ಲೇಹ್, ಲಡಾಖ್ : ಭಾರತದ ಅಘೋಷಿತ ವೀರ ತಾಶಿ ನಮ್ಗ್ಯಾಲ್ ಅವರು ಡಿಸೆಂಬರ್ 17 ರಂದು ಕಾರ್ಗಿಲ್ ಜಿಲ್ಲೆಯ ಗರ್ಖೋನ್ ಗ್ರಾಮದ ತಮ್ಮ ಮನೆಯಲ್ಲಿ ವಯೋ ಸಹಜ ಕಾರಣದಿಂದ ನಿಧನರಾದರು. 1999 ರ ಕಾರ್ಗಿಲ್ ಯುದ್ಧದ ಮೊದಲ ಮಾಹಿತಿದಾರ ಎಂದು ಕರೆಯಲ್ಪಡುವ ಅವರ ಅಪ್ರತಿಮ ಜಾಗರೂಕತೆ ಮತ್ತು ಧೈರ್ಯವು ಭಾರತದ ವಿಜಯವನ್ನು ಭದ್ರಪಡಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿತು. ವಿನಮ್ರ ಕುರುಬ ಜನಾಂಗದ , ತಾಶಿಯ ಜಾಗರೂಕತೆ ಮತ್ತು ಕರ್ತವ್ಯ ಪ್ರಜ್ಞೆಯು ಲಡಾಖ್‌ನ ಪ್ರಾದೇಶಿಕ ಸಮಗ್ರತೆಯನ್ನು ಕಾಪಾಡಿತು ಮಾತ್ರವಲ್ಲದೆ ಇಡೀ ರಾಷ್ಟ್ರದ ಹೆಮ್ಮೆಯನ್ನು ಎತ್ತಿಹಿಡಿದಿದೆ. ಅವರ ಪರಂಪರೆಯು ಭಾರತದ ಇತಿಹಾಸದಲ್ಲಿ ದೇಶಭಕ್ತಿ ಮತ್ತು ನಿಸ್ವಾರ್ಥತೆಯ ದಾರಿದೀಪವಾಗಿ ಶಾಶ್ವತವಾಗಿ ಉಳಿಯುತ್ತದೆ.
ಗಾರ್ಖೋನ್ ನಾಲಾದಲ್ಲಿ ತನ್ನ ಕುರಿಗಳನ್ನು ಮೇಯಿಸುವಾಗ ತಾಶಿ ಕಣಿವೆಗಳಲ್ಲಿ ಶತ್ರು ಸೈನಿಕರ ಅಸಾಮಾನ್ಯ ಚಟುವಟಿಕೆಯನ್ನು ಗುರುತಿಸಿದರು. ಕೂಡಲೇ ಅವರು ಭಾರತೀಯ ಸೇನೆಗೆ ಒಳನುಗ್ಗುವಿಕೆಯನ್ನು ವರದಿ ಮಾಡಿದರು, ನಂತರ ಆಪರೇಷನ್ ವಿಜಯ್ ಮತ್ತು ಕಾರ್ಗಿಲ್ ಯುದ್ಧದಲ್ಲಿ ಭಾರತದ ಅಂತಿಮ ವಿಜಯಕ್ಕೆ ಈ ಘಟನೆ ಕಾರಣವಾಯಿತು.
ಆದಾಗ್ಯೂ, ತಾಶಿಯ ಸಮಯಪ್ರಜ್ಞೆ ಅವರ ಜೀವಿತಾವಧಿಯಲ್ಲಿ ಹೆಚ್ಚಾಗಿ ಗುರುತಿಸಲ್ಪಡಲಿಲ್ಲ. ಮಾಧ್ಯಮಕ್ಕೆ ನೀಡಿದ ಸಂದರ್ಶನದಲ್ಲಿ, ಸರ್ಕಾರದಿಂದ ಮಾನ್ಯತೆಯ ಕೊರತೆಯ ಬಗ್ಗೆ ವಿಷಾದ ವ್ಯಕ್ತಪಡಿಸಿದ ಅವರು, “ನಾನು ಭಾರತದ ಗೌರವವನ್ನು ರಕ್ಷಿಸಿದ್ದೇನೆ ಮತ್ತು ಶತ್ರುಗಳ ಇರುವಿಕೆ ಕುರಿತು ವರದಿ ಮಾಡಿದ್ದೇನೆ, ಆದರೆ ನನಗೆ ಏನೂ ಸಿಕ್ಕಿಲ್ಲ. ನನ್ನ ಜೀವನೋಪಾಯಕ್ಕಾಗಿ ನಾನು ತರಕಾರಿ ಮಾರುತ್ತೇನೆ. ಸರ್ಕಾರ ನನ್ನ ಮಕ್ಕಳಿಗೆ ಉದ್ಯೋಗ ನೀಡಬೇಕು ಎಂದು ಆಗ್ರಹಿಸಿದ್ದರು.
ಗಾರ್ಖೋನ್ ಗ್ರಾಮದ ತ್ಸೇರಿಂಗ್ ವಾಂಗ್ಡಸ್ ಹೇಳುತ್ತಾರೆ, “ತಾಶಿ ನಮ್ಗ್ಯಾಲ್ ತನ್ನ ಕುರಿಯನ್ನು ಹುಡುಕಲು ಗಾರ್ಖೋನ್ ನಾಲಾಕ್ಕೆ ಹೋದನು, ಆಗ ಅವನು ಬಂಕರ್‌ಗಳಲ್ಲಿ ಅಡಗಿದ್ದ ಪಾಕಿಸ್ತಾನದ ಸೈನ್ಯವನ್ನು ನೋಡಿದನು ಮತ್ತು ಅದರ ಬಗ್ಗೆ ಭಾರತೀಯ ಸೇನೆಗೆ ತಿಳಿಸಿದನು. ಅವರು ಮೊದಲ ಮಾಹಿತಿದಾರರಾಗಿದ್ದರು. ಅವನಿಂದಾಗಿಯೇ ಲಡಾಖ್ ಉಳಿಯಿತು ಇಲ್ಲದಿದ್ದರೆ ಯಾರಿಗೂ ಈ ಬಗ್ಗೆ ಗೊತ್ತಾಗುತ್ತಲೇ ಇರಲಿಲ್ಲ. ಈ ಒಳನುಗ್ಗುವಿಕೆಯ ಮಾಹಿತಿಯು 1999 ರ ಕಾರ್ಗಿಲ್ ಯುದ್ಧಕ್ಕೆ ಕಾರಣವಾಯಿತು.” ತಾಶಿ ಗೆ ಪ್ರಶಸ್ತಿಯನ್ನು ನೀಡುವಂತೆ ಸರ್ಕಾರವನ್ನು ಒತ್ತಾಯಿಸಿದ ವಾಂಗ್ಡಸ್ ಸರ್ಕಾರವು ಅವರ ಕುಟುಂಬ ಸದಸ್ಯರಿಗೆ ಸಹಾಯ ಮಾಡಬೇಕು ಎಂದು ವಾದಿಸಿದರು.
