ಬೆಂಗಳೂರು ನಗರದ ಸಾರಿಗೆ ವ್ಯವಸ್ಥೆ ಸಂಪೂರ್ಣ ಹಳ್ಳ ಹಿಡಿದಿದೆ. ಒಂದೊಮ್ಮೆ ದೇಶದಲ್ಲೇ ವಂಡರ್ ಫುಲ್ ಟ್ರಾನ್ಸ್ಪೋರ್ಟ್ ವ್ಯವಸ್ಥೆಯಾಗಿದ್ದ BMTC ಈಗ ಒಂದಲ್ಲಾ ಒಂದು ಕಳಪೆ ಸೇವೆಗೆ ಹೆಸರಾಗುತ್ತಿದೆ. ಈ ಹಿನ್ನೆಲೆ ಜನರೇ ಮುಂದೆ ನಿಂತು ಇದಕ್ಕೊಂದು ಇತಿಶ್ರೀ ಹಾಡಲು ಮುಂದಾಗಿದ್ದಾರೆ.
ಡಕೋಟ ಬಸ್.. ಕಾಸ್ಟ್ಲಿ ಟಿಕೆಟ್.. ಕಳಪೆ ಸರ್ವೀಸ್
ಬೆಂಗಳೂರು ಜನರ ಜೀವನಾಡಿಯಾಗಿರುವ BMTC ಒಂದೊಮ್ಮೆ ದಿ ಬೆಸ್ಟ್ ಎನ್ನುವ ಹೆಗ್ಗಳಿಕೆಗೆ ಭಾಜನವಾಗಿತ್ತು. ಆದರೆ ಇತ್ತೀಚಿನ ದಿನಗಳಲ್ಲಿ ನಗರ ಸಾರಿಗೆ ನಿಗಮದ ವಿರುದ್ಧ ಅಸಮಾಧಾನಗೊಂಡಿದ್ದು ನಿಗಮ ಕಳಪೆ ಸರ್ವೀಸ್ ನೀಡ್ತಿದೆ ಎಂದು ಆರೋಪ ಮಾಡುವ ಸ್ಥಿತಿಗೆ ಬಂದು ನಿಂತಿದ್ದಾರೆ. ಅಸಲಿಗೆ BMTCಯಲ್ಲಿ ಸದ್ಯಕ್ಕೆ ಸುಮಾರು 6000 ಬಸ್ ಗಳಿದ್ದಾವೆ. ಈ ಪೈಕಿ ಸದ್ಯಕ್ಕೆ ಸೇವೆ ನೀಡುತ್ತಿರುವ ಬಸ್ ಗಳ ಸಂಖ್ಯೆ ಕೇವಲ 3000 ಮಾತ್ರ. ಪ್ರತಿ ದಿನ ಬೆಂಗಳೂರಿನಲ್ಲಿ 35 ಲಕ್ಷಕ್ಕೂ ಅಧಿಕ ಮಂದಿ ಬಸ್ ಅನ್ನೇ ನಂಬಿಕೊಂಡು ಓಡಾಡುತ್ತಾರೆ. ಈ 35 ಲಕ್ಷ ಮಂದಿಗೆ ಸೇವೆ ಒದಗಿಸಲು 3000 ಬಸ್ ಗಳು ಸಾಕೇ ಎನ್ನುವ ಪ್ರಶ್ನೆ ಸದ್ಯದ್ದು. ಇದರ ಜೊತೆಗೆ ಬೆಂಗಳೂರಿನ ಪ್ರತಿಯೊಂದು ಏರಿಯಾಗೂ BMTC ಸೇವೆ ಕೊಡುತ್ತಿತ್ತು. ಆದರೆ ಈಗ ಬೆಂಗಳೂರಿನ ಹೊರವಲಯದ ಬಹುತೇಕ ಜಾಗಗಳಿಗೆ ಸೇವೆಯೇ ಇಲ್ಲದಂತಾಗಿದೆ.
