ವಿಶ್ವದ ಅತೀ ದೊಡ್ಡ ಆರ್ಥಿಕತೆ ಹೊಂದಿರುವ ಅಮೇರಿಕಾ ಮತ್ತು ಎರಡನೇ ಅತೀ ದೊಡ್ಡ ಆರ್ಥಿಕತೆ ಹೊಂದಿರುವ ಚೀನಾದ ಸಂಬಂಧ ಮೊದಲೆಲ್ಲ ಉತ್ತಮವಾಗಿತ್ತು. ಯಾವಾಗ ಕಳೆದ ಜನವರಿಯಲ್ಲಿ ಚೀನಾದ ವುಹಾನ್‌ ನಲ್ಲಿ ಮಹಾಮಾರಿ ಕರೋನಾ ಸ್ಪೋಟವಾಯಿತೋ ಅಂದಿನಿಂದಲೇ ಎರಡೂ ದೇಶಗಳ ಸಂಬಂಧ ಹುಳಿಯಾಗತೊಡಗಿತು. ಅಮೇರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರಂತೂ ಕರೋನಾ ವೈರಸ್‌ ಚೀನಾದ ಲ್ಯಾಬ್‌ ಗಳಲ್ಲಿ ವಿಜ್ಞಾನಿಗಳೇ ತಯಾರಿಸಿದ ವಿನಾಶಕಾರಿ ವೈರಸ್‌ ಎಂದು ಆರೋಪಿಸಿದರಲ್ಲದೆ ನ್ಯಾಯಾಲಯದಲ್ಲಿ ಮೊಕದ್ದಮೆ ಹೂಡಿ ಅಮೇರಿಕಾದ ನಾಗರಿಕರ ಸಾವಿಗೆ ಬಿಲಿಯನ್‌ ಗಟ್ಟಲೆ ಡಾಲರ್‌ ನಷ್ಟ ಪರಿಹಾರವನ್ನೂ ಕೋರ್ಟಿನಲ್ಲಿ ದಾಖಲಿಸುವ ತನಕ ಮಾತಾಡಿದರು. ನಂತರ ವಿಶ್ವ ಅರೋಗ್ಯ ಸಂಸ್ಥೆಯು ಚೀನಾದ ಅಣತಿಗೆ ತಕ್ಕಂತೆ ವರ್ತಿಸುತ್ತಿದೆ ಎಂದು ಆರೋಪಿಸಿ ಅಲ್ಲಿಂದ ಅಮೇರಿಕಾ ಹೊರಬಂದಿದೆ.
ಆದರೆ ಇತ್ತೀಚೆಗೆ ಡೊನಾಲ್ಡ್ ಟ್ರಂಪ್ ಅವರ ಮಾಜಿ ರಾಷ್ಟ್ರೀಯ ಭದ್ರತಾ ಸಲಹೆಗಾರ ಜಾನ್ ಬೋಲ್ಟನ್ ಬರೆದ ಆತ್ಮಕಥನವು ಭಾರೀ ಸುದ್ದಿ ಮಾಡಿದೆ. ಇದು ಅಮೇರಿಕಾದ ಅಧ್ಯಕ್ಷರನ್ನೇ ಇಕ್ಕಟ್ಟಿಗೆ ಸಿಲುಕಲಿಸಿದೆ. ಅಷ್ಟೇ ಅಲ್ಲ ಅವರು ತೀವ್ರ ಮುಜುಗರವನ್ನೂ ಅನುಭವಿಸಲಿದ್ದಾರೆ. ಏಕೆಂದರೆ ಈ ಪುಸ್ತಕದಲ್ಲಿ ಅಧ್ಯಕ್ಷರಾಗಿ ಪುನರಾಯ್ಕೆ ಬಯಸಿರುವ ಟ್ರಂಪ್ ಇದಕ್ಕಾಗಿ ಚೀನಾ ಅಧ್ಯಕ್ಷ ಕ್ಸಿ-ಜಿನ್ ಪಿಂಗ್ ಅವರ ಸಹಾಯವನ್ನೂ ಕೇಳಿದ್ದಾರೆ ಎಂದು ಆರೋಪಿಸಲಾಗಿದೆ. ಆದ್ದರಿಂದ ಈ ಪುಸ್ತಕವನ್ನು ಬಿಡುಗಡೆ ಮಾಡುವುದನ್ನು ನಿಲ್ಲಿಸಲು ತುರ್ತು ಆದೇಶ ಹೊರಡಿಸುವಂತೆ ಅಮೇರಿಕಾದ ಸರ್ಕಾರ ಬುಧವಾರ ಫೆಡರಲ್ ನ್ಯಾಯಾಲಯದಲ್ಲಿ ಅರ್ಜಿ ಸಲ್ಲಿಸಿದೆ.
