ದೆಹಲಿಯಲ್ಲಿ ಅರವಿಂದ್ ಕೇಜ್ರಿವಾಲ್ ಸರಕಾರ ದುರ್ಬಲ ಕುಟುಂಬಗಳಿಗೆ ಪಡಿತರ ಚೀಟಿ ವಿತರಿಸುವುದರಲ್ಲಿ ಎಡವಿದೆ ಎನ್ನುವುದು ಸಮೀಕ್ಷೆಯೊಂದರಲ್ಲಿ ಬಹಿರಂಗವಾಗಿದೆ.
ವಲಸೆ ಕಾರ್ಮಿಕರು ಮತ್ತು ಆರ್ಥಿಕವಾಗಿ ದುರ್ಬಲವಾಗಿರುವ ಕುಟುಂಬಗಳಿಗೆ ಆಹಾರ ಧಾನ್ಯಗಳನ್ನು ಒದಗಿಸಲು ನ್ಯಾಯಾಲಯಗಳಿಂದ ಸ್ಪಷ್ಟ ಸೂಚನೆಗಳನ್ನು ನೀಡಿದರೂ, 62 ವಿತರಣಾ ಕೇಂದ್ರಗಳಲ್ಲಿ ಒಂದೂ ಪಡಿತರವನ್ನು ವಿತರಿಸುತ್ತಿರುವುದು ಕಂಡುಬಂದಿಲ್ಲ ಎನ್ನುವುದು ತಿಳಿದುಬಂದಿದೆ.
ಪಡಿತರ ಚೀಟಿ ಇಲ್ಲದಿದ್ದರೂ ಬಡವರು ಮತ್ತು ಬಡತನ ರೇಖೆಯ ಅಂಚಿನಲ್ಲಿರುವ ಸಮುದಾಯಗಳಿಗೆ ಪಡಿತರ ನೀಡುವ ಯೋಜನೆಯನ್ನು ಅಳವಡಿಸಿಕೊಂಡಿರುವುದಾಗಿ ದೆಹಲಿ ಸರಕಾರ ಹೇಳಿಕೊಂಡಿರುವುದು ಸುಳ್ಳೆಂದು ಆಹಾರ ಹಕ್ಕು ಸಂಘಟನೆ ಆರೋಪಿಸಿದೆ.
ಜನವರಿ 11 ಮತ್ತು 13 ರ ನಡುವೆ ದೆಹಲಿ ರೋಜಿ ರೋಟಿ ಅಧಿಕಾರ್ ಅಭಿಯಾನ್ (DRRAA) ಕೈಗೊಂಡ ಸಮೀಕ್ಷೆಯು ವಿತರಣಾ ಕೇಂದ್ರಗಳಿಗೆ ಭೇಟಿ ನೀಡಿ ಪರಿಶೀಲಿನೆ ನಡೆಸಿತ್ತು, 282 ಶಾಲೆಗಳ ಪೈಕಿ 62 ರಲ್ಲಿ ಆರ್ಥಿಕವಾಗಿ ದುರ್ಬಲ ಜನರಿಗೆ ಪಡಿತರ ವಿತರಣೆಯ ಸ್ಥಿತಿಯ ಬಗ್ಗೆ ಪರಿಶೀಲಿಸಿ, ಅಭಿಯಾನದ ಕೇಂದ್ರಗಳಿಗೆ ಭೌತಿಕವಾಗಿ ಭೇಟಿ ನೀಡಿದರು.
ಈ ವೇಳೆ ಅಧ್ಯಯನ ತಂಡಕ್ಕೆ ಆಘಾತಕಾರಿ ಸುದ್ದಿ ಬಂದಿದ್ದು, ತಪಾಸಣೆ ನಡೆಸಿದ 62 ಶಾಲೆಗಳಲ್ಲಿ ಎಲ್ಲಿಯೂ ಪಡಿತರ ವಿತರಿಸುತ್ತಿಲ್ಲ. ಏಕೆಂದರೆ, ಇಲ್ಲಿ ಯಾವುದೇ ಧಾನ್ಯಗಳ ದಾಸ್ತಾನು ಹೊಂದಿಲ್ಲ ಎಂದು ಅಭಿಯಾನ್ ಕಂಡುಹಿಡಿದಿದೆ.
