ಸ್ಯಾಂಡಲ್ವುಡ್(sandalwood) ನಟ ರಿಷಬ್ ಶೆಟ್ಟಿ(rishab shetty) ನಟಿಸಿ, ನಿರ್ದೇಶಿಸಿದ್ದ ʻಕಾಂತಾರʼ(kantara) ಸಿನಿಮಾ, ವಿಶ್ವದಾದ್ಯಂತ ಬಿಡುಗಡೆಯಾಗಿ ಯಶ್ವಸಿ ಪ್ರದರ್ಶನ ಕಂಡಿತ್ತು. ಇದೀಗ ʻಕಾಂತಾರ 2ʼ ಚಿತ್ರದ ಸ್ಕ್ರಿಪ್ಟ್ ಕೆಲಸ ಬಹುತೇಕ ಪೂರ್ಣಗೊಂಡಿದೆ ಎನ್ನಲಾಗ್ತಿದೆ.
![](https://pratidhvani.com/wp-content/uploads/2023/05/1304310907_kantara_1280_720-1024x576.webp)
‘ಕಾಂತಾರ’ ಸೌತ್ ಸಿನಿಮಾ ಇಂಡಸ್ಟ್ರಿ ರೇಂಜ್ ಅನ್ನು ಪ್ಯಾನ್ ಇಂಡಿಯಾ ಮಟ್ಟಕ್ಕೆ ಕೊಂಡೊಯ್ದ ಅದ್ಭುತ ಚಿತ್ರ. ರಿಷಬ್ ಶೆಟ್ಟಿ ಸ್ವಯಂ ನಿರ್ದೇಶಿಸಿ, ನಟಿಸಿ ಸೈ ಎನಿಸಿಕೊಂಡ ಸಿನಿಮಾವಿದು. ಅದ್ಭುತ ಕಥೆಯೊಂದಿಗೆ ಪ್ರತಿ ಪಾತ್ರವನ್ನೂ ಸುಂದರವಾಗಿ, ಅಚ್ಚುಕಟ್ಟಾಗಿ ಕಟ್ಟಿಕೊಟ್ಟಿದ್ದಾರೆ. ಈ ಅಂಶಗಳು ಚಿತ್ರಕ್ಕೆ ದೊಡ್ಡ ಪ್ಲಸ್ ಪಾಯಿಂಟ್ ಆದವು.
![](https://pratidhvani.com/wp-content/uploads/2023/05/Rishab-Shetty-photo.webp)
ಹೊಂಬಾಳೆ ಫಿಲ್ಮ್ಸ್(hombale films) ನಿರ್ಮಾಣದ ʻಕಾಂತಾರʼ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ಬ್ಲಾಕ್ ಬಸ್ಟರ್ ಹಿಟ್ ಆಯ್ತು. ಕನ್ನಡ ಅಲ್ಲದೇ ತೆಲುಗು, ತಮಿಳು, ಹಿಂದಿ, ಮಲಯಾಳಂ ಮತ್ತು ತುಳು ಭಾಷೆಗಳಲ್ಲಿ ಬಿಡುಗಡೆಯಾಗಿ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿತ್ತು.
![](https://pratidhvani.com/wp-content/uploads/2023/05/kantara-makers-hombale-films-announce-start-of-work-for-prequel-01-1024x538.jpg)
ʻಕಾಂತಾರ 2ʼ (kantara 2) ಕುರಿತ ಅಪ್ಡೇಟ್ಗೆ ಅಭಿಮಾನಿಗಳು ಕಾತರರಾಗಿದ್ದರು. ಇದೀಗ ಸಿನಿಪ್ರಿಯರಿಗೊಂದು ಗುಡ್ನ್ಯೂಸ್ ಸಿಕ್ಕಿದೆ. ಪ್ರೀಕ್ವೆಲ್ ತಯಾರಿ ಆರಂಭಿಸಿರುವ ಚಿತ್ರತಂಡ ಸಿನಿಮಾದ ಸ್ಕ್ರಿಪ್ಟ್ನ ಫೈನಲ್ ಡ್ರಾಫ್ಟ್ ರೆಡಿ ಮಾಡಿದೆ.
![](https://pratidhvani.com/wp-content/uploads/2023/05/Rishab-Shetty-begins-writing-for-Kantara-21679492451025-1024x576.jpg)
ಈ ಸುದ್ದಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ನೆಟಿಜನ್ಗಳು ಪ್ರೀಕ್ವೆಲ್ ಕಥೆಯನ್ನು ಊಹಿಸಿ ಪೋಸ್ಟ್ ಮಾಡುತ್ತಿದ್ದಾರೆ. ರಿಷಬ್ ಮತ್ತು ಚಿತ್ರತಂಡ(film team) ಅಂತಿಮ ಡ್ರಾಫ್ಟ್ನಿಂದ ತೃಪ್ತರಾಗಿದ್ದಾರೆ ಎಂದು ವರದಿಯಾಗಿದೆ. ಮತ್ತೊಮ್ಮೆ ಈ ಕಥೆ ಕಡೆಗೆ ಕಣ್ಣು ಹಾಯಿಸಿ, ಫೈನಲ್ ಮಾಡಲಿದ್ದಾರೆ.