ಬೋಲ್ಟನ್ ಅವರ 577 ಪುಟಗಳ ಪುಸ್ತಕ ʼದಿ ರೂಮ್ ವೇರ್ ಇಟ್ ಹ್ಯಾಪನ್ಡ್ ಎ ವೈಟ್ ಹೌಸ್ ಮೆಮೋಯಿರ್ʼ ಜೂನ್ 23 ರಂದು ಬಿಡುಗಡೆಯಾಗಲು ದಿನಾಂಕ ನಿಗದಿ ಆಗಿದೆ. ದಿ ನ್ಯೂಯಾರ್ಕ್ ಟೈಮ್ಸ್ ನಲ್ಲಿ ಪ್ರಕಟವಾದ ಆಯ್ದ ಭಾಗವೊಂದರ ಪ್ರಕಾರ, ಟ್ರಂಪ್ ಮತ್ತು ಕ್ಸಿ ನಡುವಿನ ಸಂಭಾಷಣೆ ನಡೆದದ್ದು ಎಂದು ಬೋಲ್ಟನ್ ಹೇಳಿದ್ದಾರೆ ಜಪಾನಿನ ಒಸಾಕ ನಗರದಲ್ಲಿ ನಡೆದ ಜಿ 20 ಶೃಂಗ ಸಭೆಯಲ್ಲಿ ಟ್ರಂಪ್ ಹಾಗೂ ಕ್ಸಿ ಜಿನ್ ಪಿಂಗ್ ಅವರು ಮಾತುಕಥೆ ನಡೆಸಿದ್ದರು ಎಂದು ಬೋಲ್ಟನ್ ಹೇಳಿದ್ದಾರೆ. ಆ ಸಂಭಾಷಣೆಯಲ್ಲಿ ಅಮೆರಿಕಾದಲ್ಲಿ ನೆಲೆಸಿರುವ ಚೀನಾದ ಟೀಕಾಕಾರರು ಅಮೇರಿಕಾ ಮತ್ತು ಚೀನಾದ ನಡುವೆ ಶೀಥಲ ಸಮರಕ್ಕೆ ಕಾರಣವಾಗಿದ್ದಾರೆ ಎಂದು ಕ್ಸಿ ಅರೋಪಿಸಿದರು. ಆಗ ಅದ್ಯಕ್ಷ ಟ್ರಂಪ್ ಅವರು ಟ್ರಂಪ್, ಆಶ್ಚರ್ಯಕರವಾಗಿ, ಮುಂಬರುವ ಅಮೇರಿಕದ ಅಧ್ಯಕ್ಷೀಯ ಚುನಾವಣೆಗೆಯ ವಿಷಯವನ್ನು ಪ್ರಸ್ತಾಪಿಸಿ ಇದು ಚೀನಾದ ಆರ್ಥಿಕ ಸಾಮರ್ಥ್ಯವನ್ನು ಸೂಚಿಸುತ್ತದೆ ಮತ್ತು ಚುನಾವಣೆಯಲ್ಲಿ ತಮ್ಮನ್ನು ಬೆಂಬಲಿಸುವಂತೆ ಮನವಿ ಮಾಡಿದರು ಎಂದು ಬೋಲ್ಟನ್ ತಮ್ಮ ಪುಸ್ತಕದಲ್ಲಿ ಹೇಳಿದ್ದಾರೆ. ಅವರು ರೈತರ ಪ್ರಾಮುಖ್ಯತೆಯನ್ನು ಒತ್ತಿ ಹೇಳಿದರು ಮತ್ತು ನಂತರ ಚೀನಾದಿಂದ ಸೋಯಾಬೀನ್ ಮತ್ತು ಗೋಧಿಯ ಖರೀದಿಯನ್ನು ಹೆಚ್ಚಿಸಿದರು ಎಂದು ಹೇಳಿದ್ದಾರೆ.
