ಬಿಗ್ಬಾಸ್ ಸೀಸನ್ 12ರಲ್ಲಿ ರನ್ನರ್ ಅಪ್ ಆಗಿ ಜನಮನ ಗೆದ್ದ ರಕ್ಷಿತಾ ಶೆಟ್ಟಿ ಇದೀಗ ಹೊಸ ಉದ್ಯಮಕ್ಕೆ ಕಾಲಿಟ್ಟಿದ್ದಾರೆ. ತಮ್ಮ ಊರಿನಲ್ಲಿ ‘ಪಟಾಕಿ ಕಿಚನ್’ ಎಂಬ ಅಡುಗೆ ಕೇಂದ್ರವನ್ನು ಆರಂಭಿಸಿ, ತಮ್ಮ ಕನಸನ್ನು ನನಸಾಗಿಸಿಕೊಂಡಿದ್ದಾರೆ.ನಟನೆ, ಸರಳ ಭಾಷೆ ಹಾಗೂ ಸಾಮಾಜಿಕ ಮಾಧ್ಯಮಗಳ ಮೂಲಕ ಜನಪ್ರಿಯತೆ ಪಡೆದ ರಕ್ಷಿತಾ, ಇದೇ ಹಿನ್ನೆಲೆ ಬಿಗ್ಬಾಸ್ಗೆ ಪ್ರವೇಶಿಸಿ ಗಮನಸೆಳೆದಿದ್ದರು. ಇದೀಗ ತಮ್ಮ ಯೂಟ್ಯೂಬ್ ಚಾನೆಲ್ ಮೂಲಕ ‘ಪಟಾಕಿ ಕಿಚನ್’ ಉದ್ಘಾಟನೆಯ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಈ ವೇಳೆ, “ಇನ್ನು ಮುಂದೆ ನಮ್ಮ ಕುಟುಂಬದ ಎಲ್ಲರೂ ಇಲ್ಲಿಯೇ ಅಡುಗೆ ಮಾಡುತ್ತೇವೆ” ಎಂದು ಅವರು ತಿಳಿಸಿದ್ದಾರೆ.
ಉದ್ಘಾಟನಾ ಸಮಾರಂಭಕ್ಕೆ ಬಿಗ್ಬಾಸ್ನ ಸಹಪಾಠಿ ರಘು ಕೂಡ ಆಗಮಿಸಿದ್ದು, ಇಬ್ಬರ ಸ್ನೇಹ ಮತ್ತೊಮ್ಮೆ ಗಮನ ಸೆಳೆದಿದೆ. ರಕ್ಷಿತಾ ಅವರು ರಘುವನ್ನು ತಮ್ಮ ಅಣ್ಣ ಎಂದು ಕರೆದು, ಬಿಗ್ಬಾಸ್ ಮನೆಯಲ್ಲಿ ಆರಂಭವಾದ ಸ್ನೇಹ ಈಗ ಮತ್ತಷ್ಟು ಗಟ್ಟಿಯಾಗಿರುವುದನ್ನು ತೋರಿಸಿದರು. ರಘು ಜೊತೆಗೂಡಿ ಟೇಪ್ ಕತ್ತರಿಸುವ ಮೂಲಕ ಕಿಚನ್ನ್ನು ಉದ್ಘಾಟಿಸಲಾಯಿತು.
https://youtube.com/live/c8_aL2bILIg
ವಿಶೇಷವೆಂದರೆ, ‘ಪಟಾಕಿ ಕಿಚನ್’ನಲ್ಲಿ ಮಣ್ಣಿನ ಪಾತ್ರೆಗಳು ಹಾಗೂ ನೈಸರ್ಗಿಕ ವಸ್ತುಗಳನ್ನು ಬಳಸಿ ಅಡುಗೆ ಮಾಡುವ ವ್ಯವಸ್ಥೆ ಮಾಡಲಾಗಿದೆ. ಮರದ ಹಲಗೆಗಳಿಂದ ನಿರ್ಮಿಸಲಾದ ಈ ಕಿಚನ್ ಗ್ರಾಮೀಣ ಸೊಗಡನ್ನು ಹೊತ್ತು ತರುತ್ತಿದೆ. ಮೊದಲ ಅಡುಗೆಯನ್ನು ರಘು ಮಾಡಿದ್ದು ಗಮನಾರ್ಹ.ಬಿಗ್ಬಾಸ್ ಮನೆಯಲ್ಲಿ ಇದ್ದಾಗಲೇ ಕಿಚನ್ ಆರಂಭಿಸುವ ಕನಸನ್ನು ವ್ಯಕ್ತಪಡಿಸಿದ್ದ ರಕ್ಷಿತಾ, ಇದೀಗ ಅದನ್ನು ಸಾಕಾರಗೊಳಿಸಿರುವುದು ಅವರ ಅಭಿಮಾನಿಗಳಿಂದ ಪ್ರಶಂಸೆಗೆ ಪಾತ್ರವಾಗಿದೆ.
