ನಮ್ಮ ಪಕ್ಷದಲ್ಲಿ ಅಸಮಾಧಾನ ಇರೋದು ಸತ್ಯ : ಕೆಎಸ್‌ ಈಶ್ವರಪ್ಪ

ADVERTISEMENT

ನಾಲ್ಕೈದು ಜನರಿಗೆ ಅಸಮಾಧಾನ ಇದೆ, ನಾನು ಅಲ್ಲಗಳೆಯಲ್ಲ, ಆದರೆ ವಿಜಯೇಂದ್ರ ನಿನ್ನೆ ಎಲ್ಲ ನಾಯಕರನ್ನ ಕರೆದುಕೊಂಡು ಹೋಗುತ್ತೇವೆ ಎಂದು ಹೇಳಿರುವ ಹೇಳಿಕೆ ನಿಜಕ್ಕೂ ಒಳ್ಳೆಯದು ಎಂದು ಈಶ್ವರಪ್ಪ ಹೇಳಿದ್ದಾರೆ.

ಬಾಗಲಕೋಟೆಯಲ್ಲಿ ಮಾತನಾಡಿದ ಅವರು, ಕುಮಾರಸ್ವಾಮಿ ಅವರು, ಮೋದಿಯವರನ್ನು ಪ್ರಧಾನಿ ಮಾಡಲು, ರಾಜ್ಯದ ತುಂಬ ಓಡಾಡಿ ಕೆಲಸ ಮಾಡ್ತೇವೆ ಅಂತಾ ಹೇಳಿದ್ದಾರೆ. ಇದರ ಜೊತೆಗೆ ನನ್ನ ಮಗ ಹಾಗೂ ನಾನು ಚುನಾವಣೆಯಲ್ಲಿ ಸ್ಪರ್ದಿಸಲ್ಲ ಎಂದು ಕುಮಾರಸ್ವಾಮಿ ಹೇಳಿದ್ದಾರೆ. ಈ ಇಬ್ಬರು ನಾಯಕರ ಹೇಳಿಕೆ ಸಂತೋಷ ತಂದಿದ್ದು, ರಾಷ್ಟ್ರೀಯ ನಾಯಕರ ಭೇಟಿ ನಮಗೆ ಖುಷಿಯಾಗಿದೆ ಎಂದರು.

ಯತ್ನಾಳ್, ಸೊಮಣ್ಣ, ಅರವಿಂದ್ ಬೆಲ್ಲದ್ ಸೇರಿ ನಾಲ್ಕೈದು ಜನರಿಗೆ ಅಸಮಾಧಾನ ಇದೆ, ನಾನು ಅಲ್ಲಗಳೆಯಲ್ಲ, ಆದರೆ ವಿಜಯೇಂದ್ರ ನಿನ್ನೆ ಎಲ್ಲ ನಾಯಕರನ್ನ ಕರೆದುಕೊಂಡು ಹೋಗುತ್ತೇವೆ ಎಂದು ಹೇಳಿರುವ ಹೇಳಿಕೆ ನಿಜಕ್ಕೂ ಒಳ್ಳೆಯದ. ಆ ಮೂರು ನಾಯಕರೂ ನಮ್ಮವರೇ, ಸರಿಯಾಗುತ್ತೆ ಎಂದರು. ವಿಜಯೇಂದ್ರ ಎಲ್ಲ ಹಿರಿಯರನ್ನ ವಿಶ್ವಾಸ ತೆಗೆದುಕೊಂಡು ಯಾವ ಗೊಂದಲವಿಲ್ಲದೇ 28ಕ್ಕೆ 28 ಸ್ಥಾನವನ್ನ ಗೆಲ್ಲುವ ಆಶೀರ್ವಾದ ಸಿಕ್ಕಿದೆ ಎಂದು ಮಾಜಿ ಸಚಿವ ಕೆಎಸ್ ಈಶ್ವರಪ್ಪ ತಿಳಿಸಿದ್ದಾರೆ.

ಇದೇ ಸಮಯದಲ್ಲಿ ಮಲ್ಲಿಕಾರ್ಜುನ ಖರ್ಗೆ ಪಿಎಂ ಅಭ್ಯರ್ಥಿ ಎಂಬ ಇಂಡಿಯಾ ಒಕ್ಕೂಟಗಳ ಹೇಳಿಕೆ ಗೆ ಬಗ್ಗೆ ಮಾತನಾಡಿ, ಮಲ್ಲಿಕಾರ್ಜುನ ಖರ್ಗೆಯವರು, ಸಿದ್ದರಾಮಯ್ಯ ಕಣ್ಣು ಬಿಡುವ ಮುಂಚೆಯೇ ರಾಜಕಾರಣದಲ್ಲಿದ್ದವರು. ದಲಿತ ನಾಯಕನ ಬಗ್ಗೆ ಹೇಳುವವರು, ಆವಾಗಲೇ ಖರ್ಗೆ ಅವರನ್ನು ಯಾಕೆ ಸಿಎಂ ಮಾಡಲಿಲ್ಲ ಎಂದು ಪ್ರಶ್ನೆ ಮಾಡಿದ ಈಶ್ವರಪ್ಪನವರು, ಜಗಜೀವನ್ ರಾಮ್ ಸಂದರ್ಭದಲ್ಲಿ ಯಾಕೆ ಅವಕಾಶ ಕೊಡಲಿಲ್ಲ. ಕಾಂಗ್ರೆಸ್‌ನವರಿಗೆ ಹಿಂದುಳಿದ ದಲಿತರು ದಾಳ ಎಂದು ಟಾಂಗ್ ನೀಡಿದರು.

ಈಗ ಮೋದಿ ಪ್ರದಾನಿ ಆಗುತ್ತಾರೆ ಅಂತಾ, ಸೊಲುವ ಸಂದರ್ಭದಲ್ಲಿ ಖರ್ಗೆಯವರಿಗೆ ಪಿಎಂ ಅಭ್ಯರ್ಥಿ ಎಂದು ಹೊರಟಿದ್ದಾರೆ, ಮಮತಾ ಬ್ಯಾನರ್ಜಿ ಹಾಗೂ ಕೇಜ್ರಿವಾಲ್ ಮಾತ್ರ ಖರ್ಗೆ ಅವರ ಬಗ್ಗೆ ಹೇಳಿಕೆ ಕೊಟ್ಟಿದ್ದಾರೆ. ಕಾಂಗ್ರೆಸ್ ಒಬ್ಬ ನಾಯಕನೂ ಅವರ ಮಾತಿಗೆ ಬೆಂಬಲ ಕೊಡಲಿಲ್ಲ. ಸೋನಿಯಾ ಹಾಗೂ ರಾಹುಲ್ ಗಾಂಧಿ ಹೌದು ನಿಮ್ಮ ಮಾತು ಸರಿ ಇದೆ ಅಂತಾ ಒಪ್ಪಿಕೊಂಡಿದ್ದೀರಾ?, ಎಂದು ಪ್ರಶ್ನೆ ಮಾಡಿದ್ದಾರೆ.