ಮಳೆಗಾಲ ಶುರುವಾಗುತಿದಂತೆ ಹೆಚ್ಚು ಜನಕ್ಕೆ ಶೀತ ನೆಗಡಿ ಕೆಮ್ಮು ಆಗುವಂತದ್ದು ಸಹಜ ಇದೆಲ್ಲದರ ಜೊತೆಗೆ ಸಾಕಷ್ಟು ಜನಕ್ಕೆ ಚರ್ಮದಾ ಸಮಸ್ಯೆಗಳು ಕೂಡ ಕಾಡುತ್ತದೆ ಅವುಗಳಲ್ಲಿ ಹುಳುಕಡ್ಡಿ ಸಮಸ್ಯೆಯೂ ಕೂಡ ಒಂದು. ದೇಹದಲ್ಲಿ ಹುಳುಕಡ್ಡಿ ಆಗುವಂತಹ ಜಾಗಗಳು ಯಾವುದೆಂದರೆ ಮುಖ್ಯವಾಗಿ ನೆತ್ತಿ, ಇಲ್ಲಿ ಹುಳುಕಡ್ಡಿ ಆದಾಗ ಆ ಸ್ಥಳದ ಸುತ್ತಲಿನ ಕೂದಲು ಉದುರು ಹೋಗುತ್ತದೆ. ಹಾಗೂ ಕುತ್ತಿಗೆಯ ಭಾಗದಲ್ಲಿ ಹುಳುಕಡ್ಡಿ ಆಗುವಂತದ್ದು ತುಂಬಾನೇ ಜಾಸ್ತಿ. ಕೆಲವರಿಗೆ ತೊಡೆಯ ಭಾಗದಲ್ಲೂ ಕೂಡ ಈ ಸಮಸ್ಯೆ ಶುರುವಾಗುತ್ತದೆ..ಬೆರಳುಗಳಲ್ಲಿ ಕೂಡ ಹೆಚ್ಚಾಗುತ್ತದೆ.
ಹುಳುಕಡ್ಡಿ ಅಥವಾ ರಿಂಗ್ ವಾರ್ಮ್ ಆಗಲು ಪ್ರಮುಖ ಕಾರಣ, ರಿಂಗ್ ವಾರ್ಮ್ ಆದ ವ್ಯಕ್ತಿಗಳ ಜೊತೆಗೆ ಅಥವಾ ಪ್ರಾಣಿಗಳೊಂದಿಗೆ ನಾವು ಸಂಪರ್ಕವನ್ನು ಹೊಂದಿದಾಗ, ಬಟ್ಟೆಗಳನ್ನ ಒಣಗಿಸದೆ ಹಾಗೆ ಧರಿಸುವುದರಿಂದ, ದುರ್ಬಲ ರೋಗನಿರೋಧಕ ಶಕ್ತಿಯನ್ನು ಹೊಂದಿರುವುದರಿಂದ ಹುಲಿಕಡ್ಡಿ ಶುರುವಾಗುತ್ತದೆ.
ಹುಳುಕಡ್ಡಿ ಆದ ಜಾಗದಲ್ಲಿ ಬಣ್ಣ ಬದಲಾಗುತ್ತದೆ ಹೆಚ್ಚು ಕೆಂಪು ಅಥವಾ ಕಂದು ಬಣ್ಣಕ್ಕೆ ತಿರುಗುತ್ತದೆ, ಬೆರಳುಗಳಲ್ಲಿ ಆದಾಗ ಬೆರಳು ಸ್ವೇಲ್ ಆಗುವ ಚಾನ್ಸಸ್ ಹೆಚ್ಚಿರುತ್ತದೆ. ಕೆಲವರಿಗೆ ಅತಿಯಾದ ತುರಿಕೆ ಕೂಡ ಕಾಡುತ್ತದೆ.. ಈ ಹುಳು ಕಡ್ಡಿಯನ್ನು ನಿವಾರಣೆ ಮಾಡಲು ಏನೆಲ್ಲ ಮನೆಮದ್ದುಗಳನ್ನ ಮಾಡಬಹುದು ಎನ್ನುವುದರ ಟಿಪ್ಸ್ ಹೀಗಿದೆ.
