ನವ ರಾಮನಗರ ನಿರ್ಮಾಣವೇ ನನ್ನ ಸಂಕಲ್ಪ : ನೂತನ ಶಾಸಕ ಇಕ್ಬಾಲ್​ ಹುಸೇನ್​

ರಾಮನಗರ :ಕಳೆದ 25 ವರ್ಷಗಳಿಂದ ಅಭಿವೃದ್ಧಿಯಾಗಿ ಹಾಗೆ ಉಳಿದಿರುವ ಕ್ಷೇತ್ರವನ್ನು ಮುಂದೇ ತರುವುದು ನನ್ನ ಗುರಿ ಅಂತಾ ರಾಮನಗರ ನೂತನ ಶಾಸಕ ಇಕ್ಬಾಲ್​ ಹುಸೇನ್​ ಹೇಳಿದ್ದಾರೆ. ನಾನು ಪ್ರಮಾಣ ವಚನ ಸ್ವೀಕರಿಸಿದ್ದೇನೆ. ಕ್ಷೇತ್ರದಲ್ಲಿರುವ ಅನೇಕ ಸಮಸ್ಯೆಗಳನ್ನು ಹಂತ ಹಂತವಾಗಿ ಸರಿಪಡಿಸುತ್ತೇನೆ ಎಂದು ಹೇಳಿದ್ದಾರೆ.

ADVERTISEMENT

ಕ್ಷೇತ್ರದ ಜನತೆಯ ಸೂರು, ನೀರಿನ ಸೌಕರ್ಯಗಳಿಗೆ ಆದ್ಯತೆ ಸೇರಿದಂತೆ ಯುವಕರಿಗೆ ಉದ್ಯೋಗಾವಕಾಶ ಕಲ್ಪಿಸಲು ಯತ್ನಿಸುತ್ತೇನೆ . ನವ ರಾಮನಗರ ನಿರ್ಮಾಣಕ್ಕೆ ಎಲ್ಲಾ ರೀತಿಯಲ್ಲಿ ಸಂಕಲ್ಪ ಮಾಡುತ್ತೇನೆ . ನಾನು ಎಂದಿಗೂ ಲಂಚ ತೆಗೆದುಕೊಳ್ಳುವುದಿಲ್ಲ. ಅಧಿಕಾರದ ದಾಹ ನನಗೆ ಇಲ್ಲ ಎಂದಿದ್ದಾರೆ.

ನಾನು ಕ್ಷೇತ್ರದ ಜನತೆಗೆ ಗಿಫ್ಟ್​ ಕಾರ್ಡ್​ ನೀಡಿದ್ದೇನೆ. ಅದನ್ನು ತಿಂಗಳ ಒಳಗಾಗಿ ಪೂರೈಕೆ ಮಾಡುತ್ತೇನೆ. ಕ್ಷೇತ್ರದ ಜನರಿಗೆ ಗಿಫ್ಟ್​ ಕಾರ್ಡ್​ನಲ್ಲಿರುವ ಎಲ್ಲಾ ಸೌಕರ್ಯಗಳನ್ನು ನೀಡುತ್ತೇನೆ ಎಂದು ಹೇಳಿದ್ದಾರೆ.