ಸ್ಯಾಂಡಲ್ವುಡ್ ನಟ ಕಿಚ್ಚ ಸುದೀಪ್, ಈ ಬಾರಿ ವಿಧಾನಸಭಾ ಚುನಾವಣೆಯಲ್ಲಿ ಸಿಎಂ ಬಸವರಾಜ ಬೊಮ್ಮಾಯಿ ಪರ ಮತ ಪ್ರಚಾರ ಮಾಡುವುದಾಗಿ ಘೋಷಿಸಿದ್ದಾರೆ. ಈ ವಿಚಾರವಾಗಿ ಸಾಕಷ್ಟು ಪರ-ವಿರೋಧ ಚರ್ಚೆಗಳು ನಡೆಯುತ್ತಿವೆ.
![](https://pratidhvani.com/wp-content/uploads/2023/04/fa6a1d12-310f-4027-a4f7-7fd47e9857c1-1024x585.jpg)
ಬಹುಭಾಷಾ ನಟ ಪ್ರಕಾಶ್ ರಾಜ್ ಕೂಡ ಸರಣಿ ಟ್ವೀಟ್ಗಳನ್ನ ಮಾಡಿ ಸುದೀಪ್ ಬಗ್ಗೆ ಅಸಮಾಧಾನ ಹೊರಹಾಕಿದ್ದರು. ಇದೀಗ ಈ ಇಬ್ಬರು ನಟರಿಗೂ ನಟ ಚೇತನ್ ಅಹಿಂಸಾ ಟಾಂಗ್ ಕೊಟ್ಟಿದ್ದಾರೆ. “ಬಿಜೆಪಿಗೆ ಸುದೀಪ್ ನೀಡಿದ ಬೆಂಬಲದಿಂದ ಪ್ರಕಾಶ್ ರಾಜ್ರವರು ಆಶ್ಚರ್ಯ ಮತ್ತು ಆಘಾತಕ್ಕೊಳಗಾಗಿದ್ದಾರೆ. ಇದು ಕುತೂಹಲಕಾರಿ ವಿಷಯ.
![](https://pratidhvani.com/wp-content/uploads/2023/04/840b6165-dac4-41b9-a48b-f65f8cc87502-2-1024x576.jpg)
ಇಬ್ಬರು ಪ್ರತಿಭಾವಂತ ನಟರು, ಒಬ್ಬರು ಬಿಜೆಪಿ ಪರ ಮತ್ತು ಮತ್ತೊಬ್ಬರು ಬಿಜೆಪಿ ವಿರೋಧಿ. ಜೂಜಿನ ಜಾಹೀರಾತುಗಳ ಮೂಲಕ ಇಬ್ಬರು ಸಹ ಹೆಚ್ಚು ಹಣವನ್ನು ಗಳಿಸಿದ್ದಾರೆ. ನಾನು ಇಬ್ಬರ ನಿಲುವುಗಳು ಅಥವಾ ಸಿದ್ಧಾಂತಗಳನ್ನು ಒಪ್ಪದಿದ್ದರೂ, ಅಂತಹ ಪ್ರಶ್ನಾರ್ಹ ಸಂಪಾದನೆಯನ್ನು ಮೊದಲು ಯಾರು ಸದ್ಭಳಕೆಗೆ ಹಿಂದಿರುಗಿಸುತ್ತಾರೋ ಆ ವ್ಯಕ್ತಿ ಮೇಲುಗೈಯಾಗುತ್ತಾರೆ” ಅಂತ ಚೇತನ್ ಅಹಿಂಸಾ ಟ್ವೀಟ್ ಮಾಡಿದ್ದಾರೆ.
![](https://pratidhvani.com/wp-content/uploads/2023/04/chetan-ahimsa-1024x768.png)