ಒಂಬತ್ತು ಬಸ್ ನಿಲ್ದಾಣಗಳು ಮತ್ತು ರೈಲ್ವೇ ನಿಲ್ದಾಣಗಳಲ್ಲಿ negative ಆರ್‌ಟಿ-ಪಿಸಿಆರ್ ಪ್ರಮಾಣಪತ್ರಗಳಿಲ್ಲದೆ ಮಹಾರಾಷ್ಟ್ರ ಮತ್ತು ಕೇರಳದಿಂದ ಬರುತ್ತಿರುವ ಜನರಿಂದ 1,736 ಸ್ವ್ಯಾಬ್ ಟೆಸ್ಟ್ (ಬುಧವಾರ ಮಧ್ಯಾಹ್ನದವರೆಗೆ) ಸಂಗ್ರಹಿಸಿದ್ದಾರೆ ಎಂದು ಬಿಬಿಎಂಪಿ ತಿಳಿಸಿದೆ.
ಹೆಚ್ಚಿನ ಪರೀಕ್ಷೆಗಳನ್ನು ಪೂರ್ವ ವಲಯ (265) ಮತ್ತು ಆರ್‌ಆರ್ ನಗರಗಳಲ್ಲಿ ನಡೆಸಲಾಯಿತು. ಮತ್ತೊಂದೆಡೆ, ಪಶ್ಚಿಮ ವಲಯದಲ್ಲಿ ಕೇವಲ 30 ಪ್ರಯಾಣಿಕರನ್ನು ಪರೀಕ್ಷಿಸಲಾಗಿದೆ. ಇಲ್ಲಿಯವರೆಗೆ, ಯಾವುದೇ ಪಾಸಿಟಿವ್ ಪ್ರಕರಣಗಳು ವರದಿಯಾಗಿಲ್ಲ ಎಂದು ತಿಳಿದುಬಂದಿದೆ. 1,736 ಪ್ರಯಾಣಿಕರಲ್ಲಿ, 699 ಮಹಾರಾಷ್ಟ್ರದವರಾಗಿದ್ದಾರೆ.
ಭಾನುವಾರ, ಬಿಬಿಎಂಪಿ ವಿಶೇಷ ಆಯುಕ್ತರು (ಆರೋಗ್ಯ) ಪರೀಕ್ಷೆಗಳನ್ನು ನಡೆಸಲು ಮತ್ತು ಆರ್‌ಟಿ-ಪಿಸಿಆರ್ ನೆಗೆಟಿವ್ ವರದಿಗಳನ್ನು ಪರಿಶೀಲಿಸಲು ಒಂಬತ್ತು ರೈಲ್ವೆ ಮತ್ತು ಬಸ್ ನಿಲ್ದಾಣಗಳಲ್ಲಿ ತಂಡಗಳನ್ನು ರಚಿಸಿ ಸುತ್ತೋಲೆ ಹೊರಡಿಸಿದ್ದಾರೆ. ನೆಗೆಟಿವ್ ವರದಿಗಳಿಲ್ಲದವರಿಗೆ ಸ್ಥಳದಲ್ಲೇ ಸ್ವ್ಯಾಬ್ ಪರೀಕ್ಷೆಗಳನ್ನು ಮಾಡಲಾಗುತ್ತಿದೆ.
ಮೆಜೆಸ್ಟಿಕ್ ನಿಲ್ದಾಣಗಳು, ಮೈಸೂರು ರಸ್ತೆ, ಯಶವಂತಪುರ, ಕೆಂಗೇರಿ ಮತ್ತು ಶಾಂತಿನಗರದ ಟರ್ಮಿನಲ್‌ಗಳಲ್ಲದೆ, ಯಶವಂತಪುರ, ಕಂಟೋನ್ಮೆಂಟ್ ಮತ್ತು ಕೆಆರ್ ಪುರಂನ ರೈಲ್ವೇ ನಿಲ್ದಾಣಗಳಲ್ಲಿ ನೆಗೆಟಿವ್ ವರದಿಯನ್ನು ಪರೀಕ್ಷಿಸಲು ಮತ್ತು ಪರಿಶೀಲಿಸಲು ತಂಡಗಳನ್ನು ನಿಯೋಜಿಸಲಾಗಿದೆ.