ಉಯಿಘರ್ ಮುಸ್ಲಿಮರನ್ನು ಬಂಧಿಸಿಡಲು ಚೀನಾದ ಪಶ್ಚಿಮ ಕ್ಸಿನ್‌ಜಿಯಾಂಗ್ ಪ್ರದೇಶದಲ್ಲಿ ಶಿಬಿರಗಳ ನಿರ್ಮಾಣದ ಬಗ್ಗೆ ಇಬ್ಬರು ನಾಯಕರು ಮಾತನಾಡಿದ್ದಾರೆ ಎಂದು ಬೋಲ್ಟನ್ ಹೇಳಿದ್ದಾರೆ. ನಿರ್ಮಾಣವು “ನಿಖರವಾಗಿ ಸರಿಯಾದ ಕೆಲಸ” ಆಗಿರುವುದರಿಂದ ಅದನ್ನು ಮುಂದುವರಿಸಬೇಕು ಎಂದು ಟ್ರಂಪ್ ಅವರು ಕ್ಸಿ ಜಿನ್‌ಪಿಂಗ್‌ ಅವರಿಗೆ ತಿಳಿಸಿದರು. ಬೋಲ್ಟನ್ ತಮ್ಮ ಪುಸ್ತಕದಲ್ಲಿ ಟ್ರಂಪ್ ವಿರುದ್ಧದ ದೋಷಾರೋಪಣೆ ವಿಚಾರಣೆಯ ಬಗ್ಗೆಯೂ ಮಾತನಾಡಿದ್ದಾರೆ. ತಮ್ಮ ರಾಜಕೀಯ ಪ್ರತಿಸ್ಪರ್ಧಿ ಜೋ ಬಿಡನ್ ಮತ್ತು ಅವರ ಮಗನ ಮೇಲೆ ಭ್ರಷ್ಟಾಚಾರದ ತನಿಖೆ ನಡೆಸಲು ಅಮೆರಿಕ ಅಧ್ಯಕ್ಷರು ಉಕ್ರೇನಿಯನ್ ಅದ್ಯಕ್ಷ ವೊಲೊಡಿಮೈರ್ ಮೇಲೆ ಒತ್ತಡ ಹೇರಿದ್ದರು. ಆದಾಗ್ಯೂ, ಎರಡು ವಾರಗಳ ವಿಚಾರಣೆಯ ನಂತರ ಅವರನ್ನು ಖುಲಾಸೆಗೊಳಿಸಲಾಯಿತು. ರಾಜಕೀಯ ಹಸ್ತಕ್ಷೇಪದ ಇತರ ನಿದರ್ಶನಗಳನ್ನು ಗಮನಿಸಿದರೆ ದೋಷಾರೋಪಣೆ ವಿಚಾರಣೆಯು ಈ ವರ್ಷ ವಿಭಿನ್ನ ಫಲಿತಾಂಶಕ್ಕೆ ಕಾರಣವಾಗಬಹುದು ಎಂದು ಬೋಲ್ಟನ್ ಹೇಳಿದ್ದಾರೆ. ವರದಿಗಾರರು ತಮ್ಮ ಮೂಲಗಳನ್ನು ಬಹಿರಂಗಪಡಿಸಬೇಕು ಅಥವಾ ಜೈಲು ಶಿಕ್ಷೆಯನ್ನು ಎದುರಿಸಬೇಕಾಗುತ್ತದೆ ಎಂದು ಟ್ರಂಪ್ ಹೇಳಿರುವುದನ್ನೂ ಪುಸ್ತಕದಲ್ಲಿ ದಾಖಲಿಸಲಾಗಿದೆ.
