ರಾಜ್ಯದಲ್ಲಿ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ (KSRTC) ಬಸ್ಗಳ ಅಪಘಾತ ಕಡಮೆಗೊಳಿಸಲು ರಾತ್ರಿ ಪಾಳಿ ಕರ್ತವ್ಯ ನಿರ್ವಹಿಸುವ ಚಾಲಕರಿಗೆ ಕಾಫಿ, ಟೀ ಹಾಗೂ ಬಿಸಿನೀರು ಕುಡಿಯಲು ಅನುಕೂಲಕ್ಕಾಗಿ ಫ್ಲಾಸ್ಕ್ ವಿತರಿಸಲು ಯೋಜನೆ ರೂಪಿಸಲಾಗಿದೆ.
ಬೆಂಗಳೂರಿನಲ್ಲಿ ಮಾತನಾಡಿದ ಸಾರಿ ಹಾಗೂ ಮುಜರಾಯಿ ಸಚಿವ ರಾಮಲಿಂಗಾ ರೆಡ್ಡಿ (Ramalinga Reddy) ಇತ್ತೀಚೆಗೆ ಅಪಘಾತಗಳನ್ನು ಕಡಿಮೆಗೊಳಿಸುವ ನಿಟ್ಟಿನಲ್ಲಿ ರಾತ್ರಿ ಪಾಳಿಯ (Night Shift)ಬಸ್ಸುಗಳಲ್ಲಿ ಕರ್ತವ್ಯ ನಿರ್ವಹಿಸುವ ಚಾಲಕರಿಗೆ (Drivers) ಫ್ಲಾಸ್ಕ್ (Flask) ಮುಖ್ಯವಾಗಿ ಕಾಪಿ, ಟೀ, ಬಿಸಿನೀರು ಕುಡಿಯಲು ಅನುವಾಗುವಂತೆ ನೀಡಲಾಗಿದೆ ಎಂದು ತಿಳಿಸಿದರು.
ಸಾರಿಗೆ ನಿಗಮದ ಬಸ್ ಪ್ರಯಾಣದ ವೇಳೆ ಮೃತಪಟ್ಟ 34 ವರ್ಷದ ಯುವಕ ಜಿ.ಎನ್ ಅಮೃತ್ ಅವರ ತಂದೆ ನಾಗರಾಜ್ ಅವರಿಗೆ ಇದೇ ಮೊದಲ ಬಾರಿಗೆ ರೂ 10 ಲಕ್ಷ ಪರಿಹಾರದ ಚೆಕ್ ವಿತರಿಸಿ, ಈ ಹಿಂದೆ ಇದ್ದ ರೂ 3 ಲಕ್ಷ ಪರಿಹಾರ ಮೊತ್ತವನ್ನು ಇತ್ತಿಚೆಗೆ ಸರ್ಕಾರ ರೂ 10 ಲಕ್ಷಕ್ಕೆ ಹೆಚ್ಚಿಸಿ ಆದೇಶ ಹೊರಡಿಸಿತ್ತು.
ಜಿ.ಎನ್ ಅಮೃತ್ ಇದೇ ಫೆಬ್ರವರಿ 4 ರಂದು, ಹಾಸನ ವಿಭಾಗದ, ಚನ್ನರಾಯಪಟ್ಟಣ ಘಟಕದ ವಾಹನ ಸಂಖ್ಯೆ ಕೆಎ-13 -ಎಫ್-2261 ಬೆಂಗಳೂರು ಧರ್ಮಸ್ಥಳ ಮಾರ್ಗದಲ್ಲಿ ಕಾರ್ಯಾಚರಣೆಯಲ್ಲಿರುವಾಗ ಸಕಲೇಶಪುರದ ಸಮೀಪ ಬಾಗೆ ಎಂಬ ಸ್ಥಳದ ತಿರುವಿನಲ್ಲಿ ಅಪಘಾತಕ್ಕೆ ಒಳಪಟ್ಟು ವಾಹನದಲ್ಲಿ ಪ್ರಯಾಣಿಸುತ್ತಿದ್ದ ವೇಳೆ ಸ್ಥಳದಲ್ಲಿಯೇ ಮೃತಪಟ್ಟಿದ್ದರು
#KSRTC #Driver #Flask #NightShift #Accidents #Compensation #Hike #RamalingaReddy #Coffee #tea #Hotwater