ಕರ್ನಾಟಕದ (Karnataka) ಉಪ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ (Dk Shivakumar) ದೇಶದ 2ನೇ ಶ್ರೀಮಂತ ಸಚಿವ ಎಂದು ವರದಿಯೊಂದು ಉಲ್ಲೇಖ ಮಾಡಿದೆ. ಅಸೋಸಿಯೇಷನ್ ಫಾರ್ ಡೆಮಾಕ್ರಟಿಕ್ ರಿಫಾರ್ಮ್ಸ್ (ಎಡಿಆರ್) ಈ ಬಗ್ಗೆ ವರದಿ ಮಾಡಿದ್ದು, ಡಿಕೆಶಿ ಭಾರತದ ಅತಿ ಶ್ರೀಮೆಂತ ಸಚಿವರ ಪೈಕಿ ಎರಡನೇ ಸ್ಥಾನದಲ್ಲಿದ್ದಾರೆ ಎಂದು ಹೇಳಿದೆ.
ಚುನಾವಣಾ ಆಯೋಗಕ್ಕೆ ರಾಜಕಾರಣಿಗಳು ಸಲ್ಲಿರುವ ಆಸ್ತಿ ವಿವರಗಳ ಅನ್ವಯ, ರಾಜ್ಯ ವಿಧಾನಸಭೆಗಳು, ಕೇಂದ್ರಾಡಳಿತ ಪ್ರದೇಶಗಳು ಮತ್ತು ಕೇಂದ್ರ ಸಚಿವರು ಸಲ್ಲಿಸಿದ್ದ ಪ್ರಮಾಣ ಪತ್ರಗಳನ್ನು ವಿಶ್ಲೀಷಿಸಿ (ಎಡಿಆರ್) ಅಸೋಸಿಯೇಷನ್ ಫಾರ್ ಡೆಮಾಕ್ರಟಿಕ್ ರಿಫಾರ್ಮ್ಸ್ ಸೆಪ್ಟೆಂಬರ್ 2 ರಂದು ಈ ವರದಿ ಬಿಡುಗಡೆ ಮಾಡಿದೆ.
27 ವಿಧಾನಸಭೆಗಳು, 3 ಕೇಂದ್ರಾಡಳಿತ ಪ್ರದೇಶಗಳು ಮತ್ತು ಕೇಂದ್ರದ 652 ಸಚಿವರ ಪೈಕಿ 643 ಸಲ್ಲಿಸಿರುವ ಪ್ರಮಾಣ ಪತ್ರಗಳನ್ನು ವಿಶ್ಲೀಷಿಸಲಾಗಿದೆ. ಈ ಪ್ರಕಾರ ಕರ್ನಾಟಕದಲ್ಲಿ ನೂರು ಕೋಟಿಗಿಂತಲೂ ಹೆಚ್ಚು ಅಸ್ತಿ ಇರುವ 8 ಸಚಿವರು ಇರೋದು ವಿಶೇಷವಾಗಿದೆ.
ಕರ್ನಾಟಕದ ನಂತರ ಸ್ಥಾನದಲ್ಲಿ ಆಂದ್ರಪ್ರದೇಶ ರಾಜ್ಯವಿದೆ.
643 ಸಚಿವರ ಪೈಕಿ 302 ಮಂದಿ (ಶೇ. 47) ಕ್ರಿಮಿನಲ್ ಪ್ರಕರಣಗಳಿವೆ. 174 ಸಚಿವರ ವಿರುದ್ಧ (ಶೇ. 27) ಗಂಭೀರ ಅಪರಾಧ ಪ್ರಕರಣಗಳಿವೆ.ಈ ಸಚಿವರು ಕೊಲೆ , ಕೊಲೆ ಯತ್ನ , ಅಪಹರಣ, ಮಹಿಳೆಯರ ವಿರುದ್ಧದ ಅಪರಾಧಗಳು ಸೇರಿದಂತೆ ಗಂಭೀರ ಪ್ರಕರಣಗಳಲ್ಲಿ ಭಾಗಿಯಾಗಿದ್ದಾರೆ. ಕೇಂದ್ರ ಸಚಿವ ಸಂಪುಟದ 72ರಲ್ಲಿ , 29(ಶೇ. 40) ಮಂದಿ ವಿರುದ್ಧ ಪ್ರಕರಣಗಳಿವೆ.
ಇನ್ನು ದೇಶದ ಟಾಪ್ 5 ಶ್ರೀಮಂತ ಸಚಿವರ ಪಟ್ಟಿ ಹೀಗಿದೆ.
1.ಚಂದ್ರಶೇಖರ ಪೆಮ್ಮಸಾನಿ ಟಿಡಿಪಿ -5,705 ಕೋಟಿ ರೂಪಾಯಿ ಆಸ್ತಿ ಹೊಂದಿದ್ದಾರೆ.
2.ಡಿಕೆ ಶಿವಕುಮಾರ್ (ಕಾಂಗ್ರೆಸ್) – 1,413 ಕೋಟಿ ಆಸ್ತಿ ಹೊಂದಿದ್ದರೆ, ಚಂದ್ರಬಾಬು ನಾಯ್ಡು (ಟಿಡಿಪಿ), 971 ಕೋಟಿ, ನಾರಾಯಣ ಪೊಂಗೂರು (ಟಿಡಿಪಿ)
824 ಕೋಟಿ, ಸುರೇಶ್ ಬಿ.ಎಸ್. ( ಕಾಂಗ್ರೆಸ್) 648 ಕೋಟಿ ಆಸ್ತಿ ಹೊಂದಿದ್ದಾರೆ.