ಉತ್ತರ ಕೊರಿಯಾ, ಇರಾನ್, ಅಫ್ಘಾನಿಸ್ತಾನ ಮತ್ತು ರಷ್ಯಾದಲ್ಲಿ ದೇಶದ ವಿದೇಶಾಂಗ ನೀತಿಯ ಬಗ್ಗೆ ಭಿನ್ನಾಭಿಪ್ರಾಯಗಳ ಮಧ್ಯೆ ಬೋಲ್ಟನ್ ಅವರನ್ನು ಕಳೆದ ವರ್ಷ ಟ್ರಂಪ್ ಅವರು ತಮ್ಮ ಹುದ್ದೆಯಿಂದ ವಜಾ ಮಾಡಿದ್ದರು.
ಅಮೇರಿಕ ಮತ್ತು ಚೀನಾದ ನಡುವೆ ರಾಜತಾಂತ್ರಿಕ ಸಂಭಂದಗಳು ಕಳೆದೆರಡು ತಿಂಗಳಿನಿಂದ ಮತ್ತಷ್ಟು ಹದಗೆಡುತ್ತಿವೆ. ಕಳೆದ ಮೇ ತಿಂಗಳ ಆರಂಭದಲ್ಲಿ, ಅಮೇರಿಕದಲ್ಲಿ ಕೆಲಸ ಮಾಡುವ ಚೀನೀ ಪತ್ರಕರ್ತರಿಗೆ ಅಮೇರಿಕ ವೀಸಾ ನಿರ್ಬಂಧಗಳನ್ನು ವಿಧಿಸಿತು, ಅವರ ಕೆಲಸದ ಅವಧಿಯನ್ನು 90 ದಿನಗಳವರೆಗೆ ಸೀಮಿತಗೊಳಿಸಿತು. ಅಲ್ಲದೆ ಅಧ್ಯಕ್ಷ ಟ್ರಂಪ್ ಅವರು ಅಮೇರಿಕನ್‌ ಕಂಪೆನಿಗಳು “ರಾಷ್ಟ್ರೀಯ ಭದ್ರತಾ ಅಪಾಯಗಳನ್ನುಂಟುಮಾಡುವ ಚೀನಿ ಕಂಪನಿಗಳು ತಯಾರಿಸಿದ ಟೆಲಿಕಾಂ ಉಪಕರಣಗಳನ್ನು ಬಳಸದಂತೆ ನಿಷೇಧವನ್ನು ಇನ್ನೂ ಒಂದು ವರ್ಷ ವಿಸ್ತರಿಸಿದರು. ಅದರೆ ಚೀನಾ ತನ್ನ ಸರ್ಕಾರೀ ಮಾಧ್ಯಮದ ಮೂಲಕ ಟ್ರಂಪ್‌ರ ಕಾಮೆಂಟ್‌ಗಳನ್ನು “ಉನ್ಮತ್ತತೆ” ಮತ್ತು ಅಮೇರಿಕದ ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪೊಂಪಿಯೊ ಅವರನ್ನು ದುಷ್ಟ ರಾಜಕಾರಣಿ ಎಂದು ಕರೆಯಿತು.
