ನಾಗಮಂಗಲ ವಿಧಾನಸಭಾ ಕ್ಷೇತ್ರದಲ್ಲಿ ತಾಕತ್ – ಚಾಲೆಂಜಿನ ಸದ್ದು ಜೋರಾಗಿದೆ ಸುರೇಶ್ ಗೌಡರ ತಪ್ಪು, ಭ್ರಷ್ಟಾಚಾರದ ಬಗ್ಗೆ ತಾಕತ್ ಇದ್ದರೆ ತನಿಖೆ ಮಾಡಲಿ ಅಂತಾ ಎನ್ ಚೆಲುವರಾಯಸ್ವಾಮಿಗೆ ಸುರೇಶ್ ಗೌಡ ಚಾಲೆಂಜ್ ಹಾಕಿದ್ದಾರೆ.
![](https://pratidhvani.com/wp-content/uploads/2023/06/ಚಲುವರಾಯಸ್ವಾಮಿ-ಕೋಟ್.jpg)
ನಾಗಮಂಗಲ ಕ್ಷೇತ್ರದ ಮಾಜಿ ಶಾಸಕರಾಗಿರುವ ಸುರೇಶ್ ಗೌಡ ಹಾಲಿ ಕೃಷಿ ಸಚಿವ ಚೆಲುವರಾಯಸ್ವಾಮಿಗೆ ಈ ಚಾಲೆಂಜ್ ನೀಡಿದ್ದಾರೆ. ಮದ್ದೂರಿನ ಕೊಪ್ಪದಲ್ಲಿ ಈ ವಿಚಾರವಾಗಿ ಮಾತನಾಡಿದ ಸುರೇಶ್ ಗೌಡ, ಸರ್ಕಾರ ನಮ್ಮದಿಲ್ಲ , ಅಧಿಕಾರ ಕೂಡ ನಮ್ಮದಲ್ಲ, ನಾನು ತಪ್ಪು ಮಾಡಿದ್ದೀನೋ ಅದರ ಬಗ್ಗೆ ತನಿಖೆ ಮಾಡಿಸಲಿ ಎಂದು ಸವಾಲು ಎಸದಿದ್ದಾರೆ.
ನಾನು ಕಳಪೆ ಕಾಮಗಾಗಿ ನಡೆಸಿ ಸುಳ್ಳು ಲೆಕ್ಕ ಬರೆಸಿದ್ದರೆ ಅದರ ಬಗ್ಗೆ ತನಿಖೆ ಮಾಡಿಸಲು. ಕೆಡಿಪಿ ಸಭೆ ಮಾಡಿ ಕೆಲಸ ತೆಗೆದುಕೊಳ್ಳಬೇಕಾ ಬೇಡ್ವಾ ಎಂಬುದು ನನಗೂ ಗೊತ್ತಿದೆ. ನನ್ನ ವಿರುದ್ಧ ಸಿಬಿಐ ತನಿಖೆ ಬೇಕಿದ್ದರೂ ನಡೆಸಲಿ. ಒಂದು ವೇಳೆ ನನ್ನ ಅಕ್ರಮ ಸಾಬೀತಾದಲ್ಲಿ ನಾನು ರಾಜಕೀಯದಿಂದಲೇ ನಿವೃತ್ತಿ ಪಡೆಯುತ್ತೇನೆ ಎಂದು ಸುರೇಶ್ ಗೌಡ ಸವಾಲು ಎಸೆದಿದ್ದಾರೆ.