ಬಿಬಿಎಂಪಿಯ ವಿಶೇಷ ಆಯುಕ್ತ (ಆರೋಗ್ಯ) ಡಿ ರಂದೀಪ್ ಅವರು ಹೇಳುವಂತೆ, 100% ಪ್ರಯಾಣಿಕರನ್ನು ಪರೀಕ್ಷಿಸಲು ಸಾಧ್ಯವಾಗದಿದ್ದರು, ಉತ್ತಮ ಸ್ವ್ಯಾಬ್ ಟೆಸ್ಟ್ ಮಾಡುವಲ್ಲಿ ನಮ್ಮ ತಂಡ ಕೆಲಸ ಮಾಡುತ್ತಿದೆ ಎಂದು ಹೇಳಿದ್ದಾರೆ.
ಬಿಬಿಎಂಪಿ ವ್ಯಾಪ್ತಿಯಲ್ಲಿರುವ ಎಲ್ಲ ಪ್ರಮುಖ ಬಸ್ ನಿಲ್ದಾಣಗಳು ಮತ್ತು ರೈಲ್ವೇ ನಿಲ್ದಾಣಗಳ ನಿರ್ಗಮನ ಜಾಗದಲ್ಲಿ ನಾವು ಆರ್‌ಟಿ-ಪಿಸಿಆರ್ ಟೆಸ್ಟ್ ಮಾಡುವ ಜನರನ್ನು ಕೆಲಸಕ್ಕೆ ಸೇರಿಸಿದ್ದೇವೆ. ಕ್ವಾರಂಟೈನ್ (ಹೋಟೆಲ್ ಗಳಲ್ಲಿ) ಇನ್ನೂ ಆರಂಭವಾಗಿಲ್ಲ. ಇದು ನಾಳೆ (ಗುರುವಾರ) ಆರಂಭವಾಗಲಿದೆ “ಎಂದು ರಣದೀಪ್ ಹೇಳಿದ್ದಾರೆ.
ರೈಲುಗಳು ಮತ್ತು ಬಸ್‌ಗಳ ಆಗಮನದ ಸಮಯವನ್ನು ನಿಲ್ದಾಣದ ಮಾಸ್ಟರ್‌ಗಳು ಮತ್ತು ಕೆಎಸ್‌ಆರ್‌ಟಿಸಿಯಿಂದ ಸಂಗ್ರಹಿಸಲಾಗಿದೆ ಎಂದು ವಿಶೇಷ ಆಯುಕ್ತರು ತಿಳಿಸಿದ್ದಾರೆ.
“ನಾವು ಸುಮಾರು 2,000 ಪ್ರಯಾಣಿಕರ ಸ್ವ್ಯಾಬ್‌ಗಳನ್ನು ಸಂಗ್ರಹಿಸಲು ಸಾಧ್ಯವಾಗಿದೆ. ನಾವು ಅವರ ವಿಳಾಸಗಳನ್ನು ಗಮನಿಸುತ್ತಿದ್ದೇವೆ ಮತ್ತು ಅವರ ಮೊಬೈಲ್ ಸಂಖ್ಯೆಗಳನ್ನು ದೃಢೀಕರಿಸುತ್ತಿದ್ದೇವೆ. ಪರೀಕ್ಷಾ ಫಲಿತಾಂಶ ಬರುವವರಿಗೆ ಅವರಿಗೆ ಮನೆಯಲ್ಲಿಯೇ ಇರುವಂತೆ ಸ್ಪಷ್ಟವಾಗಿ ಹೇಳಲಾಗಿದೆ” ಎಂದು ಅವರು ಹೇಳಿದ್ದಾರೆ.