ಹೈಕೋರ್ಟ್ ಆದೇಶಗಳ ಉಲಂಘನೆ!
ನಿಯೋಜಿತ ವಿತರಣಾ ಕೇಂದ್ರಗಳ ಮೂಲಕ ಪಡಿತರವನ್ನು ನೀಡಲು ಸರ್ಕಾರ ವಿಫಲವಾಗಿದೆ. ವಲಸೆ ಕಾರ್ಮಿಕರು ಮತ್ತು ಆರ್ಥಿಕ ದುರ್ಬಲರಿಗೆ ಆಹಾರ ಧಾನ್ಯಗಳನ್ನು ಒದಗಿಸುವ ಬಗ್ಗೆ ಸುಪ್ರೀಂ ಕೋರ್ಟ್ ಮತ್ತು ದೆಹಲಿ ಹೈಕೋರ್ಟ್ನ ಆದೇಶಗಳ ಉಲ್ಲಂಘನೆಯಾಗಿದೆ. ಈಗಾಗಲೇ ಕೊರೋನಾ ಹಾವಳಿಯೂ ಹೆಚ್ಚಾಗುತ್ತಿರುವ ಈ ಸಮಯದಲ್ಲಿ ಪಡಿತರ ಚೀಟಿಯೂ ಜನರ ಬಳಿ ಇಲ್ಲದಿರುವುದು ಜನರಲ್ಲಿ ಆತಂಕ ಹೆಚ್ಚಿಸಿದೆ, ಬಡತನದಿಂದ ಮೇಲೇರಲು ಪರದಾಡುವ ಜನರಿಗೆ ಇನ್ನಷ್ಟು ಸಂಕಷ್ಟ ಎದುರಾಗುತ್ತಿದೆ.
ಆರ್ಥಿಕ ಚಟುವಟಿಕೆಗಳಿಗೆ ಹೊಡೆತ!
ದೆಹಲಿಯಲ್ಲಿ ಹೆಚ್ಚುತ್ತಿರುವ COVID-19 ಪ್ರಕರಣಗಳನ್ನು ಗಮನದಲ್ಲಿಟ್ಟುಕೊಂಡು ಈ ಪಡಿತರವನ್ನು ನೀಡಲಾಗಿತ್ತು.ಆದರೆ ದೆಹಲಿಯಲ್ಲಿ ಹಲವಾರು ನಿರ್ಭಂದಗಳನ್ನು ಹೇರಲಾಗಿತ್ತು. ಇದು ಈಗಾಗಲೇ ಅಂಚಿನಲ್ಲಿರುವ ಅನೇಕ ಸಮುದಾಯಗಳ ಆರ್ಥಿಕ ಚಟುವಟಿಕೆಗಳು ಮತ್ತು ಜೀವನೋಪಾಯದ ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತಿದೆ.
ವರದಿಯ ನಂತರ, DRRAA ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ಗೆ ವ್ಯವಹಾರಗಳ ಸ್ಥಿತಿಯ ಬಗ್ಗೆ ಪತ್ರ ಬರೆದು ಮಧ್ಯಪ್ರವೇಶಿಸುವಂತೆ ಒತ್ತಾಯಿಸಿತು.
