ರಾಜ್ಯದಲ್ಲಿ ಸಾಲು ಸಾಲು ರಜೆ ಮತ್ತು ದೀಪಾವಳಿ ಹಬ್ಬ ಹಿನ್ನೆಲೆಯಲ್ಲಿ ಎಲ್ಲಾ ರಸ್ತೆಗಳಲ್ಲೂ ಟ್ರಾಫಿಕ್‌ ಜಾಮ್‌ ಉಂಟಾಗಿದೆ.. ಹಬ್ಬಕ್ಕೆ ಜನರು ಹೋಗುತ್ತಿರುವ ಹಿನ್ನೆಲೆಯಲ್ಲಿ ರಸ್ತೆಗಳಲ್ಲಿ ಟ್ರಾಫಿಕ್‌ ಜಾಮ್‌ ಎದುರಾಗಿದೆ. ಆದರೆ ಹಬ್ಬಕ್ಕೆ ಏರ್ಪೋರ್ಟ್‌ನಲ್ಲೂ ಪ್ರಯಾಣಿಕರ ಸಂಖ್ಯೆ ದುಪ್ಪಟ್ಟಾಗಿದೆ.
ಕೆಂಪೇಗೌಡ ಏರ್ಪೋರ್ಟ್‌ನಲ್ಲಿ ಹಬ್ಬದ ಪ್ರಯುಕ್ತ ಜನಜಂಗುಳಿ ಉಂಟಾಗಿದೆ. ಇವತ್ತು ಒಂದೇ ದಿನ ಕೆಂಪೇಗೌಡ ಏರ್ಪೋರ್ಟ್‌ನಿಂದ 83 ಸಾವಿರದ 496 ಜನರ ಪ್ರಯಾಣ ಮಾಡಿದ್ದಾರೆ. ಕೆಐಎಬಿ ಮೂಲಕ ದೇಶ, ವಿದೇಶಗಳಿಗೆ ತೆರಳಲು ಜನರು ಟಿಕೆಟ್ ಬುಕ್ಕಿಂಗ್‌‌ಗೆ ಮುಗಿಬಿದ್ದಿದ್ದಾರೆ.
ಇಂದು ವಿವಿಧ ಏರ್‌ಲೈನ್ಸ್‌ಗಳಿಂದ ಏರ್ಪೋರ್ಟ್‌ನಿಂದ 717 ಟ್ರಿಪ್‌ಗಳ ಬುಕ್ಕಿಂಗ್ ಆಗಿದೆ. ಕೆಂಪೇಗೌಡ ಏರ್ಪೋರ್ಟ್‌ನಿಂದ ವಿವಿಧೆಡೆ ತೆರಳಿರುವ ಪ್ರಯಾಣಿಕರ ಸಂಖ್ಯೆ 49,887 ಜನ. ಬೇರೆ ಏರ್ಪೋರ್ಟ್‌ಗಳಿಂದ ಬೆಂಗಳೂರಿಗೆ ಬರುವ ಪ್ರಯಾಣಿಕರ ಸಂಖ್ಯೆ 33,609 ಜನ.
ಕೆಂಪೇಗೌಡ ಏರ್ಪೋರ್ಟ್‌ನ ಎರಡು ಟರ್ಮಿನಲ್‌ಗಳಿಂದ ಪ್ರಯಾಣಿಕರು ಪ್ರಯಾಣ ಮಾಡಿದ್ದಾರೆ. ಪ್ರಯಾಣಿಕರಿಗೆ ಅನಾನುಕೂಲ ಆಗದಂತೆ ಏರ್ಪೋರ್ಟ್ ಅಧಿಕಾರಿಗಳು ಮುಂಜಾಗ್ರತಾ ಕ್ರಮ ಕೈಗೊಂಡಿದ್ದು, ಹೆಚ್ಚಿನ ಕೌಂಟರ್ ಸಿಬ್ಬಂದಿ ಮತ್ತು ಲಾಂಜ್‌ಗಳಲ್ಲಿ ಚೇರ್‌ ವ್ಯವಸ್ಥೆ ಮಾಡಿದ್ದಾರೆ.
