ರಾಜಧಾನಿ ಬೆಂಗಳೂರಿನ ಯಮಸ್ವರೂಪಿ ಗುಂಡಿಗಳು ಸಾಕಷ್ಟು ಅಮಾಯಕರನ್ನು ಬಲಿ ಪಡೆದಿದೆ. ಬಿಬಿಎಂಪಿಯ ಕಳಪೆ ಕಾಮಗಾರಿಯೇ ಪ್ರಯಾಣಿಕರ ಜೀವಕ್ಕೆ ಕುತ್ತಾಗಿದೆ. ಗುಂಡಿಗಳ ಪಟ್ಟಿ ಮಾಡಿ ಕೋರ್ಟ್ ಗೆ ವರದಿ ಸಲ್ಲಿಸುವ ಕೆಲಸ ಮಾತ್ರ ಅಚ್ಚುಕಟ್ಟಾಗಿ ಮಾಡ್ತಿದೆ ಪಾಲಿಕೆ. ಈ ನಡುವೆ ಫಿಕ್ಸ್ ಮೈ ಸ್ಟ್ರೀಟ್ ಆ್ಯಪ್ ನಲ್ಲಿ ಬಿಬಿಎಂಪಿಗೆ ಸಾವಿರಾರು ದೂರುಗಳು ಬಂದಿದೆ. ಆದರೆ ಪಾಲಿಕೆ ಮಾತ್ರ ಕಣ್ಮುಚ್ಚಿ ಕುಳಿತಿದೆ.
ರಸ್ತೆಯಲ್ಲೇ ನರಕ.. ಬೆಂಗಳೂರಿಗರಿಗೆ ಡೆತ್ ಹೋಲ್ ಭಾಗ್ಯ !
ಬೆಂಗಳೂರು ನಾಗರಿಕರು ರಸ್ತೆಗಿಳಿಯುವ ಮುನ್ನ ಮೈಯೆಲ್ಲಾ ಕಣ್ಣಾಗಿರಬೇಕು. ಬೈಕ್ ಚಲಾಯಿಸುವಾಗ ಧುತ್ತನೇ ಎದುರಾಗೋ ಬೃಹತ್ ಗುಂಡಿಗಳು ಜೀವವನ್ನೇ ಬಲಿ ಪಡೆಯಲು ಕಾದು ಕುಳಿತಿರ್ತವೆ. ಇದರ ಬಗ್ಗೆ ಸಾರ್ವಜನಿಕರೇ ಪಾಲಿಕೆಗೆ ಸಾಲು ಸಾಲು ದೂರು ನೀಡಿದ್ರೂ ಹೇಳಿಕೊಳ್ಳುವ ರೀತಿಯಲ್ಲಿ ಅದನ್ನು ಬಗೆಹರಿಸಿಲ್ಲ ಬಿಬಿಎಂಪಿ. Fix my street ಆ್ಯಪ್ ನಲ್ಲೇ ಪಾಲಿಕೆಗೆ ಸುಮಾರು 27 ಸಾವಿರಕ್ಕಿಂತಲೂ ಅಧಿಕ ರಸ್ತೆಗುಂಡಿಗಳ ಬಗೆಗಿನ ದೂರು ಬಂದಿದ್ರು, ಪಾಲಿಕೆ ಸ್ಪಂದಿಸಿರೋದು ಕೆಲವೇ ಕೆಲವು ದೂರುಗಳಿಗೆ ಮಾತ್ರ.
ನಗರದ 8 ವಲಯಗಳಲ್ಲಿ ಯಾವ ವಲಯದಲ್ಲಿ ಎಷ್ಟು ಗುಂಡಿಗಳಿವೆ, ಆ ವಲಯದ ಯಾವ ರಸ್ತೆಯಲ್ಲಿ ಗುಂಡಿಗಳು ಜಾಸ್ತಿ ಅಂತಲೂ ಅಂಕಿ ಅಂಶ ಸಮೇತ ಮಾಹಿತಿಯನ್ನು ಸ್ವತಃ ಬಿಬಿಎಂಪಿ ಬಳಿಯಿದೆ ಯಾದರೂ ಅವುಗಳ ಪೈಕಿ ಸಿಂಹಪಾಲು ಸಮಸ್ಯೆ ಬಗೆಹರಿಯದೆ ಹಾಗೇ ಉಳಿದಿದೆ.
