ರಾಮ್‌ ತೇರಿ ಗಂಗಾ ಮೈಲಿ ಚಿತ್ರದಲ್ಲಿ ಮೈಚಳಿ ಬಿಟ್ಟು ನಟಿಸಿ ಪಡ್ಡೆ ಹೈಕಳಿ ಚಳಿ ಹಿಡಿಸಿದ್ದ ಮಂದಾಕಿನಿ ಮತ್ತೆ ಮರಳಿದ್ದಾರೆ.
1996ರಲ್ಲಿ ಬಾಲಿವುಡ್‌ ಗೆ ವಿದಾಯ ಹೇಳಿದ್ದ ಮಂದಾಕಿನಿ 26 ವರ್ಷಗಳ ನಂತರ ಮತ್ತೆ ಕಾಣಿಸಿಕೊಂಡಿದ್ದಾರೆ. ಅದು ಕೂಡ ಚಿತ್ರವೊಂದರಲ್ಲಿ ನಟಿಸುವ ಮೂಲಕ ಬಾಲಿವುಡ್‌ ಗೆ ಮರಳಿದ್ದಾರೆ.
ವಿಶೇಷ ಅಂದರೆ ಮಂದಾಕಿನಿ ಮಾತ್ರ ಮರಳುತ್ತಿಲ್ಲ. ಬದಲಾಗಿ ಅವರ ಪುತ್ರ ರಬ್ಬಿಲ್‌ ಥಾಕೂರ್‌ ಜೊತೆ ನಟಿಸುತ್ತಿದ್ದಾರೆ. ಮಾ ಓ ಮಾ ಮ್ಯೂಸಿಕ್‌ ವೀಡಿಯೊದಲ್ಲಿ ರಬ್ಬೀಲ್‌ ಥಾಕೂರ್‌ ಜೊತೆ ಮಂದಾಕಿನಿ ನಟಿಸುತ್ತಿದ್ದಾರೆ.
ಸುದೀರ್ಘ ಸಮಯದ ನಂತರ ಬಾಲಿವುಡ್‌ ಗೆ ಮರಳುತ್ತಿರುವ ಬಗ್ಗೆ ಸಂತಸ ಹಂಚಿಕೊಂಡ ಮಂದಾಕಿನಿ, ನಿರ್ದೇಶಕ ಸಾಜನ್‌ ಅಗರ್‌ ವಾಲ್‌ ನನಗೆ ತುಂಬಾ ದಿನದಿಂದ ಪರಿಚಯ. ಆದರೆ ಕೊನೆಗೂ ಒಟ್ಟಿಗೆ ಕೆಲಸ ಮಾಡುವ ಸಮಯ ಬಂದಿತು ಎಂದು ಹೇಳಿದ್ದಾರೆ.
ಸಾಜನ್‌ ಅಗರವಾಲ್‌ ಮಾತನಾಡಿ, ನಾನು ಕೂಡ ಮಂದಾಕಿನಿ ಅವರ ತವರೂರಾದ ಮೀರತ್‌ ನಿಂದ ಬಂದವನು. ಅವರ ಮಗನ ಜೊತೆ ಅಲ್ಲದೇ ಮಂದಾಕಿನಿ ಅವರನ್ನು ನನ್ನ ಚಿತ್ರದಲ್ಲಿ ಪಾತ್ರ ಮಾಡಿಸಲು ಅವಕಾಶ ಸಿಕ್ಕಿರುವುದು ನನ್ನ ಅದೃಷ್ಟ ಎಂದು ಪ್ರತಿಕ್ರಿಯಿಸಿದರು.
