ಇನ್ನೇನು ಕೆಲವೇ ದಿನಗಳಲ್ಲಿ 2023ರ ಕರ್ನಾಟಕ ವಿಧಾನಸಭಾ ಚುನಾವಣೆ ನಡೆಯಲಿದೆ. ಈ ಹಿನ್ನೆಲೆ ಮೈಸೂರಿನಲ್ಲಿ ಚುನಾವಣೆ ಕಾವು ಜೋರಾಗಿದೆ. ಚುನಾವಣೆ ಬೆನ್ನಲ್ಲೇ, ಮೈಸೂರಿನ ಎನ್ ಕ್ಷೇತ್ರದ ಸ್ವತಂತ್ರ ಅಭ್ಯರ್ಥಿ ಆಗಿರುವ ಅಜೀಜ್ ವುಲ್ಲಾ ಅಜ್ಜು ಮನೆಗೆ ಜಮೀರ್ ಅಹಮದ್ ಖಾನ್ ಭೇಟಿ ನೀಡಿದ್ದಾರೆ. ಅಜ್ಜು ಬ್ರದರ್ಸ್ ಜೊತೆಗೆ ಜಮೀರ್ ಗುಪ್ತ ಮಾತುಕತೆ ನಡೆಸಿದ್ದು, ಅಜ್ಜು ನಾಮಪತ್ರ ವಾಪಸ್ ಪಡೆಯುವಂತೆ ಮನವಿ ಮಾಡಿಕೊಂಡಿದ್ದಾರೆ. ಈ ಹಿನ್ನೆಲೆ ಎನ್ ಆರ್ ಚುನಾವಣಾ ಅಖಾಡದಿಂದ ಅಜ್ಜು ಹಿಂದಕ್ಕೆ ಸರಿದಿದ್ದು, ಅಜ್ಜುರನ್ನ ಚುನಾವಣಾ ಕಣದಿಂದ ಹಿಂದೆ ಸರಿಸಲು ಜಮೀರ್ ಯಶಸ್ವಿಯಾಗಿದ್ದಾರೆ. ಕಾಂಗ್ರೆಸ್ ಗೆ ಬೆಂಬಲ ಸೂಚಿಸಿ ಅಜ್ಜು ನಾಮಪತ್ರ ವಾಪಸ್ ಪಡೆದಿದ್ದು, ಈ ಬಗ್ಗೆ ಜಮೀರ್ ಅಹಮದ್ ಖಾನ್ ಅಧಿಕೃತವಾಗಿ ಘೊಷಣೆ ಮಾಡಿದರು.
![](https://pratidhvani.com/wp-content/uploads/2023/04/zameer_ahmed_khan_270722_1200.jpg)
ʻಸುರ್ಜೆವಾಲ ಹಾಗೂ ಸಿದ್ದರಾಮಯ್ಯ ಅವರ ಸೂಚನೆಯಂತೆ ಇಲ್ಲಿಗೆ ಬಂದಿದ್ದೆನೆ. ಅಜ್ಜು ಅವರು ನಾಮಪತ್ರ ಇಂದೇ ವಾಪಸ್ ಪಡೆಯಲಿದ್ದಾರೆʼ ಅಂತ ಜಮೀರ್ ಅಹಮದ್ ಖಾನ್ ಹೇಳಿಕೆ ನೀಡಿದ್ರು. ʻಸಿದ್ದರಾಮಯ್ಯ ಒಂದು ಲಕ್ಷ ಲೀಡ್ನಲ್ಲಿ ಗೆದ್ದೇ ಗೆಲ್ತಾರೆ. ಸಿದ್ದರಾಮಯ್ಯ ಪ್ರತಾಪ್ ಸಿಂಹ ಅವರ ಕನಸಿನಲ್ಲಿ ಬರ್ತಾನೇ ಇರ್ತಾರೆ. ಅದಕ್ಕೆ ಸಿದ್ದರಾಮಯ್ಯ ಹೆಸರು ಬಳಿಸಿಕೊಳ್ಳುತ್ತಿದ್ದಾರೆ. ಮೀಸಲಾತಿ ವಿಚಾರದಲ್ಲಿ ನಾವು ನ್ಯಾಯಲಯದ ಮೊರೆ ಹೋಗಿದ್ದೆವೆ. ಬಿಜೆಪಿ ಚುನಾವಣೆಗಾಗಿ ಈ ರೀತಿ ಗಿಮಿಕ್ ಮಾಡ್ತಿದೆ. ಕೋರ್ಟ್ ನಲ್ಲಿ ಈ ವಿಚಾರದಲ್ಲಿ ಗೆಲ್ತಿವಿ. ನಾನು ಚಾಮರಾಜಪೇಟೆ ಕ್ಷೇತ್ರದಲ್ಲಿ ಪ್ರಚಾರಕ್ಕೆ ಹೋಗಲ್ಲ. ಕೊನೆಯ ಎರಡು ದಿನ ಮಾತ್ರ ಪ್ರಚಾರ ಮಾಡ್ತಿನಿ. ಕ್ಷೇತ್ರದ ಜನತೆಗೆ ಈಗಾಗಲೆ ತಿಳಿಸಿದ್ದಿನಿ. ಪಕ್ಷ ಸಂಘಟಗೆ ತೆರಳುತ್ತೆನೆ ಅಂತ. ಹೀಗಾಗಿ ಚುನಾವಣಾ ಪ್ರಚಾರದಲ್ಲಿ ಭಾಗಿಯಾಗಲ್ಲ ಅಂತ ಮಾಜಿ ಸಚಿವ ಜಮೀರ್ ಅಹಮದ್ ಖಾನ್ ಹೇಳಿಕೆ ನೀಡಿದ್ರು.