ಹೀಗಾಗಿ ಜನರು ಖಾಸಗಿ ವಾಹನದಲ್ಲಿ ಹಾಗೂ ಸ್ವಂತ ವಾಹನದಲ್ಲಿ ಓಡಾಡಬೇಕಿದೆ. ಈ ಹಿನ್ನೆಲೆಯಲ್ಲಿ ಬೆಂಗಳೂರಿನ ಕ್ರೈಂ ರೇಟ್ ಹೆಚ್ಚಳವಾಗುತ್ತಿದೆಯಂತೆ. ಖಾಸಗಿ ವಾಹನಗಳನ್ನು ಅಡ್ಡಗಟ್ಟಿ ದರೋಡೆ, ವಸೂಲಿ ಮಾಡೋ ಪ್ರಕರಣಗಳೂ ಕೂಡ ಯತೇಚ್ಛವಾಗಿದೆ. ಒಂದ್ವೇಳೆ ಎಲ್ಲಾ ಕಡೆಗಳಿಗೂ ಬಸ್ ಸೇವೆ ಇದ್ದಿದ್ರೆ ಇಂಥಾ ಅಪರಾಧ ಚಟುವಟಿಕೆಗಳಿಗೆ ಬ್ರೇಕ್ ಹಾಕಬಹುದು.
![](https://pratidhvani.com/wp-content/uploads/2022/10/Jaskiran_Inside-the-Bus-768x576-1.jpg)
ಹದಗೆಟ್ಟ ಬೆಂಗಳೂರಿನ ಸಾರಿಗೆ ವ್ಯವಸ್ಥೆ ?
• ಪ್ರತಿ ದಿನ 35 ಲಕ್ಷ ಮಂದಿಯಿಂದ BMTC ಬಳಕೆ
• ಆದರೆ BMTC ಇಂದ ಸೇವೆ ಒದಗಿಸುತ್ತಿರುವ ಬಸ್ ಗಳ ಸಂಖ್ಯೆ ಕೇವಲ 3000
• BMTC ಸಿಬ್ಬಂದಿಗಳಿಗೆ ನಿಗಮದ ಅಧಿಕಾರಿಗಳಿಂದ ಮಾನಸಿಕ ಕಿರುಕುಳ
• ಸಿಬ್ಬಂದಿಗಳಿಗೆ ಕಲೆಕ್ಷನ್ ವಿಚಾರವಾಗಿ ಟಾರ್ಗೆಟ್ ನೀಡಿ ಹಿಂಸೆ
• ವಿಶ್ರಾಂತಿ ಇಲ್ಲದೆ ಡಬಲ್ ಶಿಫ್ಟ್ ಕೆಲಸ ಮಾಡುತ್ತಿರುವ ಕೆಲ ಸಿಬ್ಬಂದಿಗಳು
• ಇದರಿಂದಾಗಿ ಹೃದಯ ಸಂಬಂಧಿ ಕಾಯಿಲೆ, ಮಾನಸಿಕವಾಗಿ ಕುಗ್ಗಿರುವ ಸಿಬ್ಬಂದಿಗಳು
![](https://pratidhvani.com/wp-content/uploads/2022/10/80640189-1024x768.jpg)
• ಈ ಬಗ್ಗೆ ಇತ್ತೀಚೆಗೆ ಜಯದೇವ ಆಸ್ಪತ್ರೆಯಲ್ಲಿ ನಡೆದಿದ್ದ ಸರ್ವೇ
• 1000 ಸಿಬ್ಬಂದಿಗಳ ಪೈಕಿ 500 ಮಂದಿ ಎಂದರೆ ಸರಾಸರಿ 50% ಸಿಬ್ಬಂದಿಗಳಲ್ಲಿ ಸಮಸ್ಯೆ
