ ಕಾನೂನಿನ ಪ್ರಕಾರ ಯಾವುದೇ ಸಾಮಾಜಿಕ ತಾಣದ ಮಾಲೀಕರನ್ನು ಅಥವಾ ವ್ಯಕ್ತಿಗಳನ್ನು ಅವರು ಪ್ರಕಟಿಸಿದ ವಿಷಯಗಳ ಪ್ರಕಾಶಕರು ಎಂದು ಪರಿಗಣಿಸುತ್ತಿಲ್ಲ. ಈ ರೀತಿ ಪರಿಗಣಿಸುತ್ತಿಲ್ಲವಾದ್ದರಿಂದ ಅವರು ಕಾನೂನು ಮೊಕದ್ದಮೆಗಳಿಂದ ಪಾರಾಗುತಿದ್ದಾರೆ. ಈ ಕಾಯ್ದೆ ಬಳಕೆದಾರರು ಪ್ರಕಟಿಸಿದ ವಿಷಯಗಳನ್ನು ತಿದ್ದುಪಡಿ ಮಾಡುವುದಕ್ಕೆ ಅವಕಾಶ ಕೊಡುತ್ತದೆ. ಆದರೆ ಆ ಜವಾಬ್ದಾರಿಯನ್ನು ಕೊಡುವುದಿಲ್ಲ. ಏಕೆಂದರೆ ನಿಮಿಷವೊಂದಕ್ಕೆ ಲಕ್ಷಾಂತರ ವಿಷಯಗಳು ಪ್ರಕಟಿತಗೊಳ್ಳುತ್ತವೆ. ಇದೆಲ್ಲವನ್ನೂ ಅವರು ಪೋಲೀಸಿಂಗ್ ಮಾಡಲು ಸಾಧ್ಯವಾಗುವುದಿಲ್ಲ ಎಂದು ಸೆಕ್ಷನ್ 230 ನ್ನು ರೂಪಿಸಲು ಸಹಕರಿಸಿದ ತಜ್ಞ ರಾನ್ ವೈಡನ್ ಹೇಳುತ್ತಾರೆ. ಆದರೆ, ಈ ಕಂಪೆನಿಗಳಿಗೆ ಸಂಪೂರ್ಣ ಕಾನೂನು ರಕ್ಷಣೆ ನೀಡಿಲ್ಲ. ಕೆಲವೊಂದು ಕಾನೂನು ಉಲ್ಲಂಘಿಸುವ ವಿಷಯಗಳು, ಮಕ್ಕಳ ಲೈಂಗಿಕ ಸೆಕ್ಸ್ ವಿಷಯಗಳ ಬಗ್ಗೆ ನಿಗಾ ವಹಿಸಬೇಕಿದೆ ಎಂದೂ ಅವರು ಹೇಳಿದರು.
1990 ರಲ್ಲಿ ಜೋರ್ಡಾನ್ ಬೆಲ್ ಫೋರ್ಟ್ ಎಂಬವವರ ಸ್ಟ್ರಾಟನ್ ಒಕ್ಮೌಂಟ್ ಎಂಬ ಬ್ರೋಕರೇಜ್ ಕಂಪೆನಿಯು ಅಂತರ್ಜಾಲ ಸೇವೆ ಒದಗಿಸುವ ʼಪ್ರೊಡಿಗಿ ಸರ್ವೀಸಸ್ʼ ಎಂಬ ಕಂಪೆನಿಯ ವಿರುದ್ದ ಮಾನನಷ್ಟ ಮೊಕದ್ದಮೆ ಹೂಡಿತ್ತು. ಸಾಮಾಜಿಕ ತಾಣದಲ್ಲಿ ಬಳಕೆದಾರರೊಬ್ಬರು ʼಸ್ಟ್ರಾಟನ್ ಕಂಪೆನಿʼ ವಂಚಕ ಎಂದು ಆರೋಪಿಸಿ ಪೋಸ್ಟ್ ಮಾಡಿದ್ದರು. ನಂತರ ಈ ಮೊಕದ್ದಮೆ ನ್ಯೂಯಾರ್ಕ್ ನ ಸುಪ್ರೀಂ ಕೋರ್ಟಿನಲ್ಲಿ ವಿಚಾರಣೆಗೆ ಬಂದಾಗ ʼಪ್ರೊಡಿಗಿ ಕಂಪೆನಿʼಯು ಮಾನನಷ್ಟಕ್ಕೆ ಹೊಣೆಗಾರ ಎಂದು ತೀರ್ಪು ನೀಡಿತ್ತು. ಈ ತೀರ್ಪು ಒರೆಗಾವ್ ಸಂಸದ ವೈಡನ್ ಅವರ ಗಮನ ಸೆಳೆದಿದ್ದು ಅವರು ಈ ವಿಷಯವನ್ನು ಕಾಂಗ್ರೆಸ್ ನಲ್ಲಿ ಚರ್ಚಿತವಾಗುವಂತೆ ಮಾಡಿದರು. ನಂತರದ ಬೆಳವಣಿಗೆಯೇ ಟ್ರಂಪ್ ಅವರು ಕೈಗೊಂಡಿರುವ ನಿರ್ಧಾರ ಆಗಿದೆ.