ಪತ್ರ ಚಳುವಳಿ ನಡೆಸಲು ಮುಂದಾದ ಹೋರಾಟಗಾರರು
ಆಹಾರ ಹಕ್ಕುಗಳ ಹೋರಾಟಗಾರರಾದ ಅಂಜಲಿ ಭಾರದ್ವಾಜ್, ಅಮೃತಾ ಜೋಹ್ರಿ, ಅನ್ನಿ ರಾಜಾ ಮತ್ತು ದೀಪಾ ಸಿನ್ಹಾ ಅವರು ಸಹಿ ಮಾಡಿದ ಪತ್ರದಲ್ಲಿ, ಕೋವಿಡ್ ಸಂಬಂಧಿತ ನಿರ್ಬಂಧಗಳಿಂದಾಗಿ, “ದೈನಂದಿನ ಕೂಲಿಕಾರರು, ಬೀದಿ ಬದಿ ವ್ಯಾಪಾರಿಗಳು, ಮನೆಕೆಲಸ, ನಿರ್ಮಾಣ ಕಾರ್ಮಿಕರು ಸೇರಿದಂತೆ ಅನೌಪಚಾರಿಕ ವಲಯದ ಕಾರ್ಮಿಕರ ಸ್ಥಿತಿ. ಖಾಸಗಿ ಸಂಸ್ಥೆಗಳಲ್ಲಿ ತಾತ್ಕಾಲಿಕ ಹುದ್ದೆಗಳಲ್ಲಿ ಕೆಲಸ ಮಾಡುವ ಜನರು ಮತ್ತು ಅಸಂಘಟಿತ ವಲಯದಲ್ಲಿ ಸ್ವಯಂ ಉದ್ಯೋಗಿಗಳು ತಮ್ಮ ಕುಟುಂಬಗಳಿಗೆ ಸಾಕಷ್ಟು ಆಹಾರವನ್ನು ಗಳಿಸುವ ಮತ್ತು ಒದಗಿಸುವ ಸಾಮರ್ಥ್ಯವು ತೀವ್ರವಾಗಿ ಪರಿಣಾಮ ಬೀರುವ ಬಗ್ಗೆ ಉಲ್ಲೇಖ ಮಾಡಲಾಗಿದೆ.
ಕೊರೋನಾ ಅಲೆಗಳು ಹಾಗೂ ಲಾಕ್ಡೌನ್ಗಳ ಸಮಯದಲ್ಲಿ ದೆಹಲಿ ಸರ್ಕಾರ ಅಂತಹ ಜನರಿಗೆ ಪಡಿತರ ನೀಡಲು ಪಿಡಿಎಸ್ ಅಲ್ಲದ ಯೋಜನೆಯನ್ನು ಅಳವಡಿಸಿಕೊಂಡಿದೆ. ಸುಪ್ರೀಂ ಕೋರ್ಟ್ ಮತ್ತು ದೆಹಲಿ ಹೈಕೋರ್ಟ್ನ ಕೆಳಗಿನ ನಿರ್ದೇಶನಗಳನ್ನು ಅನುಸರಿಸಿ ಜನರ ಸಂಖ್ಯೆಯ ಕೋಟಾವನ್ನು ಹೆಚ್ಚಿಸಿದೆ ಎಂದು ಕಾರ್ಯಕರ್ತರು ತಿಳಿಸಿದ್ದಾರೆ.
ಗೊತ್ತುಪಡಿಸಿದ ಕೇಂದ್ರಗಳಲ್ಲಿ ಆಹಾರ ಧಾನ್ಯಗಳ ದಾಸ್ತಾನು ಇಲ್ಲದಿರುವುದರಿಂದ ವಾಸ್ತವದಲ್ಲಿ ಪಡಿತರ ವಿತರಣೆಯು ನಡೆಯುತ್ತಿಲ್ಲ ಎಂದು ವರದಿಗಳು ತೋರಿಸುತ್ತವೆ ಎಂದು ಕಾರ್ಯಕರ್ತರು ವಿಷಾದಿಸುತ್ತಿದ್ದಾರೆ. ವಿತರಣಾ ಕೇಂದ್ರಗಳಾಗಿ ಗೊತ್ತುಪಡಿಸಿದ 282 ಶಾಲೆಗಳ ಪೈಕಿ 62 ಶಾಲೆಗಳಲ್ಲಿ DRRAA ಕೈಗೊಂಡ ಸಮೀಕ್ಷೆಯನ್ನು ಉಲ್ಲೇಖಿಸಿದ ಕಾರ್ಯಕರ್ತರು, ಪಡಿತರ ಅಗತ್ಯವಿರುವ ಜನರನ್ನು ಪದೇ ಪದೇ ಬರಿಗೈಯಲ್ಲಿ ಹಿಂತಿರುಗಿಸಲಾಗುತ್ತಿದೆ ಎಂದು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.