• ನಗರದ ಎಲ್ಲಾ ಜಾಗಗಳಿಗೂ BMTC ಇಂದ ನಿಗದಿತ ಸೇವೆ ಇಲ್ಲ
• ಇದರಿಂದಾಗಿ ಖಾಸಗಿ & ಸ್ವಂತ ವಾಹನ ಅವಲಂಬಿಸಿರುವ ಜನರು
• ಇದು ದರೋಡೆ, ವಸೂಲಿಯಂಥಾ ಕ್ರೈಂ ಚಟುವಟಿಕೆಗಳಿಗೆ ದಾರಿ
• ಇನ್ನೂ ಕೂಡ ಡಕೋಟ ಬಸ್ ಗಳಿಂದಲೇ ಜನರಿಗೆ ಸೇವೆ
• ಇದರಿಂದಾಗಿ ಬೆಂಗಳೂರು ಹೊರ ವಲಯದ ಪ್ರಯಾಣಿಕರಿಗೆ ತೊಂದರೆ
• ಹಳಯೆ ಬಸ್ ಗಳು ರಸ್ತೆಗೆ ಇಳಿಯುತ್ತಿರುವುದರಿಂದ ವಾಯು ಮಾಲಿನ್ಯ ಹೆಚ್ಚಳ
ಹೀಗೆ ನೂರೆಂಟು ಕಾರಣಗಳಿಂದ ಬೆಂಗಳೂರಿನ ಸಾರಿಗೆ ವ್ಯವಸ್ಥೆ ಹಾಳಾಗುತ್ತಿದೆ. ಇದರ ಭಾಗವಾಗಿ ಗ್ರೀನ್ ಪೀಸ್ ಎನ್ನುವ ಸಂಸ್ಥೆ ಇಂದು ನಗರದ ವಿಲ್ಸನ್ ಗಾರ್ಡನ್ ನಲ್ಲಿರುವ ಖಾಸಗಿ ಹೋಟೆಲ್ ನಲ್ಲಿ ಬಸ್ಸು ನಮ್ಮ ಬಾಸ್ಸು ಎಂಬ ಶೀರ್ಷಿಕೆ ಅಡಿಯಲ್ಲಿ ಸಂವಾದ ನಡೆಸಿದರು. ಇದರಲ್ಲಿ ಒಂದಿಷ್ಟು NGO ಗಳು ಇತರೆ ಸಂಘ ಸಂಸ್ಥೆಗಳು ಸಂವಾದ ನಡೆಸಿದ್ದು, ಇದರ ಬಗ್ಗೆ ಸಂಬಂಧಪಟ್ಟ ಅಧಿಕಾರಿಗಳ ಗಮನ ಸೆಳೆಯುವ ಪ್ರಯತ್ನಕ್ಕೆ ಮುಂದಾಗಿದ್ದಾರೆ.
ಒಟ್ಟಾರೆ ದಿನದಿಂದ ದಿನಕ್ಕೆ ಅಭಿವೃದ್ಧಿ ಕಾಣುತ್ತಿರುವ ಬೆಂಗಳೂರು ಇತ್ತೀಚೆಗೆ ಹಲವು ವಿಚಾರವಾಗಿ ಸುದ್ದಿಯಾಗುತ್ತಿದೆ. ಇದೀಗ ಸಾರಿಗೆ ವ್ಯವಸ್ಥೆಯೂ ಹದಗೆಡುತ್ತಿದ್ದು, ಜನರೇ ಈ ಬಗ್ಗೆ ಕಾಳಜಿಯಿಂದ ಮುತವರ್ಜಿ ವಹಿಸಲು ಮುಂದಾಗಿದ್ದಾರೆ. ಇಷ್ಟಾದರೂ BMTC ನಿಗಮದ ಅಧಿಕಾರಿಗಳು ಗಾಢ ನಿದ್ದೆಯಿಂದ ಮಾತ್ರ ಎದ್ದಿಲ್ಲ.
ReplyForward |