ಸರ್ಕಾರ ಚಾಪೆ ಕೆಳಗೆ ತೂರಿದರೆ ಖಾಸಗಿ ಶಾಲೆಗಳು ರಂಗೋಲಿ ಕೆಳಗೆ ತೂರುತ್ತಿವೆ. ಈ ಸಾಲಿನ ಶೈಕ್ಷಣಿಕ ವರ್ಷವೇ ಮುಗಿದಿಲ್ಲ. ಆದರೂ ಆರು ತಿಂಗಳ ಮುಂಚೆಯೇ ರಾಜಧಾನಿ ಬೆಂಗಳೂರಿನಲ್ಲಿ ಮುಂದಿನ ವರ್ಷದ ಅಡ್ಮಿಷನ್ ಗಾಗಿ ಖಾಸಗಿ ಶಾಲೆಗಳು ಭಜನೆ ಮಾಡ್ತಿವೆ.
ಮುಂದಿನ ಶೈಕ್ಷಣಿಕ ವರ್ಷದ ಶಾಲಾ ಪ್ರವೇಶ ಈಗಲೇ ಶುರು
ಕೂಸು ಹುಟ್ಟುವ ಮುನ್ನವೇ ಕುಲಾಯಿ ತೊಡಿಸಲು ಪ್ರತಿಷ್ಟಿತ ಶಾಲೆಗಳು ಮುಂದಾಗಿವೆ. 2023-24 ಶೈಕ್ಷಣಿಕ ವರ್ಷ ಅಡ್ಮಿಷನ್ ಗೆ ಖಾಸಗಿ ಶಿಕ್ಷಣ ಸಂಸ್ಥೆಗಳು ಮುಂದಾಗಿವೆ. ಆರು ತಿಂಗಳ ಬಾಕಿ ಇರುವಾಗಲೇ ಮುಂದಿನ ವರ್ಷದ ಚಿಂತೆ ಮಾಡುತ್ತಿದ್ದಾರೆ. ಬೆಂಗಳೂರಿನ ಪ್ರತಿಷ್ಟಿತ ಖಾಸಗಿ ಶಾಲೆಗಳಿಂದ ಪತ್ರಿಕೆಗಳಲ್ಲಿಯೂ ಜಾಹಿರಾತು ನೀಡಲಾಗುತ್ತಿದೆ. ರಾಜ್ಯದ ಪ್ರತಿಷ್ಟಿತ ಖಾಸಗಿ ಶಾಲೆಗಳಿಂದಲೂ ಆಹ್ವಾನ ಮಾಡಲಾಗುತ್ತಿದೆ. ಮುಂದಿನ ವರ್ಷದ ಅಡ್ಮಿಶನ್ ಈ ತಿಂಗಳೇ ಮಾಡಿಸುವಂತೆ ಪ್ರಕಟಣೆ ಕೊಟ್ಟಿದ್ದು, ತಮ್ಮ ಶಾಲೆಗಳ ವೆಬ್ ಸೈಟ್ ನಲ್ಲಿ ಪ್ರಕಟಿಸಿ ನೋಂದಣಿ ಶುಲ್ಕ ಕಟ್ಟುವಂತೆ ಸೂಚನೆ ನೀಡುತ್ತಿವೆ. ಬೆಂಗಳೂರು ಸೇರಿದಂತೆ ರಾಜ್ಯದ ಪ್ರತಿಷ್ಟಿತ ಖಾಸಗಿ ಶಾಲೆಗಳ ಧೋರಣೆ ಪೋಷಕರ ಆಕ್ರೋಶಕ್ಕೆ ಎಡೆ ಮಾಡಿಕೊಟ್ಟಿದೆ.
![](https://pratidhvani.com/wp-content/uploads/2022/10/fee.jpg)
ಬೆಂಗಳೂರಿನ ಪ್ರತಿಷ್ಠಿತ ಖಾಸಗಿ ಶಾಲೆಗಳು ಪ್ರವೇಶಾತಿ ಆಹ್ವಾನ
ಮುಂದಿನ ಶೈಕ್ಷಣಿಕ ವರ್ಷದ ಶಾಲಾ ಪ್ರವೇಶ ಈಗಲೇ ಬೆಂಗಳೂರಿನ ಪ್ರತಿಷ್ಠಿತ ಖಾಸಗಿ ಶಾಲೆಗಳು ಪ್ರವೇಶಾತಿ ಆಹ್ವಾನ ಮಾಡಿವೆ. ಇದು ಶಿಕ್ಷಣ ಇಲಾಖೆ ನಿಯಮಗಳನ್ನು ಗಾಳಿಗೆ ತೂರಿ ಪ್ರವೇಶಾತಿ ಮಾಡುತ್ತಿವೆ. ಈ ರೀತಿ ನಿಯಮ ಪಾಲನೆ ಮಾಡದ ಖಾಸಗಿ ಶಾಲೆಗಳ ಮೇಲೆ ಕ್ರಮ ಕೈಗೊಳ್ಳಲು ಬಿಇಒಗಳು ಹಿಂದೇಟು ಹಾಕುತ್ತಿವೆ. ಈ ವರ್ಷದ ಫೀಸು ಜೊತೆ ಮುಂದಿನ ವರ್ಷದ ಅಡ್ಮಿಷನ್ ಫೀಸು ಪಡೆಯಲು ಖಾಸಗಿ ಶಾಲೆಗಳ ಶುಲ್ಕ ವಸೂಲಿಗೆ ಮಾಸ್ಟರ್ ಪ್ಲಾನ್ ಮಾಡಿವೆ.
ಪ್ರತಿವರ್ಷ ಶಿಕ್ಷಣ ಇಲಾಖೆ ಅಯಾ ಶೈಕ್ಷಣಿಕ ವರ್ಷದ ವೇಳಾಪಟ್ಟಿ ಮಾತ್ರ ಬಿಡುಗಡೆ ಮಾಡಲಾಗುತ್ತೆ. ಆದ್ರೆ ಆಗಲೇ ಖಾಸಗಿ ಶಾಲೆಗಳು ಶುಲ್ಕ ಹೆಚ್ಚಿಸಿಕೊಂಡು ದಾಖಲಾತಿ ಪ್ರಕ್ರಿಯೆ ಪ್ರಾರಂಭವಾಗಿದೆ. ಈ ಬಗ್ಗೆ ಪೋಷಕರು ಅಧಿಕಾರಿಗಳ ಗಮನಕ್ಕೂ ತಂದ್ರು ಯಾವುದೇ ಪ್ರಯೋಜನವಾಗ್ತಿಲ್ಲ.