ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿನ ಬಿ ಖಾತಾ ಆಸ್ತಿ ಮಾಲೀಕರಿಗೆ ಪಾಲಿಕೆ ಗುಡ್ ನ್ಯೂಸ್ ನಿಡಲು ಸಿದ್ಧವಾಗಿದೆ. ಸರ್ಕಾರದ ಗ್ರೀನ್ ಸಿಗ್ನಲ್ ಗೆ ಕಾಯುತ್ತಿರುವ ಪಾಲಿಕೆ, ಸುಧಾರಣಾ ಶುಲ್ಕ ಪಾವತಿಸಿಕೊಂಡು ಬಿ ಖಾತಾ ಇರುವವರಿಗೆ ಎ ಖಾತಾ ನೀಡಲು ನಿರ್ಧರಿಸಿದೆ.
ನಗರದಲ್ಲಿ ಪಾಲಿಕೆ ವ್ಯಾಪ್ತಿಯಲ್ಲಿನ ಬಿ ಖಾತಾ ಸ್ವತ್ತುಗಳನ್ನ ಎ ಖಾತಾಗೆ ಬದಲಾಯಿಸಲು ಪಾಲಿಕೆ ನಿರ್ಧರಿಸಿದೆ. ಬಿಬಿಎಂಪಿ ವ್ಯಾಪ್ತಿಯಲ್ಲಿ ಸದ್ಯ 6.16 ಲಕ್ಷ ಸ್ವತ್ತುಗಳು ಬಿ ಖಾತದಲ್ಲಿವೆ. ಬಿ ಯಿಂದ ಎ ಖಾತಾಗೆ ಸ್ವತ್ತುಗಳು ವರ್ಗಾವಣೆಗೊಂಡರೆ ಪಾಲಿಕೆಗೆ ಆದಾಯ ಕೂಡ ಹೆಚ್ಚಾಗಲಿದ್ದು ಇದರಿಂದ ಬಿಬಿಎಂಪಿಗೆ 2,500 ಕೋಟಿಗೂ ಅಧಿಕ ಆದಾಯದ ನಿರೀಕ್ಷೆಯಿದೆ. ಬಿ ಖಾತದಿಂದ ಎ ಖಾತಾ ನೀಡುವ ಸಂಬಂಧ ಶೀಘ್ರವೇ ಸರ್ಕಾರದಿಂದ ಮಾನದಂಡ ಪಟ್ಟಿ ಬಿಡುಗಡೆ ಆಗಲಿದ್ದು, ಬಿಬಿಎಂಪಿ ಚುನಾವಣೆಗೂ ಮೊದಲೇ ಖಾತಾ ವರ್ಗಾವಣೆ ಆರಂಭವಾಗಲಿದೆ. ಪಾಲಿಕೆಯ ಕೇಂದ್ರ ಭಾಗದಲ್ಲಿ ಚದರ ಮೀಟರ್ ಗೆ 200 ಹಾಗೂ ಹೊರ ವಲಯದಲ್ಲಿ 250 ರೂಪಾಯಿ ನಿಗಧಿ ಸಾಧ್ಯತೆ ಇದೆ. ಈ ದರ ನಿಗದಿಯಾದರೆ ನಗರದ ಒಳಗೆ 30*40 ಸೈಟ್ ಗೆ 22 ಸಾವಿರ ಹಾಗೂ ಹೊರ ಭಾಗದಲ್ಲಿ 27 ಸಾವಿರ ಶುಲ್ಕ ನಿಗದಿಯಾಗಲಿದೆ. ಈ ಸಂಬಂಧ ಪ್ರತಿಕ್ರಿಯೆ ನೀಡಿರುವ ಬಿಬಿಎಂಪಿ ಮುಖ್ಯ ಆಯುಕ್ತ ಗೌರವ್ ಗುಪ್ತ, ಈ ಸಂಬಂಧ ಸರ್ಕಾರದ ಮಟ್ಟದಲ್ಲಿ ಚರ್ಚೆ ನಡೆಯುತ್ತಿದೆ, ಸರ್ಕಾರದಿಂದ ಸ್ಪಷ್ಟ ಆದೇಶ ಬಂದ ನಂತರ ನಮ್ಮ ಅಧಿಕಾರಿಗಳಿಗೆ ನಿರ್ದೇಶನ ಕೊಡುತ್ತೆವೆ, ಬಿ ಖಾತಾ ಇರುವ ಒಟ್ಟು ಆಸ್ತಿಗಳು 6 ಲಕ್ಷಕ್ಕೂ ಅಧಿಕ ಇದ್ದು ಅವುಗಳನ್ನ ಪರಿವರ್ತನೆ ಮಾಡುವ ದಿಕ್ಕಿನಲ್ಲಿ ಕ್ರಮ ಕೈಗೊಳ್ಳಲಾಗುತ್ತಿದ್ದು, ಸರ್ಕಾರದಿಂದ ಆದೇಶ ಬಂದ ನಂತರ ಆದಾಯ, ದಾಖಲೆ ಬಗ್ಗೆ ಪರಿಶೀಲನೆ ಮಾಡಲು ಅಧಿಕಾರಿಗಳಿಗೆ ಸೂಚನೆ ನೀಡಲಾಗುತ್ತದೆ ಎಂದಿದ್ದಾರೆ.