ಬಿಬಿಎಂಪಿ ವಲಯವಾರು ಗುಂಡಿ ಲೆಕ್ಕ
• ಬೊಮ್ಮನಹಳ್ಳಿ ವಲಯ
– ಮುಚ್ಚಿದ ಗುಂಡಿ – 669
– ಒಟ್ಟು ಗುಂಡಿ – 1998
– ಮುಚ್ಚಲು ಬಾಕಿ – 1329
![](https://pratidhvani.com/wp-content/uploads/2022/10/bng24-pothole-road-2-1-1037707-1633470441.jpg)
• ದಾಸರಹಳ್ಳಿ ವಲಯ
– ಮುಚ್ಚಿದ ಗುಂಡಿ – 578
– ಒಟ್ಟು ಗುಂಡಿ – 2432
– ಮುಚ್ಚಲು ಬಾಕಿ – 1854
(ಅತಿ ಹೆಚ್ಚು ಗುಂಡಿ ಇರುವ ವಾರ್ಡ್ – ಪೀಣ್ಯ , ನೆಲಗದರನಹಳ್ಳಿ , ಪೀಣ್ಯ ಕೈಗಾರಿಕಾ ಪ್ರದೇಶ)
• ಪೂರ್ವ ವಲಯ
– ಮುಚ್ಚಿದ ಗುಂಡಿ – 5413
– ಒಟ್ಟು ಗುಂಡಿ – 7039
– ಮುಚ್ಚಲು ಬಾಕಿ – 1629
![](https://pratidhvani.com/wp-content/uploads/2022/10/1568303816-potholes_getty-1024x768.webp)
(ಅತಿ ಹೆಚ್ಚು ಗುಂಡಿ ಇರುವ ವಾರ್ಡ್ – ಕುಮಾರ ಪಾರ್ಕ್ ರಸ್ತೆ , ಶಿವಾನಂದ ಸರ್ಕಲ್, ಶಾಂತಿನಗರ, ಎಂ ಜಿ ರೋಡ್, ಕಾಚರಕನಹಳ್ಳಿ)
• ಮಹದೇವಪುರ ವಲಯ
– ಮುಚ್ಚಿದ ಗುಂಡಿ – 1289
– ಒಟ್ಟು ಗುಂಡಿ – 2391
– ಮುಚ್ಚಲು ಬಾಕಿ – 1102
(ಅತಿ ಹೆಚ್ಚು ಗುಂಡಿ ಇರುವ ವಾರ್ಡ್- ಯಮಲೂರು , ವೈಟ್ ಫೀಲ್ಡ್ , ಕೆ ಆರ್ ಪುರಂ)
• ಆರ್ ಆರ್ ನಗರ ವಲಯ
– ಮುಚ್ಚಿದ ಗುಂಡಿ – 5400
– ಒಟ್ಟು ಗುಂಡಿ – 7039
– ಮುಚ್ಚಲು ಬಾಕಿ – 1639
(ಅತಿ ಹೆಚ್ಚು ಗುಂಡಿ ಇರುವ ವಾರ್ಡ್ – ರಾಜರಾಜೇಶ್ವರಿ ನಗರ, ಜ್ಞಾನಭಾರತಿ, ಲಕ್ಷ್ಮೀ ದೇವಿ ನಗರ, ಯಶವಂತಪುರ)
• ದಕ್ಷಿಣ ನಗರ ವಲಯ
– ಮುಚ್ಚಿದ ಗುಂಡಿ – 2712
– ಒಟ್ಟು ಗುಂಡಿ – 1454
– ಮುಚ್ಚಲು ಬಾಕಿ – 1258
![](https://pratidhvani.com/wp-content/uploads/2022/10/Palike_engineers.jpg)
(ಅತಿ ಹೆಚ್ಚು ಗುಂಡಿ ಇರುವ ವಾರ್ಡ್ – ಜಯನಗರ , ಸೌತ್ ಎಂಡ್ ಸರ್ಕಲ್, ಬನಶಂಕರಿ, ಸೀತಾ ಸರ್ಕಲ್, ಗಿರಿನಗರ , ಶ್ರೀನಗರ)
• ಪಶ್ಚಿಮ ವಲಯ
– ಮುಚ್ಚಿದ ಗುಂಡಿ – 737
– ಒಟ್ಟು ಗುಂಡಿ – 3290
– ಮುಚ್ಚಲು ಬಾಕಿ – 2553
(ಅತಿ ಹೆಚ್ಚು ಗುಂಡಿ ಇರುವ ವಾರ್ಡ್- ಮಹಾಲಕ್ಷ್ಮೀ ಲೇಔಟ್, ನಂದಿನಿ ಲೇಔಟ್, ಬಸವೇಶ್ವರ ನಗರ, ಕಾಮಾಕ್ಷಿಪಾಳ್ಯ)
• ಯಲಹಂಕ ವಲಯ
– ಮುಚ್ಚಿದ ಗುಂಡಿ – 1914
– ಒಟ್ಟು ಗುಂಡಿ – 3369
– ಮುಚ್ಚಲು ಬಾಕಿ – 1455
(ಅತಿ ಹೆಚ್ಚು ಗುಂಡಿ ಇರುವ ವಾರ್ಡ್ – ಯಲಹಂಕ ನ್ಯೂ ಟೌನ್, ಜಕ್ಕೂರು, ಆರ್ಕಾವತಿ ಲೇಔಟ್)
ಇನ್ಜು ಬೆಂಗಳೂರಿನ ರಸ್ತೆಗಳಲ್ಲಿ ಕಳೆದ 5 ವರ್ಷಗಳಲ್ಲಿ ಸಂಭವಿಸಿರುವ ರಸ್ತೆ ಅಪಘಾತಗಳಲ್ಲಿ ನೂರಾರು ಮಂದಿ ಸಾವನ್ನಪ್ಪಿದ್ದು, 17% ರಷ್ಟು ಅಪಘಾತಗಳು ಹಾಗೂ ಸಾವು, ಕಳಪೆ ರಸ್ತೆ ಮತ್ತು ಗುಂಡಿಗಳಿಂದ ಆಗಿದೆ. ಕಳೆದ ಒಂದು ವರ್ಷದ ಅವಧಿಯಲ್ಲಿ 621 ಅಪಘಾತ ಸಂಭವಿಸಿ ಇದರಲ್ಲಿ 656 ಮಂದಿ ಮೃತಪಟ್ಟಿದ್ದಾರೆ. ಇದರಲ್ಲಿ ರಸ್ತೆಗೆ ಗುಂಡಿಯಿಂದಲೇ 10 ಮಂದಿ ಸಾವನ್ನಪ್ಪಿದ್ದಾರೆ. ಆದರೂ ಪಾಲಿಕೆ ಇದಕ್ಕೂ ನಮಗೂ ಸಂಬಂಧ ಇಲ್ಲ ಎಂಬಂತೆ ನಡೆದುಕೊಳ್ಳುತ್ತಿರುವುದು ವಿಪರ್ಯಾಸ.