ಇದೇ ಮೊದಲ ಬಾರಿ ಕಾಮನ್ ವೆಲ್ತ್ ಕ್ರೀಡಾಕೂಟಕ್ಕೆ ಸೇರ್ಪಡೆಯಾಗಿರುವ ವನಿತೆಯರ ಕ್ರಿಕೆಟ್ ಗೆ ಪ್ರಕಟಿಸಲಾದ ಭಾರತ ತಂಡವನ್ನು ಹರ್ಮನ್ ಪ್ರೀತ್ ಕೌರ್ ಮುನ್ನಡೆಸಲಿದ್ದಾರೆ.
ಬರ್ಮಿಂಗ್ ಹ್ಯಾಂನಲ್ಲಿ ಜುಲೈ 29ರಿಂದ ಕಾಮನ್ ವೆಲ್ತ್ ಕ್ರೀಡಾಕೂಟ ಆರಂಭವಾಗಲಿದ್ದು, ಆರಂಭಿಕ ಆಟಗಾರ್ತಿ ಸ್ಮೃತಿ ಮಂದಾನ ಉಪನಾಯಕಿಯಾಗಿ ನೇಮಕಗೊಂಡಿದ್ದಾರೆ.
ಭಾರತ ಎ ಗುಂಪಿನಲ್ಲಿ ಆಸ್ಟ್ರೇಲಿಯಾ, ಬಾರ್ಬಡಾಸ್ ಮತ್ತು ಪಾಕಿಸ್ತಾನ ತಂಡಗಳ ಜೊತೆ ಸ್ಥಾನ ಪಡೆದಿದ್ದರೆ, ಬಿ ಗುಂಪಿನಲ್ಲಿ ಶ್ರೀಲಂಕಾ, ಇಂಗ್ಲೆಂಡ್ ಮತ್ತು ನ್ಯೂಜಿಲೆಂಡ್ ತಂಡಗಳು ಸ್ಥಾನ ಗಳಿಸಿವೆ.
ಜುಲೈ 29ರಂದು ನಡೆಯುವ ಮೊದಲ ಪಂದ್ಯದಲ್ಲಿ ಆಸ್ಟ್ರೇಲಿಯಾ ತಂಡವನ್ನು ಭಾರತ ವನಿತೆಯರು ಎದುರಿಸಲಿದ್ದಾರೆ. ಆಗಸ್ಟ್ 7ರಂದು ಚಿನ್ನದ ಪದಕಕ್ಕಾಗಿ ಪಂದ್ಯ ನಡೆಯಲಿದೆ.
ಭಾರತ ವನಿತೆಯರ ತಂಡ: ಹರ್ಮನ್ ಪ್ರೀತ್ ಕೌರ್ (ನಾಯಕಿ), ಸ್ಮೃತಿ ಮಂದಾನ (ಉಪನಾಯಕಿ), ಶೆಫಾಲಿ ಶರ್ಮ, ಮೇಘನಾ, ತಾನಿಯಾ ಸಪ್ನಾ ಭಾಟಿಯಾ (ವಿ.ಕೀ.), ಯಸ್ತಿಕಾ ಭಾಟಿಯಾ (ವಿ.ಕೀ.), ದೀಪ್ತಿ ಶರ್ಮ, ರಾಜೇಶ್ವರಿ ಗಾಯಕ್ವಾಡ್, ಪೂಜಾ ವಸ್ತ್ರಾಕರ್, ಮೇಘನಾ ಸಿಂಗ್, ರೇಣುಕಾ ಥಾಕೂರ್, ಜೆಮಿಮಾ ರೋಡ್ರಿಗಜ್, ರಾಧ ಯಾದವ್, ಹರ್ಲಿನ್ ಡಿಯೊಲ್, ಸ್ನೇಹ್ ರಾಣಾ.