ಟಾಕ್ಸಿಕ್ ಚಿತ್ರ ರಿಲೀಸ್ ಆಗುವ ತಯಾರಿ ಮಾಡಿಕೊಳ್ಳುತ್ತಿದೆ. ಆಗಸ್ಟ್ 26ಕ್ಕೆ ಸಿನಿಮಾ ಬಿಡುಗಡೆ ಅನೌನ್ಸ್ ಮಾಡಲಾಗಿದೆ. ಈ ಡೇಟ್ಗಾದರೂ ರಿಲೀಸ್ ಆಗುತ್ತಾ ಎನ್ನುವ ಪ್ರಶ್ನೆ ಎಲ್ಲರಲ್ಲೂ ಇದೆ. ಸದ್ಯ ಬಿಡುಗಡೆಗೆ ಕೌಂಟ್ಡೌನ್ ಶುರುವಾದ ಬೆನ್ನಲ್ಲೇ, ಚಿತ್ರತಂಡ ಸಿನಿಮಾದೊಳಗಿನ ಗ್ಲಾಮರ್ ಲೋಕ ಪರಿಚಯಿಸಲು ಸಿದ್ಧವಾಗಿದೆ.
ಹೌದು ಜುಲೈ 1ರಿಂದ ಟಾಕ್ಸಿಕ್ ಲೇಡಿಸ್ಗಳ ದರ್ಶನವಾಗಲಿದೆ. ಟಾಕ್ಸಿಕ್ ಚಿತ್ರದಲ್ಲಿ ಐವರು ನಟಿಯರು ಕಾಣಿಸಿಕೊಂಡಿದ್ದಾರೆ. ಅವರವರ ಪಾತ್ರದ ಹೆಸರ ಜೊತೆ ಫಸ್ಟ್ ಲುಕ್ ಈಗಾಗಲೇ ಹೊರಬಿದ್ದಿದೆ. ಸದ್ಯ ಆ ಐವರು ನಟಿಯರ ಪಾತ್ರದ ಪರಿಚಯದ ಟೀಸರ್ ರಿಲೀಸ್ ಮಾಡುವ ಸಾಧ್ಯತೆ ದಟ್ಟವಾಗಿದೆ.
ಈಗಾಗಲೇ ಯಶ್ ಕೂಡ ದ್ವಿಪಾತ್ರದಲ್ಲಿ ಕಾಣಿಸಿಕೊಂಡಿರುವ ಟೀಸರ್ ಮತ್ತು ಪೋಸ್ಟರ್ ಕೂಡ ರಿಲೀಸ್ ಆಗಿತ್ತು. ರಾಯ ಹಾಗೂ ಟಿಕೆಟ್ ಹೆಸರಿನ ತಂದೆ, ಮಗನ ಪಾತ್ರದಲ್ಲಿ ಯಶ್ ಭರ್ಜರಿ ಲುಕ್ ಕೊಟ್ಟು ನಟಿಸುತ್ತಿದ್ದಾರೆ. ಐದು ಜನ ನಟಿಯರಿದ್ದಾರೆ. ಅವರು ಯಾವ ಪಾತ್ರ ಮಾಡಲಿದ್ದಾರೆ ಅನ್ನುವ ಕುತೂಹಲ ಎಲ್ಲರಲ್ಲೂ ಇದೆ. ಆ ಕುತೂಹಲಕ್ಕೆ ಜುಲೈ1 ರಂದು ತೆರೆ ಬೀಳಲಿದೆ. ನಟ ಯಶ್ ಇನ್ಸ್ಟಾಗ್ರಾಂನಲ್ಲಿ ʼಕಾಮ್ ಡೌನ್.. ಲೇಡಿಸ್ ಟೇಕ್ ಟೈಂ ಟು ಕಮ್ʼ ಎಂದು ಪೋಸ್ಟ್ ಹಾಕಿದ್ದಾರೆ.
ಇನ್ನು, ಟಾಕ್ಸಿಕ್ ಸಿನಿಮಾದಲ್ಲಿ ಬಹುಭಾಷಾ ನಟಿಯರ ದಂಡೇ ಇದೆ. ಕನ್ನಡದ ರುಕ್ಮಿಣಿ ವಸಂತ್ ಮೆಲ್ಲಿಸಾ ಪಾತ್ರದಲ್ಲಿ ಮಿಂಚಿದ್ದಾರೆ. ಇನ್ನು ಕಿಯಾರಾ ಅಡ್ವಾನಿ ನಾಡಿಯಾ ಕ್ಯಾರೆಕ್ಟರ್ಗೆ ಬಣ್ಣ ಹಚ್ಚಿದ್ದಾರೆ. ನಯನತಾರಾ ಗಂಗಾ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಹುಮಾ ಖುರೇಶಿ ಎಲಿಜೆಬೆತ್ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ತಾರಾ ಸುತಾರಿಯಾ ರೆಬೆಕಾ ಹೆಸರಿನ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ಸದ್ಯ ರಿಲೀಸ್ ಆಗಿದ್ದ ಪೋಸ್ಟರ್ನಲ್ಲಿ ಈ ಐವರು ನಟಿಯರ ಲುಕ್ ಕುತೂಹಲದ ಜೊತೆಗೆ ನಿರೀಕ್ಷೆಯನ್ನೂ ಮೂಡಿಸಿದೆ. ಜುಲೈ1 ರಿಂದ ಲೇಡಿಸ್ ಕ್ಯಾರೆಕ್ಟರ್ ಟೀಸರ್ ರಿಲೀಸ್ ಆದಲ್ಲಿ ಒಬ್ಬರ ನಂತರ ಒಬ್ಬರು ಎಂಟ್ರಿ ಕೊಡುವ ಟಾಕ್ಸಿಕ್ ಲೇಡಿಸ್ ಸೋಶಿಯಲ್ ಮೀಡಿಯಾದಲ್ಲಿ ಸೆನ್ಷೇಷನ್ ಕ್ರಿಯೇಟ್ ಮಾಡುವುದಂತೂ ನಿಜ.