ಈ ಪಡಿತರ ನಿರಾಕರಣೆ ದೆಹಲಿಯಲ್ಲಿ ಲಕ್ಷಾಂತರ ಜನರಿಗೆ ಹಸಿವು ಮತ್ತು ಆಹಾರದ ಅಭದ್ರತೆಗೆ ಕಾರಣವಾಗುತ್ತದೆ ಎಂದು ಪತ್ರದಲ್ಲಿ ಹೇಳಲಾಗಿದೆ. ಜನಸಂಖ್ಯೆಯ ಶೇ. 37 ರಷ್ಟು ಮಾತ್ರ ಸಾರ್ವಜನಿಕ ವಿತರಣಾ ವ್ಯವಸ್ಥೆಯಡಿಯಲ್ಲಿ ಆವರಿಸಲ್ಪಟ್ಟಿದೆ ಮತ್ತು ಅವರಿಗೆ ಮಾಸಿಕ ಆಧಾರದ ಮೇಲೆ ಪಡಿತರವನ್ನು ನೀಡಲು ಅನುಮತಿಸುವ ಪಡಿತರ ಚೀಟಿಯನ್ನು ಹೊಂದಿದ್ದಾರೆ” ಎಂದು ಕಾರ್ಯಕರ್ತರು ಕೇಜ್ರಿವಾಲ್ಗೆ ನೆನಪಿಸಿದರು.
ಹಿಂದಿನ ಲಾಕ್ಡೌನ್ಗಳ ಸಮಯದಲ್ಲಿ ಪಡಿತರ ಚೀಟಿ ಇಲ್ಲದವರಿಗೆ ಉದ್ದೇಶಿಸಲಾದ PDS ರಹಿತ ಯೋಜನೆಯಡಿ 70 ಲಕ್ಷ ಜನರು ಆಹಾರ ಧಾನ್ಯಗಳನ್ನು ಪಡೆಯುವುದರೊಂದಿಗೆ, ಗುಂಪಿನ ಸದಸ್ಯರು ಯೋಜನೆಯ ಮಹತ್ವವನ್ನು ಸೂಚಿಸಿದರು.
ಜನರು ಪಡಿತರ ಚೀಟಿಗಾಗಿ ಅರ್ಜಿ ಸಲ್ಲಿಸಿದ್ದರೂ ಸಹ, ರಾಜ್ಯಕ್ಕೆ ಸಾರ್ವಜನಿಕ ವಿತರಣಾ ವ್ಯವಸ್ಥೆಯಡಿ ವ್ಯಾಪ್ತಿಗೆ ಕೋಟಾ ಖಾಲಿಯಾಗಿರುವುದರಿಂದ ಅರ್ಜಿಗಳು ತಿಂಗಳುಗಳ ಅಥವಾ ವರ್ಷಗಳವರೆಗೆ ಬಾಕಿ ಉಳಿದಿವೆ ಎಂದು ಪತ್ರದಲ್ಲಿ ಸೇರಿಸಲಾಗಿದೆ. ದೆಹಲಿ ಸರ್ಕಾರದ ಆಹಾರ ಮತ್ತು ನಾಗರಿಕ ಪೂರೈಕೆ ಇಲಾಖೆಯಲ್ಲಿ ಸುಮಾರು 2 ಲಕ್ಷ ಮನೆಗಳ ಪಡಿತರ ಚೀಟಿ ಅರ್ಜಿಗಳು ಬಾಕಿ ಉಳಿದಿವೆ ಎಂದು ಹೇಳಿದೆ.
ಅದೇನೇ ಇರಲಿ, ಈಗಾಗಲೇ ದೆಹಲಿಯನ್ನೂ ಬಿಡದೆ ಕೊರೋನಾ ಹಾವಳಿ ಜನರ ಜೀವ, ಜೀವನ ಕಸಿದುಕೊಳ್ಳುತ್ತಿದೆ. ಇದರಿಂದ ದಿನದಿಂದ ದಿನಕ್ಕೆ ಸರ್ಕಾರವೂ ಟಫ್ ರೂಲ್ಸ್ ಗಳನ್ನು ತಂದು ಉದ್ಯಮ ಕ್ಷೇತ್ರಗಳ ಕುಸಿತಕ್ಕೆ ಕಾರಣವಾಗುತ್ತಿದೆ. ಇಂತಹ ಸಮಯದಲ್ಲಿ ಬಡಜನರಿಗೆ ಪಡಿತರ ಚೀಟಿಗಳಿದ್ದರೂ ಆಹಾರದ ಕೊರತೆ ಕಾಣುತ್ತಿರುವ ದೆಹಲಿಗರಿಗೆ ಬೇಸರ ತಂದಿದೆ.