1996 ರ ಸಂಪರ್ಕ ಸಂಭಾವಿತ ಕಾಯ್ದೆ (ಕಮ್ಯುನಿಕೇಷನ್ಸ್ ಡೀಸೆನ್ಸಿ ಆಕ್ಟ್)ರಲ್ಲಿರುವ ಸೆಕ್ಷನ್ 230ನ್ನು ಜಾರಿಗೆ ತರಲಾಗಿತ್ತು. ಈ ಕಾಯ್ದೆಯು ಅಂತರ್ಜಾಲದಲ್ಲಿ ಮಕ್ಕಳ ಲೈಂಗಿಕ ವಿಷಯ ಪ್ರಕಟಗೊಳ್ಳುವುದನ್ನು ತಡೆಗೊಳಿಸುವ ಉದ್ದೇಶ ಹೊಂದಿದೆ. ಟ್ರಂಪ್ ಆಡಳಿತದ ಅನೇಕ ಪ್ರಸ್ತಾಪಗಳಂತೆ, ಸೆಕ್ಷನ್ 230 ಅನ್ನು ಬದಲಾಯಿಸುವ ಅವರ ಕಲ್ಪನೆಯು ಇನ್ನೂ ಸ್ಪಷ್ಟವಾಗಿಲ್ಲ. ಅವರ ಕಾರ್ಯನಿರ್ವಾಹಕ ಆದೇಶವು ಸಾಮಾಜಿಕ ಮಾಧ್ಯಮ ಸೈಟ್ಗಳ ನಿಯಂತ್ರಣವನ್ನು ಹೆಚ್ಚಿಸಲು ಮತ್ತು ಸೆಕ್ಷನ್ 230 ರ ಅಡಿಯಲ್ಲಿ ತಮ್ಮನ್ನು ಕಾನೂನು ಪ್ರಕ್ರಿಯೆಯಿಂದ ರಕ್ಷಿಸಿಕೊಳ್ಳಲು ಅನುಮತಿಸಬೇಕೇ ಎಂದು ಮರುಪರಿಶೀಲಿಸುವಂತೆ ಕೇಳುತ್ತದೆ. ಅವರು ಈ ವಿಷಯವನ್ನು ಕಾಂಗ್ರೆಸ್ ನಲ್ಲಿ ಚರ್ಚಿತವಾಗುವಂತೆ ಮಾಡಿದರು. ನಂತರದ ಬೆಳವಣಿಗೆಯೇ ಟ್ರಂಪ್ ಅವರು ಕೈಗೊಂಡಿರುವ ನಿರ್ಧಾರ ಆಗಿದೆ.
ಅಮೇರಿಕಾ ಅಧ್ಯಕ್ಷರ ಈ ಪ್ರಸ್ತಾವನೆಗೆ ಟ್ವಿಟರ್ ತನ್ನ ಟ್ವೀಟ್ ಗಳಲ್ಲಿ ಫ್ಯಾಕ್ಟ್ ಚೆಕ್ ನ ಎಚ್ಚರಿಕೆಯನ್ನು ಪದೇ ಪದೇ ನೀಡುತ್ತಿದೆ. ಫೇಸ್ಬುಕ್ ಮತ್ತು ಮಾರ್ಕ್ ಜುಕರ್ಬರ್ಗ್ ವಿಭಿನ್ನವಾದ ಕ್ರಮವನ್ನು ಕೈಗೊಂಡಿದ್ದಾರೆ. ಸಾಮಾಜಿಕ ಮಾಧ್ಯಮವು ವಾಸ್ತವ ಪರಿಶೀಲನೆಗೆ ಅವಕಾಶ ನೀಡಬಾರದು ಎಂದು ವಾದಿಸುತ್ತಿದೆ.
