ಮುಂಬರುವ ಪ್ರತಿಷ್ಠಿತ ವಿಶ್ವಕಪ್‌ ಟಿ-20 ಕ್ರಿಕೆಟ್‌ ಟೂರ್ನಿಗೆ ಭಾರತ ತಂಡ ಪ್ರಕಟವಾಗಿದ್ದು, ಮಧ್ಯಮ ವೇಗಿಗಳಾದ ಜಸ್‌ ಪ್ರೀತ್‌ ಬುಮ್ರಾ, ಹರ್ಷಲ್‌ ಪಟೇಲ್‌ ತಂಡಕ್ಕೆ ಮರಳಿದ್ದಾರೆ.
ಬಿಬಿಸಿಐ ಆಯ್ಕೆ ಸಮಿತಿ ಸೋಮವಾರ ಭಾರತ ತಂಡವನ್ನು ಪ್ರಕಟಿಸಿದ್ದು, ಹಿರಿಯ ಸ್ಪಿನ್ನರ್‌ ಆರ್.ಅಶ್ವಿನ್‌ ತಂಡದಲ್ಲಿ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿದ್ದರೆ, ಹಿರಿಯ ಮಧ್ಯಮ ವೇಗಿ ಮೊಹಮದ್‌ ಶಮಿ ಮೀಸಲು ಆಟಗಾರನಾಗಿ ಸ್ಥಾನ ಪಡೆದಿದ್ದಾರೆ.
ಏಷ್ಯಾಕಪ್‌ ಟೂರ್ನಿ ವೇಳೆ ಗಾಯಗೊಂಡ ಸ್ಪಿನ್‌ ಅಲ್‌ ರೌಂಡರ್‌ ರವೀಂದ್ರ ಜಡೇಜಾ ಸ್ಥಾನದಲ್ಲಿ ಅಕ್ಸರ್‌ ಪಟೇಲ್‌ ಸ್ಥಾನ ಗಳಿಸಿದ್ದಾರೆ. ಯುವ ಬೌಲರ್‌ ರವಿ ಬಿಶ್ನೋಯಿ ಮತ್ತು ಆವೇಶ್‌ ಖಾನ್‌ ಸ್ಥಾನ ಪಡೆಯುವಲ್ಲಿ ವಿಫಲರಾಗಿದ್ದಾರೆ.
ರೋಹಿತ್‌ ಶರ್ಮ ತಂಡವನ್ನು ಮುನ್ನಡೆಸಲಿದ್ದು, ಕೆಎಲ್‌ ರಾಹುಲ್‌ ಉಪನಾಯಕ ಸ್ಥಾನ ಗಳಿಸಿದ್ದಾರೆ. ಶಿಖರ್‌ ಧವನ್‌ ಟಿ-೨೦ ವಿಶ್ವಕಪ್‌ ನಿಂದ ಹೊರಬಿದ್ದಿದ್ದಾರೆ. ವಿರಾಟ್‌ ಕೊಹ್ಲಿ ಮತ್ತು ಸೂರ್ಯಕುಮಾರ್‌ ಯಾದವ್‌ ಮಧ್ಯಮ ಕ್ರಮಾಂಕದಲ್ಲಿ ಸ್ಥಾನ ಭದ್ರಪಡಿಸಿಕೊಂಡರೆ, ದಿನೇಶ್‌ ಕಾರ್ತಿಕ್‌ ಮತ್ತು ರಿಷಭ್‌ ಪಂತ್‌ ಇಬ್ಬರು ವಿಕೆಟ್‌ ಕೀಪರ್‌ ಆಯ್ಕೆಯಾಗಿದ್ದಾರೆ.
ಟಿ-20 ವಿಶ್ವಕಪ್‌ ಗೆ ಭಾರತ ತಂಡ
ರೋಹಿತ್‌ ಶರ್ಮ (ನಾಯಕ), ಕೆಎಲ್‌ ರಾಹುಲ್‌ (ಉಪನಾಯಕ), ವಿರಾಟ್‌ ಕೊಹ್ಲಿ, ಸೂರ್ಯಕುಮಾರ್‌ ಯಾದವ್‌, ದೀಪಕ್‌ ಹೂಡಾ, ದಿನೇಶ್‌ ಕಾರ್ತಿಕ್‌, ರಿಷಭ್‌ ಪಂತ್‌, ಹಾರ್ದಿಕ್‌ ಪಾಂಡ್ಯ, ಆರ್.ಅಶ್ವಿನ್‌, ಯಜುರ್ವೆಂದ್ರ ಚಾಹಲ್‌, ಅಕ್ಸರ್‌ ಪಟೇಲ್‌, ಜಸ್‌ ಪ್ರೀತ್‌ ಬುಮ್ರಾ, ಜಸ್‌ ಪ್ರೀತ್‌ ಬುಮ್ರಾ, ಆರ್ಷದೀಪ್‌ ಸಿಂಗ್‌, ಭುವನೇಶ್ವರ್‌ ಕುಮಾರ್‌, ಹರ್ಷಲ್‌ ಪಟೇಲ್‌.
ಮೀಸಲು ಆಟಗಾರರು. ಮೊಹಮದ್‌ ಶಮಿ, ಶ್ರೇಯಸ್‌ ಅಯ್ಯರ್‌, ರವಿ ಬಿಶ್ನೋಯಿ, ದೀಪಕ್‌ ಚಾಹರ್.
