ವರ್ಷಕ್ಕೆ ಒಮ್ಮೆ ದರ್ಶನ ನೀಡು ಹಾಸನದ ಹಾಸನಾಂಬೆ ದೇವಿಯ (Hasanambe temple) ಸಾರ್ವಜನಿಕ ದರ್ಶನಕ್ಕೆ ಇಂದು ಕಡೆಯ ದಿನವಾಗಿದ್ದು 9 ದಿನಗಳ ಬಳಿಕ ನಾಳೆ ದೇಗುಲ ಬಂದ್ ಆಗಲಿದೆ. ಹೀಗಾಗಿ ಇಂದು ದೀಪಾವಳಿ (Deepavali) ದಿನವೂ ದೇವಿಯ ದರ್ಶನಕ್ಕೆ ಅಪಾರ ಭಕ್ತಗಣ ಆಗಮಿಸುತ್ತಿದೆ.
ADVERTISEMENT
ಈಗಾಗಲೇ ಧರ್ಮದರ್ಶನದ ಸಾಲುಗಳು ಸಂಪೂರ್ಣ ಭರ್ತಿಯಾಗಿವೆ. ರಾತ್ರಿ 12 ಗಂಟೆಗೆ ನೈವೇದ್ಯಕ್ಕಾಗಿ ಬಾಗಿಲು ಮುಚ್ಚಿದ್ದ ದೇಗುಲ ಮತ್ತೆ ಮುಂಜಾನೆ 4 ಗಂಟೆಯಿಂದ ದರ್ಶನ ಆರಂಭವಾಗಿದೆ.
ನಿನ್ನೆಯಿಂದ ವಿವಿಐಪಿ ವಿಐಪಿ (VIP pass) ಪಾಸ್ಗಳನ್ನು ರದ್ದು ಮಾಡಲಾಗಿದ್ದು ನಾಳೆ ಮುಂಜಾನೆ 4 ಗಂಟೆವರೆಗೆ ನಿರಂತವಾಗಿ ದೇವಿ ದರ್ಶನಕ್ಕೆ ಅವಕಾಶ ನೀಡಲಾಗಿದೆ. ನಾಳೆ ಮದ್ಯಾಹ್ನ 12 ಗಂಟೆ ನಂತರ ಹಾಸನಾಂಬೆ ಗರ್ಭಗುಡಿಯ ದೇಗುಲ ಬಂದ್ ಆಗಲಿದೆ.
