ಗೂಡಿಗೆ ಮರಳಲು ವೈಎಸ್​ವಿ ದತ್ತಾ ತಯಾರಿ: ದೇವೇಗೌಡರ ಜೊತೆ ಭಾರೀ ಚರ್ಚೆ

ಬೆಂಗಳೂ್ರು : ಟಿಕೆಟ್​ ಆಸೆಗಾಗಿ ಜೆಡಿಎಸ್​ನಿಂದ ಕಾಂಗ್ರೆಸ್​ಗೆ ಹಾರಿ ಕೈ ಸುಟ್ಟುಕೊಂಡಿದ್ದ ಮಾಜಿ ಸಚಿವ ವೈಎಸ್​ವಿ ದತ್ತಾ ಇದೀಗ ಮತ್ತೆ ಜೆಡಿಎಸ್​ಗೆ ಮರಳಲು ಸಿದ್ಧತೆ ನಡೆಸಿದ್ದಾರೆ. ಇಂದು ಬೆಂಗಳೂರಿನ ಪದ್ಮನಾಭನಗರದಲ್ಲಿರುವ ಹೆಚ್​ಡಿಡಿ ನಿವಾಸಕ್ಕೆ ಭೇಟಿ ನೀಡಿದ ದತ್ತಾ ಕಡೂರು ಜೆಡಿಎಸ್​ ಟಿಕೆಟ್​ ತಮಗೆ ಕೊಡುವಂತೆ ಮನವಿ ಮಾಡಿದ್ದಾರೆ ಎನ್ನಲಾಗಿದೆ.

ADVERTISEMENT

ಕಡೂರಿನಿಂದ ಕಾಂಗ್ರೆಸ್​ ಟಿಕೆಟ್​ ಕೈ ತಪ್ಪಿದ ಬಳಿಕ ಬೆಂಬಲಿಗರ ಸಭೆ ಕರೆದಿದ್ದ ವೈಎಸ್​ವಿ ದತ್ತಾ ಪಕ್ಷೇತರ ಅಭ್ಯರ್ಥಿಯಾಗಿ ಸ್ಪರ್ಧಿಸುವ ಇರಾದೆ ವ್ಯಕ್ತಪಡಿಸಿದ್ದರು. ಟವೆಲ್​ ಗುರುತಿನ ಅಡಿಯಲ್ಲಿ ತಾನು ಸ್ವತಂತ್ರ್ಯ ಅಭ್ಯರ್ಥಿಯಾಗಿ ಕಣಕ್ಕಿಳಿಯುತ್ತೇನೆಂದು ಘೋಷಣೆ ಕೂಡ ಮಾಡಿದ್ದರು.

ಆದರೆ ಇದೀಗ ಮರಳಿ ದಳಪತಿಗಳ ಬಣ ಸೇರಿಕೊಳ್ಳೋಕೆ ದತ್ತಾ ಪ್ಲಾನ್​ ಮಾಡಿದಂತೆ ಕಾಣುತ್ತಿದೆ. ಹೀಗಾಗಿ ಇದೀಗ ದಳಪತಿಗಳ ಮನೆ ಬಾಗಿಲು ತಟ್ಟಿರುವ ದತ್ತಾ ಟಿಕೆಟ್​ಗಾಗಿ ಲಾಬಿ ನಡೆಸಿದ್ದಾರೆ.