ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯಲ್ಲಿ ಭಾರತಕ್ಕೆ ಕಾಯಂ ಸದಸ್ಯತ್ವ ಲಭಿಸಿದರೆ ನಮಗೆ ಹೆಮ್ಮೆ ಉಂಟಾಗಲಿದೆ ಎಂದು ಟರ್ಕಿ ಪ್ರಧಾನಿ ರೆಸೆಪ್ ತಯ್ಯಪ್ ಎರ್ಡೊಗನ್ ಹೇಳಿದ್ದಾರೆ.
ಜತೆಗೆ ಕಾಯಂ ಸದಸ್ಯರಲ್ಲದ ಐದು ರಾಷ್ಟ್ರಗಗಳಿಗೆ ಆವರ್ತನ ಆಧಾರದಲ್ಲಿ ಭದ್ರತಾ ಮಂಡಳಿ ಸದಸ್ಯರಾಗಲು ಅವಕಾಶ ನೀಡಬೇಕು ಎಂದು ಪ್ರಧಾನಿ ರೆಸೆಪ್ ಒತ್ತಾಯಿಸಿದ್ದಾರೆ.
ಭಾನುವಾರ (ಸೆಪ್ಟೆಂಬರ್ 10) ಮಾಧ್ಯಮಗೋಷ್ಠಿಯಲ್ಲಿ ಪ್ರಶ್ನೆಯೊಂದಕ್ಕೆ ಅವರು ರೀತಿಯಾಗಿ ಉತ್ತರಿಸಿದರು.
ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯ 5 ಕಾಯಂ ರಾಷ್ಟ್ರಗಳ ಬಗ್ಗೆ ಪ್ರತಿಕ್ರಿಯಿಸಿರುವ ಅವರು, “ಜಗತ್ತು 5 ರಾಷ್ಟ್ರಗಳಿಗಿಂತ ವಿಶಾಲವಾಗಿದೆ” ಎಂದು ಹೇಳಿದ್ದಾರೆ.
“ಭಾರತದಂಥ ರಾಷ್ಟ್ರಕ್ಕೆ ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಯಲ್ಲಿ ಕಾಯಂ ಸ್ಥಾನ ದೊರಕಿದರೆ ನಮಗೆ ಹೆಮ್ಮೆಯಾಗುತ್ತದೆ. ನಿಮಗೆ ತಿಳಿದಿರುವ ಹಾಗೆ ಜಗತ್ತು 5 ರಾಷ್ಟ್ರಗಳಿಂದ ವಿಶಾಲವಾಗಿದೆ” ಎಂದು ಹೇಳಿದ್ದಾರೆ.
“ಅಮೆರಿಕ, ಇಂಗ್ಲೆಂಡ್, ಫ್ರಾನ್ಸ್, ಚೀನಾ ಹಾಗ ರಷ್ಯಾದ ಬಗ್ಗೆ ನಾವು ಮಾತನಾಡುತ್ತಿಲ್ಲ. ಭದ್ರತಾ ಮಂಡಳಿಯಲ್ಲಿ ಈ ಐದು ದೇಶಗಳು ಮಾತ್ರ ಇರಲು ನಾವು ಬಯಸುವುದಿಲ್ಲ” ಎಂದು ಟರ್ಕಿ ಪ್ರಧಾನಿ ರೆಸೆಪ್ ಹೇಳಿದ್ದಾರೆ.
