ಸನ್ರೈಸರ್ಸ್ ತಂಡದಲ್ಲಿ ಆಡುತ್ತಿರುವ ಸಂಧರ್ಭದಲ್ಲಿ ತನ್ನನ್ನು ಹಾಗೂ ತಿಸ್ಸಾರ ಪೆರೇರರನ್ನು ʼಕಾಲೂʼ ಎಂದು ಕರೆಯಲಾಗುತಿತ್ತು ಹಾಗೂ ಕಾಲೂ ಪದದ ಅರ್ಥ ತನಗೆ ಈಗ ಅರ್ಥವಾಗಿದೆ ಎಂದು ವೆಸ್ಟ್ ತಂಡದ ಮಾಜಿ ಕಪ್ತಾನ ಡೆರೆನ್ ಸಮ್ಮಿ ತಮ್ಮ ಆಕ್ರೋಶ ವ್ಯಕ್ತ ಪಡಿಸಿದ್ದಾರೆ.
ʼಕಾಲೂʼ ಪದದ ಅರ್ಥ ಕೇಳಿದಾಗ ಬಲವಾದ ಸ್ಟಾಲಿಯನ್ ತಳಿಯ ಕುದುರೆಯೆಂದು ನಮ್ಮನ್ನು ನಂಬಿಸಲಾಗಿತ್ತು. ಅವರು ನಮ್ಮನ್ನು ಆ ಅರ್ಥದಲ್ಲೇ ಸಂಭೋದಿಸುತ್ತಿದ್ದರೆಂದು ಭಾವಿಸಿಕೊಂಡಿದ್ದೆ. ಆದರೆ ʼಕಾಲೂʼ ಪದದ ನಿಜವಾದ ಅರ್ಥ ಏನೆಂದು ನನಗೆ ಈಗ ತಿಳಿದು ಬಂದಿದೆ. ನನಗೆ ಇದು ಬಹಳಷ್ಟು ಸಿಟ್ಟು ತರಿಸಿದೆ ಎಂದು ಡೆರೆನ್ ಸಮ್ಮಿ ತಮ್ಮ ಇನ್ಸ್ಟಗ್ರಾಮ್ನಲ್ಲಿ ಹಾಕಿಕೊಂಡಿದ್ದಾರೆ.
ನಾಲ್ಕು ದಿನಗಳ ಹಿಂದೆ ಭಾರತೀಯ ಮೂಲದ ಅಮೇರಿಕನ್ ಕಾಮೆಡಿಯನ್ ಹಸನ್ ಮಿನಾಜ್ ಹಾಕಿದ್ದ ವೀಡಿಯೋ ಒಂದರಲ್ಲಿ ಭಾರತೀಯ ಕುಟುಂಬಗಳಲ್ಲಿ ಹೇಗೆ ಕಪ್ಪು ಚರ್ಮದವರನ್ನು ʼಕಾಲೂʼ ಎಂದು ಕರೆಯಲಾಗುತ್ತದೆ ಎಂಬುದನ್ನು ಹೇಳಿದ್ದರು. ಡೆರೆನ್ ಈ ವೀಡಿಯೋವನ್ನು ಶೇರ್ ಮಾಡಿಕೊಂಡಿದ್ದರು.
ಅಮೇರಿಕಾದಲ್ಲಿ ನಡೆಯುತ್ತಿರುವ ಜನಾಂಗೀಯ ತಾರತಮ್ಯದ ಕುರಿತು ದನಿಯೆತ್ತುವಂತೆ ಅಂತರಾಷ್ಟ್ರೀಯ ಕ್ರಿಕೆಟ್ ಮಂಡಳಿಗೆ ಡೆರೆನ್ ಇತ್ತೀಚೆಗೆ ಕರೆ ನೀಡಿದ್ದರು.
ಅಮೇರಿಕಾದಲ್ಲಿ ಜನಾಂಗೀಯ ತಾರತಮ್ಯದ ವಿರುದ್ಧ ಪ್ರತಿಭಟನೆ ಮಾಡುವರಿಗೆ ನೈತಿಕ ಬೆಂಬಲ ನೀಡಿದ್ದ ಡೆರೆನ್ ಸಮ್ಮಿ, ಅಮೇರಿಕಾದಲ್ಲಿ ವರ್ಣಬೇಧ ನೀತಿಯ ಕುರಿತು ಕ್ರಿಕೆಟ್ ಲೋಕ ಮಾತಾಡಬೇಕು ಒಂದು ವೇಳೆ ನೀವು ಮಾತನಾಡುವುದಿಲ್ಲ ಎಂದರೆ ನೀವು ಕೂಡ ಅದರಲ್ಲಿ ಭಾಗಿಯಾಗಿದ್ದೀರೆಂದು ಅರ್ಥ ಎಂದು ಟ್ವೀಟ್ ಮಾಡಿದ್ದರು.
Right now if the cricket world not standing against the injustice against people of color after seeing that last video of that foot down the next of my brother you are also part of the problem.
— Daren Sammy (@darensammy88) June 1, 2020
ADVERTISEMENT