ರಿಯಾಲಿಟಿ ಚೆಕ್ :
ಡೆಕ್ಕಲ್‌ ಎರಾಲ್ಡ್ಸ್‌ ವರದಿಗಾರರು ಯಶವಂತಪುರ ರೈಲು ನಿಲ್ದಾಣಕ್ಕೆ ಭೇಟಿ ನೀಡಿದ ಸಂದರ್ಭದಲ್ಲಿ, ಹೆಚ್ಚಿನ ಪ್ರಯಾಣಿಕರನ್ನು ನಿಲ್ಲಿಸಿ ಆರ್‌ಟಿ-ಪಿಸಿಆರ್ negative ವರದಿಯನ್ನು ಪರೀಕ್ಷಿಸಲು ಅಧಿಕಾರಿಗಳು ಸ್ಪಷ್ಟವಾಗಿ ಹಿಂಜರಿಯುತ್ತಿದ್ದರು ಮತ್ತು ಪ್ರತಿ ಕೆಲವು ನಿಮಿಷಗಳಲ್ಲಿ ಕೇವಲ ಒಂದು ಅಥವಾ ಎರಡು ಪ್ರಯಾಣಿಕರಲ್ಲಿ ವರದಿಯನ್ನು ಕೇಳುತ್ತಿದ್ದರು.
ಶಿವಾಜಿನಗರದ ಆರೋಗ್ಯಾಧಿಕಾರಿ ಡಾ.ನವೀನ್ ಮಾತನಾಡಿ, “ನಾವು ಬೆಂಗಳೂರಿನ ಕಂಟೋನ್ಮೆಂಟ್ ನಿಲ್ದಾಣದಿಂದ negative ಆರ್‌ಟಿ-ಪಿಸಿಆರ್ ಪ್ರಮಾಣಪತ್ರವಿಲ್ಲದೆ ಪ್ರಯಾಣಿಕರನ್ನು ಬಿಡುವುದಿಲ್ಲ ಮತ್ತು ಅವರನ್ನು ಸ್ವ್ಯಾಬ್ ಪರೀಕ್ಷೆಗೆ ಒಳಪಡಿಸುತ್ತಿದ್ದೇವೆ ಎಂದು ಹೇಳಿದ್ದರು.
“ಮೈಸೂರು ರಸ್ತೆಯ ಸ್ಯಾಟಲೈಟ್ ಬಸ್ ನಿಲ್ದಾಣದಲ್ಲಿ ತಪಾಸಣೆಯನ್ನು ಮೇಲ್ವಿಚಾರಣೆ ಮಾಡುವ ದಕ್ಷಿಣ ವಲಯದ ಆರೋಗ್ಯ ಅಧಿಕಾರಿ ಡಾ ಕೋಮಲಾ ಕೆ ಆರ್ ಮಾತನಾಡಿ, ತಮ್ಮ ತಂಡವು ಕಳೆದ ಎರಡು ದಿನಗಳಲ್ಲಿ ಕೇರಳದಿಂದ ಬಂದ 65 ಪ್ರಯಾಣಿಕರನ್ನು ಪರೀಕ್ಷಿಸಿದೆ ಎಂದು ಹೇಳಿದ್ದಾರೆ.
“ಅವರಲ್ಲಿ ಸುಮಾರು 99 ಪ್ರತಿಶತದಷ್ಟು ಜನರು ನೆಗೆಟಿವ್ ವರದಿಯನ್ನು ಹೊಂದಿದ್ದಾರೆ. ಇಲ್ಲದಿರುವ ಒಂದು ಶೇಕಡಾವನ್ನು ನಾವು ಸ್ವ್ಯಾಬ್ ಮಾಡುತ್ತಿದ್ದೇವೆ ಎಂದು ಹೇಳಿದ್ದಾರೆ.
“ಕೊನೆಯ ನಿಲ್ದಾಣವನ್ನು ತಲುಪುವ ಮುನ್ನ ಅನೇಕರು ಇಳಿಯುತ್ತಾರೆ, ಇದು ಮೈಸೂರು ರಸ್ತೆಯಾಗಿದ್ದು ಇಲ್ಲಿ ಲ್ಯಾಬ್ ತಂತ್ರಜ್ಞರು, ಡೇಟಾ ಎಂಟ್ರಿ ಆಪರೇಟರ್‌ಗಳು, ವೈದ್ಯರು ಮತ್ತು ಜಿಲ್ಲಾ ಕಾರ್ಮಿಕ ಅಧಿಕಾರಿಗಳ ತಂಡವಿದೆ” ಎಂದು ಡಾ ಕೋಮಲಾ ಹೇಳಿದರು.