ವಿಶ್ವದ ಎರಡು ಸೂಪರ್ ಶಕ್ತಿಗಳ ನಡುವೆ ಹೆಚ್ಚುತ್ತಿರುವ ಉದ್ವಿಗ್ನತೆಗಳು ಅನೇಕ ಶೀತಲ ಸಮರದ ಬಗ್ಗೆ ಅನೇಕ ತಜ್ಞರು ಎಚ್ಚರಿಸಿದ್ದಾರೆ. ಸೋವಿಯತ್ ಒಕ್ಕೂಟದ ವಿರುದ್ಧದ ಶೀತಲ ಸಮರದಂತೆಯೇ ಚೀನಾವನ್ನು ಎದುರಿಸುವುದು ಅಮೇರಿಕದ ವಿದೇಶಾಂಗ ನೀತಿಯ ಸಂಘಟನಾ ತತ್ವವಾಗಬೇಕು ಎಂದು ಕೌನ್ಸಿಲ್ ಆನ್ ಫಾರಿನ್ ರಿಲೇಶನ್ಸ್ ಅಧ್ಯಕ್ಷ ರಿಚರ್ಡ್ ಹಾಸ್ ದಿ ವಾಲ್ ಸ್ಟ್ರೀಟ್ ಜರ್ನಲ್ನಲ್ಲಿ ಬರೆದಿದ್ದಾರೆ. ಕೋವಿಡ್‌ 19 ನಿಂದಾಗಿ ಎರಡೂ ದೇಶಗಳ ಬಿಕ್ಕಟ್ಟು ಉಲ್ಬಣಗೊಂಡಿವೆ. ಎರಡೂ ದೇಶಗಳು, ಈಗಾಗಲೇ ವ್ಯಾಪಾರ, ತಂತ್ರಜ್ಞಾನ ಮತ್ತು ಕಡಲ ವಿವಾದಗಳಿಗೆ ತುತ್ತಾಗಿವೆ, ಪರಸ್ಪರರ ಕಡೆಗೆ ಹೆಚ್ಚು ಪ್ರತಿಕೂಲವಾದ ಸ್ಥಾನವನ್ನು ಪಡೆದುಕೊಳ್ಳುತ್ತವೆ. ಎರಡೂ ದೇಶಗಳ ನಡುವಿನ ಸ್ಪರ್ಧೆಯು ಸಂಬಂಧವನ್ನು ನಿಯಂತ್ರಿಸುತ್ತದೆ.
ವಾಷಿಂಗ್ಟನ್ ಮತ್ತು ಬೀಜಿಂಗ್ ಎರಡರಲ್ಲೂ ಭಾರತದ ರಾಯಭಾರಿಯಾಗಿ ಸೇವೆ ಸಲ್ಲಿಸಿದ ನಿರುಪಮಾ ರಾವ್, ಅವರ ಪ್ರಕಾರ ಉದ್ವಿಗ್ನತೆ ಸದ್ಯಕ್ಕೆ ಹೋಗುವುದಿಲ್ಲ. ಅಮೇರಿಕಾದ ಮುಂದಿನ ಅಧ್ಯಕ್ಷೀಯ ಚುನಾವಣೆಯವರೆಗೂ ಈ ಪರಿಸ್ಥಿತಿಯು ಸರಾಗವಾಗುವುದಿಲ್ಲ. ಚುನಾವಣೆಯ ನಂತರದ, ಬಿಕ್ಕಟ್ಟು ಕಡಿಮೆಯಾಗಬಹುದು, ಆದರೆ ಚೀನಾದ ಬಗ್ಗೆ ಆಳವಾಗಿ ಬೇರೂರಿರುವ ದ್ವೇಷವು ಅಮೇರಿಕದಲ್ಲಿ ಜನಪ್ರಿಯ ಮತ್ತು ರಾಜಕೀಯ ಕಲ್ಪನೆಯನ್ನು ಹಿಡಿದಿದೆ. ಆದ್ದರಿಂದ, ಉದ್ವಿಗ್ನತೆಗಳು ಹೋಗುವುದಿಲ್ಲ. ಚೀನಾದಲ್ಲಿ ನಾಯಕತ್ವ ಮತ್ತು ಸಾರ್ವಜನಿಕ ಅಭಿಪ್ರಾಯ ಎರಡೂ ರಾಷ್ಟ್ರೀಯತಾವಾದಿ ವಿಚಾರಧಾರೆಯಾಗಿದೆ. ಮತ್ತು ಟ್ರಂಪ್ ಆಡಳಿತವನ್ನು ಪ್ರಧಾನ ವಿರೋಧಿ ಎಂದು ಪರಿಗಣಿಸಲಾಗುತ್ತದೆ ಎಂದು ಅವರು ಹೇಳಿದರು.
ಆದರೆ ಈ ನವೆಂಬರ್‌ನಲ್ಲಿ ಟ್ರಂಪ್ ಅವರನ್ನು ಮತ್ತೆ ಆಯ್ಕೆ ಮಾಡಿದರೆ ಅಮೇರಿಕ ಮತ್ತು ಚೀನಾ ನಡುವಿನ ಸಂಬಂಧವು ಮತ್ತಷ್ಟು ಹದಗೆಡಬಹುದು ಎಂಬುದು ತಜ್ಞರ ಅಭಿಮತವಾಗಿದೆ.
