ಕರೋನ ವೈರಸ್ ದೇಶಾದ್ಯಂತ ಬಾಧಿಸುತ್ತಿರುವ ಇಂತಹ ಸಮಯದಲ್ಲಿ ಬ್ಲಾಕ್ ಫಂಗಸ್ ಎಂಬ ಹೆಮ್ಮಾರಿಯನ್ನು ಸಹ ಎದುರಿಸಬೇಕಾಗಿದೆ. ಈ ಬ್ಲಾಕ್ ಫಂಗಸ್ ಟ್ರೀಟ್ಮೆಂಟ್ಗೆ ಅತ್ಯವಶ್ಯಕವಾಗಿ ಆಂಫೊಟೆರಿಸಿನ್ ಬಿ ಎಮಲ್ಷನ್ ಚುಚ್ಚುಮದ್ದಿನ ಅವಶ್ಯಕತೆ ಇದ್ದು ದೇಶಾದ್ಯಂತ ಈ ಔಷಧಿಯ ಕೊರತೆಯುಂಟಾಗಿರುವುದು ಎಲ್ಲರಿಗೂ ಗೊತ್ತಿರುವ ವಿಷಯ. ಹಾಗೆ ಈ ಔಷಧಿಯ ಬೆಲೆಯೂ ಕೂಡ ದುಬಾರಿ. ಈ ಎಲ್ಲಾ ಕೊರತೆಯನ್ನು ನಿಭಾಯಿಸಲು ಮಹಾರಾಷ್ಟ್ರ ಮೂಲದ ಔಷಧಿ ತಯಾರಕ ಸಂಸ್ಥೆಯೊಂದು ಮುಂದೆ ಬಂದಿದ್ದು ಅತೀ ಕಡಿಮೆ ಬೆಲೆಯಲ್ಲಿ ಈ ಚುಚ್ಚು ಮದ್ದು ಸಿಗಲಿದೆ.
ಮಹಾರಾಷ್ಟ್ರ ಮೂಲದ ಜೆನಿಟಿಕ್ ಲೈಫ್ ಸೈನ್ಸ್ ಗುರುವಾರದಿಂದ ಆಂಫೊಟೆರಿಸಿನ್ ಬಿ ಎಮಲ್ಷನ್ ಚುಚ್ಚುಮದ್ದನ್ನ ತಯಾರಿಸುವ ಕಾರ್ಯ ಆರಂಭಿಸಿದೆ. ಇದು ಬ್ಲಾಕ್ ಫಂಗಸ್ ವಿರುದ್ಧದ ಚಿಕಿತ್ಸೆಯಲ್ಲಿ ಬಳಸುವ ಚುಚ್ಚುಮದ್ದಾಗಿದೆ.
ಕೋವಿಡ್ ಸೋಂಕಿನ ಬಳಿಕ ಅನೇಕರಲ್ಲಿ ಕಾಣಿಸಿಕೊಳ್ತಿರುವ ಬ್ಲಾಕ್ ಫಂಗಸ್ ಟ್ರೀಟ್ಮೆಂಟ್ಗೆ ನೀಡುವ ಆಂಫೋಟೆರಿಸಿನ್ ಬಿ ಚುಚ್ಚುಮದ್ದು ಎಲ್ಲೆಡೆ ಕೊರತೆ ಉಂಟಾಗಿದ್ದು,ಈಗ ಮಹಾರಾಷ್ಟ್ರ ಮೂಲದ ಜೆನಿಟಿಕ್ ಲೈಫ್ ಸೈನ್ಸ್ ಕಂಪನಿ ಕೊರತೆಯನ್ನು ನಿಭಾಯಿಸುವ ಹೊಣೆ ಹೊತ್ತಿದೆ. ಈ ಕುರಿತು ನಿತಿನ್ ಗಡ್ಕರಿ ಕಛೇರಿ ಟ್ವೀಟ್ ಮಾಡಿದೆ.
https://twitter.com/OfficeOfNG/status/1397788764148174850?s=19
ಇಂಜೆಕ್ಷನ್ಗೆ 1200 ರೂಪಾಯಿ ನಿಗದಿ ಮಾಡಲಾಗಿದ್ದು, ಸೋಮವಾರದಿಂದ ಚುಚ್ಚುಮದ್ದು ಲಸಿಕೆಯ ವಿತರಣೆ ಆರಂಭವಾಗಲಿದೆ ಎಂದೂ ನಿತಿನ್ ಗಡ್ಕರಿ ಕಚೇರಿಯಿಂದ ಟ್ವೀಟ್ ಮೂಲಕ ಮಾಹಿತಿ ನೀಡಿದೆ. ಇಲ್ಲಿಯವರೆಗೆ ಈ ಇಂಜೆಕ್ಷನ್ 7 ಸಾವಿರ ರೂಪಾಯಿ ದರದಲ್ಲಿ ಮಾರಾಟವಾಗುತ್ತಿತ್ತು.
