ಚೆನೈ : ತಮಿಳುನಾಡು ಮುಖ್ಯಮಂತ್ರಿ ಜೋಸೆಫ್ ವಿಜಯ್ ವಿರುದ್ಧದ ವಿಶ್ವಾಸ ಮತಯಾಚನೆಯಲ್ಲಿ ಡಿಎಂಕೆಯ ವಿರೋಧದ ನಡುವೆಯೂ ಅಭೂತಪೂರ್ವ ಬೆಂಬಲ ಪಡೆದು ಗೆದ್ದಿದ್ದಾರೆ. ಟಿವಿಕೆಗೆ ಒಟ್ಟು 144 ಶಾಸಕರು ಬೆಂಬಲ ಸೂಚಿಸಿ ಮತ ಚಲಾಯಿಸಿದ್ದು, ಸದ್ಯಕ್ಕೆ ದಳಪತಿ ವಿಜಯ್ ಸರ್ಕಾರ ಸದ್ಯಕ್ಕೆ ಸುರಕ್ಷಿತವಾಗಿದೆ.
ಕಳೆದ ತಿಂಗಳ ಚುನಾವಣೆಯಲ್ಲಿ ತಮ್ಮ ತಮಿಳಗ ವೆಟ್ರಿ ಕಳಗಂ ಪಕ್ಷವನ್ನು ಗೆಲುವಿನತ್ತ ಕೊಂಡೊಯ್ಯುವ ಮೂಲಕ ತಮಿಳುನಾಡು ರಾಜಕೀಯವನ್ನು ಉತ್ತುಂಗಕ್ಕೇರಿಸಿದ ನಟ ವಿಜಯ್ ಅವರು ಅಧಿಕೃತವಾಗಿ ವಿಶ್ವಾಸಮತ ಸಾಬೀತುಪಡಿಸುವಲ್ಲಿ ಯಶಸ್ವಿಯಾದ ನಂತರ ಇನ್ನಷ್ಟು ಆತ್ಮವಿಶ್ವಾಸದಿಂದ ಇದ್ದಂತೆ ಕಂಡು ಬಂತು.
ಇದನ್ನೂ ಓದಿ : Breaking : ಹೃದಯಾಘಾತದಿಂದ ನಟ-ನಿರ್ಮಾಪಕ ದಿಲೀಪ್ ರಾಜ್ ನಿಧನ
ಟಿವಿಕೆ ಸರ್ಕಾರಕ್ಕೆ 144 ಶಾಸಕರು ಬೆಂಬಲ ನೀಡಿದರು. ವಿಪಕ್ಷ ದ್ರಾವಿಡ ಮುನ್ನೇತ್ರ ಕಳಗಂ (DMK) ವಿಧಾನಸಭೆಯ ಸಭಾತ್ಯಾಗ ಮಾಡಿದ್ದು, ಅಲ್ಲದೆ ಎಐಎಡಿಎಂಕೆಯ ಒಂದು ಬಣದ ನಾಯಕರು ಸದನಕ್ಕೆ ಗೈರಾಗಿದ್ದರು. ಪ್ರಮುಖವಾಗಿ ಮುಸ್ಲಿಂ ಲೀಗ್ನ 2 ಹಾಗೂ ಎಐಎಡಿಎಂಕೆಯ 25 ಶಾಸಕರು ನೂತನ ಸರ್ಕಾರಕ್ಕೆ ಬೆಂಬಲ ಘೋಷಿಸಿದ್ದಾರೆ. ಇನ್ನುಳಿದಂತೆ ಮೈತ್ರಿ ಪಕ್ಷಗಳಾದ ಕಾಂಗ್ರೆಸ್, ಎಡಪಕ್ಷಗಳು, ವಿಸಿಕೆಗಳು ಮತ ಚಲಾಯಿಸಿವೆ.
234 ಸದಸ್ಯ ಬಲದ ತಮಿಳುನಾಡು ವಿಧಾನಸಭೆಯಲ್ಲಿ ಈ ಬಾರಿ ಚುನಾವಣೆಯಲ್ಲಿ ಟಿವಿಕೆ 108 ಸ್ವಾನಗಳಲ್ಲಿ ಗೆದ್ದು ಬೀಗಿತ್ತು. ಆದರೆ ಬಹುಮತ ಸಾಬೀತಿಗೆ ಸಂಖ್ಯಾಬಲದ ಕೊರತೆಯಿಂದ ಟಿವಿಕೆ ಸಾಕಷ್ಟು ಸಂಕಷ್ಟಕ್ಕೆ ಸಿಲುಕಿತ್ತು. ಆದರೆ ಇದೀಗ ಬಹುಮತ ಸಾಬೀತಿಗೆ ಬೇಕಾಗಿದ್ದ 117 ಶಾಸಕರ ಬೆಂಬಲ ಮೀರಿ ವಿಜಯ್ ಸರ್ಕಾರ ಅಭೂತಪೂರ್ವ ಬೆಂಬಲ ಪಡೆದು ತಮಿಳುನಾಡಿನಲ್ಲಿ ರಾಜಕೀಯದಲ್ಲಿ ದಳಪತಿ ಮಿಂಚುತ್ತಿದ್ದಾರೆ.
ಸಿಎಂ ವಿಜಯ್ ಸರ್ಕಾರದ ವಿರುದ್ಧ 22 ಶಾಸಕರು ಮತ ಚಲಾವಣೆ ಮಾಡಿದ್ದಾರೆ. ಇನ್ನುಳಿದಂತೆ ಬಿಜೆಪಿಯ ಓರ್ವ ಶಾಸಕ, ಪಿಎಂಕೆಯ ನಾಲ್ವರು ಶಾಸಕರು ಸದನಕ್ಕೆ ಗೈರಾಗುವ ಮೂಲಕ ತಟಸ್ಥರಾಗಿದ್ದಾರೆ. ಹೀಗಾಗಿ ಇಷ್ಟು ದಿನಗಳ ಗೊಂದಲ ಹಾಗೂ ಸಮಸ್ಯೆಗಳು ದೂರವಾದಂತಾಗಿವೆ, ಈಗ ಸದ್ಯಕ್ಕೆ ವಿಜಯ್ ಸರ್ಕಾರ ಸೇಫ್ ಆದಂತಾಗಿದೆ.
