ಬೆಂಗಳೂರು : ಬಿಎಂಟಿಸಿ( BMTC)ವೋಲ್ವೋ ಬಸ್ ಕಂಡಕ್ಟರ್ ಯೋಗೇಶ್ ಗೆ ಪ್ರಯಾಣಿಕನೊಬ್ಬ ಚಾಕುವಿನಿಂದ ಇರಿದ ಘಟನೆ ವೈಟ್ ಫೀಲ್ಡ್ (White Field)ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಮಂಗಳವಾರ ಸಂಜೆ ನಡೆದಿದೆ.
45 ವರ್ಷದ ಕಂಡಕ್ಟರ್ ಯೋಗೇಶ್ ಗೆ 25 ವರ್ಷದ ಹರ್ಷ್ ಸಿನ್ಹಾ ಎಂಬ ವ್ಯಕ್ತಿ ಚಾಕು ಇರಿದಿದ್ದಾನೆ.
ಬಸ್ ಚಲಿಸುವಾಗ ಬಾಗಿಲ ಬಳಿ ನಿಲ್ಲಬೇಡಿ ಎಂದು ಹೇಳಿದ್ದಕ್ಕೆ ಚಾಕು ಇರಿದಿದ್ದಾನೆ.ವರದಿಯ ಪ್ರಕಾರ, ಸಿನ್ಹಾ ಕೋಪದಿಂದ ಕಂಡಕ್ಟರ್ ಮೇಲೆ ಹಲ್ಲೆ ನಡೆಸಿ ಹೊಟ್ಟೆಗೆ ಇರಿದಿದ್ದಾರೆ. ಪ್ರಯಾಣಿಕರು ತಕ್ಷಣ ಆರೋಪಿಯನ್ನು ಬಸ್ ಒಳಗೆ ಲಾಕ್ ಮಾಡಿದರು. ಸಿನ್ಹಾ ಅವರು ಬಸ್ ಕಿಟಕಿಗಳು ಮತ್ತು ಬಾಗಿಲುಗಳನ್ನು ಮುರಿದು ತಪ್ಪಿಸಿಕೊಳ್ಳಲು ಪ್ರಯತ್ನಿಸುತ್ತಿರುವ ವೀಡಿಯೊ ಅಂತರ್ಜಾಲದಲ್ಲಿ ಕಾಣಿಸಿಕೊಂಡಿದ್ದು, ಪ್ರಯಾಣಿಕರಲ್ಲಿ ಭೀತಿಯನ್ನುಂಟು ಮಾಡಿದೆ. ಸಿನ್ಹಾ ಅವರು ಬೆಂಗಳೂರಿನ ಬಿಪಿಒವೊಂದರಲ್ಲಿ ಕೆಲಸ ಮಾಡುತ್ತಿದ್ದರು ಮತ್ತು ಸೆಪ್ಟೆಂಬರ್ 20 ರಂದು ಅವರನ್ನು ಕೆಲಸದಿಂದ ವಜಾಗೊಳಿಸಲಾಗಿತ್ತು.
An alarming incident occurred in BMTC Bengaluru where a passenger stabbed the BMTC bus conductor at the ITPL bus stop near Whitefield. On the evening of October 1st, at the ITPL bus stop near Whitefield, the conductor of the KA-57-F0015 Volvo bus, Yogesh, was stabbed two or three… pic.twitter.com/virPg1lK2z
— Karnataka Portfolio (@karnatakaportf) October 1, 2024
ಪ್ರಯಾಣಿಕರು ಸಿನ್ಹಾ ಅವರನ್ನು ವಶಕ್ಕೆ ಪಡೆದು ವೈಟ್ ಫೀಲ್ಡ್ ಪೊಲೀಸರಿಗೆ ಒಪ್ಪಿಸಿದ್ದಾರೆ.ಕಂಡಕ್ಟರ್ ಯೋಗೇಶ್ ಅವರನ್ನು ವೈದ್ಯಕೀಯ ಚಿಕಿತ್ಸೆಗಾಗಿ ಸಾಗಿಸಲಾಗಿದ್ದು, ಸ್ಥಳೀಯ ಪೊಲೀಸರು ಪ್ರಸ್ತುತ ಘಟನೆಯ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ.