ಅರಿಶಿಣ
ಹುಳಿಕಡ್ಡಿಯಾದ ಜಾಗಕ್ಕೆ ಅರಿಶಿನ ಪುಡಿಯನ್ನು ಸ್ವಲ್ಪ ನೀರಿನಲ್ಲಿ ಬೆರೆಸಿ, ಆ ಪೇಸ್ಟನ್ನು ಹಚ್ಚಿರಿ ಅದು ಒಣಗುವವರೆಗೂ ಹಾಗೆ ಬಿಟ್ಟು. ನಂತರ ಒಂದು ಒಣಗಿದ ಬಟ್ಟೆಯಿಂದ ಒರೆಸಿ .ಪ್ರತಿದಿನ ಹೀಗೆ ಮಾಡುವುದರಿಂದ ಹುಳುಕಡ್ಡಿ ಶಮನವಾಗುತ್ತದೇ. ಅರಿಶಿಣದಲ್ಲಿ ಆಂಟಿ ಬ್ಯಾಕ್ಟೀರಿಯಲ್ ಮತ್ತು ಆಂಟಿ ಫಂಗಲ್ ಅಂಶ ಹೆಚ್ಚಿರುವುದರಿಂದ ಹುಳುಕಡ್ಡಿ ಗೆ ಬೆಸ್ಟ್ ಮನೆಮದ್ದಾಗಿದೆ.
ತೆಂಗಿನ ಎಣ್ಣೆ
ತೆಂಗಿನ ಎಣ್ಣೆಯನ್ನು ಸ್ವಲ್ಪ ಬಿಸಿ ಮಾಡಿ ಅದಕ್ಕೆ ಚಿಟಿಕೆ ಅರಿಶಿಣವನ್ನ ಬೆರೆಸಿ ಹುಳುಕಡ್ಡಿ ಆದ ಜಾಗದಲ್ಲಿ ಹಚ್ಚಿ ಹಾಗೆ ಬಿಡಿ. ಇದು ರಿಂಗ್ ವಾರ್ಮ್ ಮತ್ತು ಇತರೆ ಫಂಗಲ್ ಇನ್ಫೆಕ್ಷನ್ ಗೆ ಪರಿಣಾಮಕಾರಿಯಾದ ಮನೆಮದ್ದಾಗಿದೆ.. ತೆಂಗಿನ ಎಣ್ಣೆಯಲ್ಲಿ ಮೈಕ್ರೋಬಿಯಲ್ ಮತ್ತು ಆಂಟಿ ಫಂಗಲ್ ಗುಣಲಕ್ಷಣಗಳಿವೆ ಇದು ಮುಖ್ಯವಾಗಿ ನೆತ್ತಿಯ ಮೇಲೆ ಆಗಿರುವಂತ ಹುಳುಕಡ್ಡಿಯನ್ನು ನಿವಾರಿಸಲು ಸೂಕ್ತವಾದ ಚಿಕಿತ್ಸೆಯಾಗಿದೆ.
ಬೆಳ್ಳುಳ್ಳಿ
ಬೆಳ್ಳುಳ್ಳಿ ಸಾಕಷ್ಟೂ ಚರ್ಮದ ರೋಗಗಳಿಗೆ ರಾಮಬಾಣವಾಗಿದೆ, ಇದು ಫಂಗಲ್ ಇನ್ಫೆಕ್ಷನ್ ಅನ್ನ ನಿವಾರಣೆ ಮಾಡುತ್ತಿದೆ, ಕಾರಣ ಇದರಲ್ಲಿ ಆಂಟಿ ಮೈಕ್ರೋಪಿಯಲ್ ಹಾಗೂ ಆಂಟಿ ಫಂಗಲ್ ಗುಣಗಳು ಹೆಚ್ಚಿವೆ. ಒಂದೆರಡು ಎಸಳು ಬಿಡಿಸಿದ ಬೆಳ್ಳುಳ್ಳಿಯನ್ನು ಜಜ್ಜಿ ಹುಳುಕಡ್ಡಿಯಾದ ಜಾಗದಲ್ಲಿ ಲೇಪಿಸಿ ಕೆಲ ನಿಮಿಷಗಳ ಕಾಲ ಹಾಗೆ ಬಿಟ್ಟು ನಂತರ ತೆಗೆಯುವುದರಿಂದ ಹುಳುಕಡ್ಡಿ ಕಡಿಮೆಯಾಗುತ್ತದೆ ಹಾಗೂ ತುರಿಕೆ ನಿವಾರಣೆಯಾಗುತ್ತದೆ.
