ದತ್ತಪೀಠದ ಹೆಸರಲ್ಲಿ ಸಂಸದ, ಶಾಸಕರಾಗಿ ಅಧಿಕಾರಕ್ಕೆ ಬಂದವರು ಈಗೇನು ಮಾಡುತ್ತಿದ್ದಾರೆ ? ಅಲ್ಲಿ ಮುಸಲ್ಮಾನರು ನಮಾಜು ಮಾಡ್ತಾರೆ, ಮಾಂಸದ ಊಟ ಮಾಡ್ತಾರೆ ಅಂದ್ರೆ ಏನರ್ಥ ? ಎಂದು ಶ್ರೀರಾಮ ಸೇನೆ ಸಂಸ್ಥಾಪಕ ಪ್ರಮೋದ ಮುತಾಲಿಕ್ ಸಿ.ಟಿ.ರವಿ ಮತ್ತು ಶೋಭಾ ಕರಂದ್ಲಾಜೆ ವಿರುದ್ದ ಗುಡುಗಿದರು.
ಕೊಪ್ಪಳ ನಗರದಲ್ಲಿ ಇಂದು ಸುದ್ದಿಗಾರೊಂದೊಗೆ ಮಾತನಾಡಿದ ಶ್ರೀರಾಮಸೇನೆ ಮುಖ್ಯಸ್ಥ ಪ್ರಮೋದ್ ಮುತಾಲಿಕ್,
ನೀವೇನ್ ನಿದ್ದೆ ಮಾಡ್ತಿದ್ದೀರಾ? ನೀವೆಲ್ಲಾ ಗೆದ್ದಿರೋದೆ ದತ್ತ ಪೀಠದಿಂದ. ಧಾರ್ಮಿಕ ದತ್ತಿ ಇಲಾಖೆ ಅಧಿಕಾರಿಯನ್ನು ಕಿತ್ತು ಬಿಸಾಕುವುದನ್ನು ಬಿಟ್ಟು ಕತೆ ಹೇಳಿದರೆ ಯಾರ ಕೇಳ್ತಾರೆ? ದತ್ತ ಪೀಠದಲ್ಲಿ 200 ಮೀಟರ್ ಅಂತರದಲ್ಲಿ ಮಾಂಸದೂಟ, ನಮಾಜ್ ಇನ್ನಿತರೆ ಏನು ಮಾಡಬಾರದು ಎಂದಿದೆ ಆದರೆ ನಡೆಯುತ್ತಿದೆ ಇದನ್ನು ನಾನು ಖಂಡಿಸುತ್ತೇನೆ. ಸಿಟಿ ರವಿ, ಶೋಭಾ ಕರಂದ್ಲಾಜೆ ಅವರೇ ನಿಮಗೆ ನೋವಾಗಲ್ವಾ? ಅಲ್ಲಿರುವ ಪೊಲೀಸ್ ಅಧಿಕಾರಿಗಳನ್ನು ಸಸ್ಪೆಂಡ್ ಮಾಡಿ ಎಂದು ಆಗ್ರಹಿಸಿದರು.
![](https://pratidhvani.com/wp-content/uploads/2021/11/pramod-muthalik-882057-1599140161.jpg)
ಮುತಾಲಿಕ್ ರಾಜಕೀಯ ಚಾಪ್ಟರ್ ಕ್ಲೋಸ್ ಆಗಿದೆ. ನಮ್ಮಂಥವರಿಗೆ ಅವಕಾಶ ಇಲ್ಲ ಬಿಡಿ. ಬಿಜೆಪಿಯವರದು ಹಿಂದುತ್ವ ಏನಿಲ್ಲ, ಬರೀ ನಾಟಕ ಎಂದು ಆರೋಪಿಸಿದರು. ಡಿಕೆ ಶಿವಕುಮಾರ, ಕುಮಾರಸ್ವಾಮಿ ವೋಟ್ಗಾಗಿ ಜೊಲ್ಲು ಸುರಿಸುತ್ತಿದಾರೆ. ಮುಸ್ಲಿಮರ ವೋಟ್ಗೆ ಜೊಲ್ಲು ಸುರಿಸುವ ರಾಜಕಾರಣಿಗಳಿಗೆ ಧಿಕ್ಕಾರ ಎಂದರು.