ಬ್ರೆಜಿಲ್‌ನಲ್ಲಿ (Brazil) ಭಯಾನಕ ವಿಮಾನ ಅಪಘಾತ (Plane crash) ಸಂಭವಿಸಿದೆ. ಏರ್‌ಲೈನ್ ವೊಪಾಸ್ ಲಿನ್ಹಾಸ್ ಏರಿಯಾಸ್ ATR-72 ವಿಮಾನ ಅಪಘಾತಕ್ಕೊಳಗಾಗಿದ್ದು, ಇದ್ರಲ್ಲಿ 62 ಜನ ಪ್ರಯಾಣಿಕರಿದ್ದರು. ಈ ವಿಮಾನ ಪರಾನಾದ ಕ್ಯಾಸ್ಕಾವೆಲ್‌ನಿಂದ ಸಾವೊ ಪಾಲೊದಲ್ಲಿನ ಗೌರುಲ್ಲೋಸ್‌ಗೆ ತೆರಳುತ್ತಿತ್ತು.
ADVERTISEMENT
ಇನ್ನೇನು ಕೆಲವೇ ನಿಮಿಷಗಳಲ್ಲಿ ಲ್ಯಾಂಡ್ ಆಗಬೇಕಿದ್ದ ವಿಮಾನ, ಸಾವೋ ಪೌಲೋದ ವಿಶ್ಲೇಡೋ ಎಂಬಲ್ಲಿ ನಿಯಂತ್ರಣ ಕಳೆದುಕೊಂಡಿದ್ದು, ಧಿಡೀರ್ ವಿಮಾನ ಪತನವಾಗಿದೆ. ವಿಮಾನ ಪತನಗೊಂಡ ತಕ್ಷಣವೇ ಬೆಂಕಿ ಆವರಿಸಿ ದಟ್ಟ ಹೊಗೆ ವ್ಯಾಪಿಸಿದೆ.
ಈ ದುರಂತದಲ್ಲಿ ವಿಮಾನದಲ್ಲಿ ಪ್ರಯಾಣಿಸುತ್ತಿದ್ದ ಎಲ್ಲಾ 62 ಪ್ರಯಾಣಿಕರು (62 passengers) ದಾರುಣವಾಗಿ ಸಾವನ್ನಪ್ಪಿದ್ದಾರೆ. ಎಲ್ಲಾ ದೇಹಗಳು ಸಂಪೂರ್ಣ ಸುಟ್ಟು ಕರಕಲಾಗಿದ್ದು, ಹಲವು ದೇಹಗಳು ಛಿದ್ರ ಛಿದ್ರಗೊಂಡ ಪರಿಸ್ಥಿತಿಯಲ್ಲಿದವು ಎಂದು ವರದಿಯಾಗಿದೆ.
