ಬಿಗ್ ಬಾಸ್ ಕನ್ನಡ ಸೀಸನ್ 12ರಲ್ಲಿ ಈ ವಾರ ಫ್ಯಾಮಿಲಿ ವೀಕ್ ನಡೆಯುತ್ತಿದೆ. ಮಾರ್ಕ್ ಸಿನಿಮಾ ರಿಲೀಸ್ ಹಿನ್ನೆಲೆಯಲ್ಲಿ ಕಿಚ್ಚ ಸುದೀಪ್ ಈ ವಾರಾಂತ್ಯ ಸಂಚಿಕೆ ನಡೆಸಿಕೊಡದ ಕಾರಣ ಈ ವಾರ ಟಾಸ್ಕ್ಗಳಿಗೆ ಬ್ರೇಕ್ ಕೊಟ್ಟು ಸ್ಪರ್ಧಿಗಳು ಬಹು ದಿನಗಳಿಂದ ಕಾದಿದ್ದ, ಫ್ಯಾಮಿಲಿ ವೀಕ್ ನಡೆಸಲಾಗುತ್ತಿದೆ.
ನಿನ್ನೆಯ ಸಂಚಿಕೆಯಲ್ಲಿ ಮೊದಲು ರಾಶಿಕ ತಮ್ಮ ಹಾಗೂ ಅಮ್ಮ ಬಿಗ್ ಬಾಸ್ ಮನೆಯೊಳಗೆ ಬಂದರೆ, ಬಳಿಕ ಸೂರಜ್ ಅವರ ಅಮ್ಮ ಹಾಗೂ ಅಕ್ಕ ಎಂಟ್ರಿ ಕೊಟ್ಟಿದ್ದರು. ಈ ವೇಳೆ ಸೂರಜ್ ತಮ್ಮ ಬದುಕು ರೂಪಿಸಿದ ಅಕ್ಕ ಅಮ್ಮನ ತ್ಯಾಗದ ಬಗ್ಗೆ ನೆನಪಿಸಿಕೊಂಡು ಭಾವುಕರಾದರು. ಸೂರಜ್ ತಾಯಿ ಮಗ ಮಾಡಿದ ತುಂಟಾಟಗಳ ಬಗ್ಗೆ ಹೇಳಿಕೊಂಡು ಎಲ್ಲರನ್ನೂ ನಗಿಸಿದ್ದಾರೆ.
ಇನ್ನು ಸಂಚಿಕೆಯ ಕೊನೆಯಲ್ಲಿ ಧುನುಷ್ಗೆ ಫ್ಯಾಮಿಲಿ ನೋಡಲು ಅವಕಾಶ ಕೊಟ್ಟ ಬಿಗ್ ಬಾಸ್ ಹೆಂಡತಿ ಅಥವಾ ಅಮ್ಮ ಇಬ್ಬರಲ್ಲಿ ಒಬ್ಬರನ್ನು ಮಾತ್ರ ಭೇಟಿಯಾಗುವ ಆಯ್ಕೆ ನೀಡಿದರು. ಈ ವೇಳೆ ಧನುಷ್ ತಮ್ಮ ತಾಯಿಯನ್ನು ಆಯ್ಕೆ ಮಾಡಿಕೊಂಡು ಅಮ್ಮನನ್ನು ಭೇಟಿಯಾಗಿ ಭಾವುಕರಾದರು. ಧನುಷ್ ಪತ್ನಿ ಕಾಯುತ್ತಲೇ ಕುಳಿತಿದ್ದರು. ಇಂದಿನ ಸಂಚಿಕೆಯ ಪ್ರೋಮೋ ಈಗಾಗಲೇ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ಇಂದಿನ ಸಂಚಿಕೆಯಲ್ಲಿ ರಕ್ಷಿತಾ ಶೆಟ್ಟಿ ತಾಯಿ ಬಿಗ್ ಬಾಸ್ ಮನೆಗೆ ಬಂದಿದ್ದಾರೆ. ಮಗಳಿಗೆ ತಿಳಿ ಹೇಳಿರುವ ರಕ್ಷಿತಾ ತಾಯಿ, ಯಾರೊಂದಿಗೂ ಗಲಾಟೆ ಮಾಡಬೇಡ ಜಗಳ ಗಂಟಿ ಎಂದಿದ್ದಾರೆ. ಇನ್ನು ಈ ವೇಳೆ ಮನೆಯ ಇತರ ಸದಸ್ಯರ ಜೊತೆ ರಕ್ಷಿತಾ ತಾಯಿ ಮಾತನಾಡುವಾಗ ಧ್ರುವಂತ್, ರಕ್ಷಿತಾ ತಾಯಿ ಬಳಿ ಬೆತ್ತ ತರಬೇಕಿತ್ತು ಎಂದಿದ್ದಾರೆ. . ಆಗ ಗಿಲ್ಲಿ ಆ ಬೆತ್ತದಲ್ಲಿ ನಿನಗೆ ಹೊಡೆಯುತ್ತಿದ್ದರು ಎಂದು ಹಾಸ್ಯ ಚಟಾಕಿ ಹಾರಿಸಿದ್ದಾರೆ. ಈ ವೇಳೆ ಧ್ರುವಂತ್ ತಾವು ರಕ್ಷಿತಾ ಜೊತೆ ನಡೆದುಕೊಂಡ ರೀತಿಗೆ ರಕ್ಷಿತಾ ತಾಯಿ ಬಳಿ ಮನಸಾರೆ ಕ್ಷಮೆ ಕೇಳಿ ಕಾಲಿಗೆ ಬಿದ್ದಿದ್ದಾರೆ. ರಕ್ಷಿತಾ ಶೆಟ್ಟಿ ಹಾಗೂ ಧ್ರುವಂತ್ ಮಧ್ಯೆ ಆಗಾಗ ಮನಸ್ತಾಪಗಳು ಆಗುತ್ತಿದ್ದರೂ ಕೂಡ ಇಬ್ಬರೂ ಸೀಕ್ರೆಟ್ ರೂಮ್ನಲ್ಲಿ ಜೊತೆಯಲ್ಲಿ ಇದ್ದು ಬಂದ ಬಳಿಕ ಅಭಿಪ್ರಾಯಗಳು ಬದಲಾದಂತೆ ಕಾಣುತ್ತಿದೆ.
