ಪ್ರಧಾನಿ ನರೇಂದ್ರ ಮೋದಿಯ (Pm modi) ಮಹತ್ವಾಕಾಂಕ್ಷೆಯ ಯೋಜನೆಗಳ ಪೈಕಿ ಒಂದಾದ ಭಾರತದ ‘ಮೇಕ್ ಇನ್ ಇಂಡಿಯಾ’ (Make in india) ಭಾಗವಾಗಿ 2019ರ ಆರಂಭವಾದ ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲುಗಳು (Vande bharath express train) ಭಾರತೀಯ ರೈಲ್ವೆ ಇಲಾಖೆ ವ್ಯಾಪ್ತಿಯಲ್ಲಿ ನಿರ್ವಹಿಸಲ್ಪಡುತ್ತಿದೆ.
ಈ ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲುಗಳು ಹೆಚ್ಚು ದೂರದ ಸ್ಥಳಗಳಿಗೆ ಇತರೆ ರೈಲುಗಳಿಗಿಂತ ಕಡಿಮೆ ಅವಧಿಯಲ್ಲಿ ತಲುಪಲು ಬಹಳ ಸಹಕಾರಿಯಾಗಿದೆ. ಆದ್ರೆ ಆಗಾಗ್ಗೆ ಈ ವಂದೇ ಭಾರತ್ ರೈಲುಗಳ ಕಾರ್ಯವೈಖರಿ ಮೇಲೆ ಕೆಲ ಆರೋಪಗಳು ಕೇಳಿಬರುತ್ತಿವೆ.
ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ವಿಡಿಯೋ ಒಂದು ವೈರಲ್ ಆಗಿದ್ದು, ವಂದೇ ಭಾರತ್ ವಾಟರ್ ಫಾಲ್ಸ್ ಅಂತ ನೆಟ್ಟಿಗರು ಹಾಸ್ಯಭರಿತ ಟೀಕೆಗಳನ್ನು ವ್ಯಕ್ತಪಡಿಸಿದ್ದಾರೆ. ಈ ವಿಡಿಯೋದಲ್ಲಿ ಯುವತಿಯೊಬ್ಬರು ಪ್ರಯಾಣಿಸುವ ವೇಳೆ ತಮ್ಮ ಸೀಟ್ ಮೇಲ್ಭಾಗದಲ್ಲಿರುವ AC ಡಕ್ಟ್ ನಿಂದ ವಾಟರ್ ಫಾಲ್ಸ್ ನಂತೆ ನೀರು ಸುರಿದಿದೆ.
ಈ ವೇಳೆ ಆ ಯುವತಿ ತನ್ನ ಸೀಟ್ ನಿಂದ ಎದ್ದು ಕಿಟಕಿ ಪಕ್ಕ ಮೂಲೆಯಲ್ಲಿ ನಿಂತು ನೀರಿನಿಂದ ತಪ್ಪಿಸಿಕೊಳ್ಳಲು ಪರದಾಡಿದ್ದಾರೆ. ಈ ವಿಡಿಯೋ ವೈರಲ್ ಆಗಿದ್ದು, ವಂದೇ ಭಾರತ್ ರೈಲಿನ ಗುಣಮಟ್ಟ ಮತ್ತು ಕಾರ್ಯವೈಖರಿ ಬಗ್ಗೆ ಟೀಕೆಗಳು ವ್ಯಕ್ತವಾಗಿದ್ದು, ಚರ್ಚೆಗೆ ಗ್ರಾಸವಾಗಿದೆ.
ಆದ್ರೆ ಈ ಘಟನೆ ಎಲ್ಲಿ ನಡೆದಿದೆ ಯರ್ಮ್ಬುಡ ಬಗ್ಗೆ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ.
