ಬೆಂಗಳೂರಿನ (Bangalore)ಚಿಕ್ಕಜಾಲ ಬಳಿ ಭಾರೀ ಆಗ್ನಿ ಅನಾಹುತ ಸಂಭವಿದೆ. ಈ ದುರಂತದಲ್ಲಿ ಬಟ್ಟೆ ಅಂಗಡಿ ಸಂಪೂರ್ಣ ಸುಟ್ಟು ಕರಕಲಾಗಿದೆ. ಇನ್ನು ಘಟನೆಗೆ ನಿಖರ ಕಾರಣ ತಿಳಿದು ಬಂದಿಲ್ಲ. ಸದ್ಯ ಸ್ಥಳದಲ್ಲಿ ಬಿಗುವಿನ ವಾತಾವರಣ ಮನೆ ಮಾಡಿದೆ.
![](https://pratidhvani.com/wp-content/uploads/2024/07/IMG_8581-1-1024x571.jpeg)
ಏರ್ಪೋರ್ಟ್ ರಸ್ತೆಯಲ್ಲಿ (Airport road)ಇರುವ ಪ್ರತಿಷ್ಠಿತ ಕಂಪನಿಯ ಬಟ್ಟೆ ಅಂಗಡಿಗೆ ಏಕಾಏಕಿ ಬೆಂಕಿ ವ್ಯಾಪಿಸಿದ್ದು, ಘಟನೆ ನಡೆದ ಸ್ಥಳಕ್ಕೆ ಮೂರು ಆಗ್ನಿ ಶಾಮಕ ದಳ (Fire engine) ದೌಡಾಯಿಸಿ ಬೆಂಕಿ ನಂದಿಸುವ ಕಾರ್ಯಕ್ಕೆ ಮುಂದಾಗಿದೆ. ಅಕ್ಕಪಕ್ಕದಲ್ಲಿ ಸಾಕಷ್ಟು ಕಟ್ಟಡಗಳಿರುವ ಕಾರಣ ಆದಷ್ಟು ಬೇಗ ಬೆಂಕಿ ನಂದಿಸಬೇಕಾದ ಸವಾಲು ಎದುರಾಗಿತ್ತು.
![](https://pratidhvani.com/wp-content/uploads/2024/07/IMG_8580-1-1024x562.jpeg)
ಸದ್ಯ ಬಹುತೇಕ ಬೆಂಕಿ ನಂದಿಸಿರುವ ಅಗ್ನಿಶಾಮಕ ದಳ ಪರಿಸ್ಥಿತಿಯನ್ನು ನಿಯಂತ್ರಿಸಿದ್ದು, ಅದೃಷ್ಟವಶಾತ್ ಅಂಗಡಿಯಲ್ಲಿ ಯಾವ ಸಿಬ್ಬಂದಿಯೂ ಇರಲಿಲ್ಲ. ಹೀಗಾಗಿ ಘಟನೆಯಲ್ಲಿ ಯಾವುದೇ ರೀತಿಯ ಪ್ರಾಣ ಅಪಾಯ ಸಂಭವಿಸಿಲ್ಲ.