ಈ ಬಗ್ಗೆ ಬಿಬಿಎಂಪಿ ಮುಖ್ಯ ಆಯುಕ್ತ ಗೌರವ ಗುಪ್ತ ಪ್ರತಿಕ್ರಿಯೆ ನೀಡಿದ್ದು, ಈ ಸಂಬಂಧ ಚಿಂತನೆ ನಡೆಯುತ್ತಿದೆ. ಸರ್ಕಾರದ ಮಟ್ಟದಲ್ಲಿ ಹಲವು ಸಭೆ ಆಗಿದೆ. ಸ್ಪಷ್ಟವಾದ ಆದೇಶ ಬಂದ ನಂತರ ನಮ್ಮ ಅಧಿಕಾರಿಗಳಿಗೆ ನಿರ್ದೇಶನ ಕೊಡುತ್ತೆವೆ. ಬಿ ಖಾತಾ ಇರುವ ಒಟ್ಟು ಆಸ್ತಿಗಳು 6 ಲಕ್ಷಕ್ಕೂ ಅಧಿಕ ಇದೆ ಪಾಲಿಕೆ ವ್ಯಾಪ್ತಿಯಲ್ಲಿ. ಅವುಗಳನ್ನ ಪರಿವರ್ತನೆ ಮಾಡುವ ದಿಕ್ಕಿನಲ್ಲಿ ಕ್ರಮ ಕೈಗೊಳ್ಳಲಾಗಿದೆ. ಆಸ್ತಿಯ ಮೌಲ್ಯ, ಜಾಗದ ಆಧಾರದ ಮೇಲೆ ಎಲ್ಲವೂ ನಿರ್ಧಾರ ಆಗಿರತ್ತೆ. ಸರ್ಕಾರದಿಂದ ಆದೇಶ ಬಂದ ನಂತರ ಆದಾಯ, ದಾಖಲೆ ಬಗ್ಗೆ ಪರಿಶೀಲನೆ ಮಾಡಲು ಅಧಿಕಾರಿಗಳಿಗೆ ಹೇಳುತ್ತೆವೆ ಎಂದರು.
ಪಾಲಿಕೆ ನಿರ್ಧರಿಸಿರುವ ಹಾಗೆ ಬಿ ಖಾತದಿಂದ ಎ ಖಾತ ಮಾಡುವುದರಿಂದ ಅಕ್ರಮ ಕಟ್ಟಡ ತಡೆಗಟ್ಟಲು ಸಹಾಯವಾಗುತ್ತದೆ. ಬಿ ಖಾತ ಸ್ವತ್ತಿನಲ್ಲಿ ಮನೆ ಅಥವಾ ಕಟ್ಟಡ ನಿರ್ಮಾಣಕ್ಕೆ ನಕ್ಷೆ ಮಂಜೂರಾತಿ ಕಡ್ಡಾಯವಲ್ಲ. ಎ ಖಾತಾ ಮಾಡಿದರೆ ನಿಗದಿ ಮಾಡಿದ್ದಕ್ಕಿಂತ ಅಧಿಕ ಅಂತಸ್ತು ನಿರ್ಮಾಣಕ್ಕೆ ಕಡಿವಾಣ ಬೀಳಲಿದೆ. 30*40 ಸ್ವತ್ತಿನಲ್ಲಿ ಗ್ರೌಂಡ್ ಫ್ಲೋರ್ ಸೇರಿದಂತೆ ಮೂರು ಅಂತಸ್ತಿಗೆ ಮಾತ್ರ ಅವಕಾಶ. ಆದರೆ ನಗರದಲ್ಲಿ 30*40 ಸೈಟ್ ನಲ್ಲಿ ಅದಕ್ಕೂ ಮೀರಿದ ಅಂತಸ್ತುಗಳ ಕಟ್ಟಡ ನಿರ್ಮಾಣ ಮಾಡಲಾಗಿದ್ದು, ಬಿ ಖಾತ ಸ್ವತ್ತು ಎ ಖಾತ ವ್ಯಾಪ್ತಿಗೆ ಒಳಪಟ್ಟರೆ ಸ್ವತ್ತಿನ ಮಾಲೀಕರಿಗೂ ಅನುಕೂಲವಾಗಲಿದೆ. ಆದರೆ ಈ ಪ್ರಕ್ರಿಯೆಯಲ್ಲಿ ಪಾಲಿಕೆ ಅಧಿಕಾರಿಗಳು ಬಿಬಿಎಂಪಿಯ ಬೊಕ್ಕಸಕ್ಕೆ ನಷ್ಟ ಉಂಟು ಮಾಡದ ರೀತಿಯಲ್ಲಿ ಕಾರ್ಯ ನಿರ್ವಹಿಸಬೇಕಿದೆ.
ಒಟ್ಟಾರೆ ಪಾಲಿಕೆ ವ್ಯಾಪ್ತಿಯಲ್ಲಿನ ಅನಧಿಕೃತ ಕಟ್ಟಡಗಳಿಗೆ ಎ ಖಾತಾ ನೀಡಿ ಅಧಿಕೃತ ಮಾಡಲು ಪಾಲಿಕೆ ಮುಂದಾಗಿದ್ದು ಇದರಿಂದ ಬಿ ಖಾತಾ ಸ್ವತ್ತಿನ ಮಾಲಿಕರು ರಿಲ್ಯಾಕ್ಸ್ ಆಗಿದ್ದಾರೆ. ಆದ್ರೆ ಈ ಪ್ರಕ್ರಿಯೆ ಆರಂಭವಾದ ಬಳಿಕ ಇದನ್ನೆಲ್ಲಾ ಬಿಬಿಎಂಪಿ ಹೇಗೆ ನಿಭಾಯಿಸಿ, ನಿರ್ವಹಣೆ ಮಾಡಲಿದೆ ಅಂತಾ ಕಾದುನೋಡಬೇಕಿದೆ.