ಮೇಲಿನ ವಿದ್ಯಮಾನಗಳು ಏನೇ ಇರಲಿ ಈಗ ಸಾಮಾಜಿಕ ತಾಣಗಳನ್ನೂ ಹೊಣೆಗಾರರನ್ನಾಗಿ ಮಾಡುವುದರಿಂದ ಸಾಮಾಜಿಕ ತಾಣಗಳು ಹೆಚ್ಚು ಉದ್ಯೋಗಿಗಳನ್ನು ನೇಮಿಸಿಕೊಳ್ಳಬೇಕಾಗುತ್ತದೆ. ಇವುಗಳ ಹೊಣೆಗಾರಿಕೆಯೂ ಹೆಚ್ಚಾಗುತ್ತದೆ. ನಮ್ಮ ದೇಶದಲ್ಲಿ ಈವರೆಗೂ ಇಂತಹ ಕಾಯ್ದೆ ಇಲ್ಲ. ಇದನ್ನು ನಮ್ಮ ದೇಶವೂ ಕಾಯ್ದೆ ತಿದ್ದುಪಡಿಯ ಮೂಲಕ ಜಾರಿಗೆ ತಂದರೆ ಹೆಚ್ಚಿನ ಅನುಕೂಲವಿದೆ. ಏಕೆಂದರೆ ನೂರಾರು ಪ್ರಕರಣಗಳು ಪೋಲೀಸ್ ಠಾಣೆಗೆ ಹೋಗುವುದನ್ನು ತಡೆಯಬಹುದಾಗಿದೆ. ದೇಶದ ವಿವಿಧ ರಾಜ್ಯಗಳಲ್ಲಿ ಸಾಮಾಜಿಕ ತಾಣಗಳಿಂದ ಸಹಸ್ರಾರು ಉದ್ಯೋಗಗಳು ಸೃಷ್ಟಿಯಾಗುತ್ತವೆ.
ನಮ್ಮ ದೇಶದಲ್ಲಿ ಇಂದು ವಿವಿಧ ರಾಜಕೀಯ ಪಕ್ಷಗಳು ತಮ್ಮದೇ ಆದ ಐಟಿ ಸೇನೆಯನ್ನೇ ಹೊಂದಿವೆ. ಅನೇಕ ಬಾರಿ ಈ ಸೇನೆಯ ಕೆಲಸಗಾರರು ಸಾಮಾಜಿಕ ತಾಣಗಳಲ್ಲಿ ಸುಳ್ಳು ಸುದ್ದಿ ಹರಡುವುದನ್ನೇ ಕಾಯಕ ಮಾಡಿಕೊಂಡಿದ್ದಾರೆ. ಎಂದೋ ನಡೆದ ಘಟನೆಗೆ ಯಾವುದೋ ಘಟನೆಯನ್ನು ವೀಡಿಯೋ ಎಡಿಟಿಂಗ್ ಮಾಡಿ ಹರಿ ಬಿಡುತ್ತಾರೆ. ಇವು ಲಕ್ಷಗಟ್ಟಲೆ ಸಂಖ್ಯೆಯಲ್ಲಿ ಶೇರ್ ಆಗಿರುತ್ತವೆ. ನಂತರ ಯಾರಾದರೂ ʼಫ್ಯಾಕ್ಟ್ ಚೆಕ್ʼ ಮಾಡಿದಾಗ ಸತ್ಯ ಗೊತ್ತಾಗುತ್ತದೆ. ಆದರೆ ಸುಳ್ಳು ಉಂಟು ಮಾಡಿರುವ ಪರಿಣಾಮ ಸತ್ಯ ಉಂಟು ಮಾಡುವುದಿಲ್ಲ ಎಂಬುದು ಕಟು ಸತ್ಯ.
