ಬೆಂಗಳೂರಿನ ರಸ್ತೆಗಳು ಸಂಚಾರಕ್ಕೆ ಯೋಗ್ಯವಲ್ಲ ಎಂಬಂತಾಗಿದೆ. ಸಿಲಿಕಾನ್ ಸಿಟಿ ರಸ್ತೆಗಳಲ್ಲಿ ಸಾಮರ್ಥ್ಯಕ್ಕಿಂತ ನಾಲ್ಕು ಪಟ್ಟು ಅಧಿಕ ವಾಹನಗಳ ರಸ್ತೆಗಳಿಯುತ್ತಿವೆ. ಹೀಗಾಗಿ, ರಸ್ತೆ ಅಪಘಾತಗಳ ಸಂಖ್ಯೆಯೂ ಹೆಚ್ಚಾಗುತ್ತಿವೆ. ಹೀಗಾಗಿ ಕೆಲ ರಸ್ತೆಗಳಿಗೆ ರೋಡ್ ಹಂಪ್ ಹಾಕಿ ಅಂತ ಪೊಲೀಸ್ ಇಲಾಖೆ ಬಿಬಿಎಂಪಿಗೆ ಪತ್ರದ ಮೂಲಕ ಕೇಳಿಕೊಂಡಿದೆ.
ಗ್ರಾಜಧಾನಿ ರಸ್ತೆ ಅಪಘಾತ ತಪ್ಪಿಸಲು 500 ಕ್ಕೂ ಹೆಚ್ಚು ರೋಡ್ ಹಂಪ್ಸ್ ಗೆ ಬೇಡಿಕೆ
ಬೆಂಗಳೂರಿನಲ್ಲಿ ಮೀತಿ ಮೀರಿದ ಟ್ರಾಪಿಕ್ ಸಮಸ್ಯೆ ಒಂದು ಕಡೆಯಾದ್ರೆ, ಮತ್ತೊಂದು ಕಡೆ ದಿನನಿತ್ಯ ರಸ್ತೆ ಅಪಘಾತಗಳ ಸಂಖ್ಯೆ ಕೂಡ ಹೆಚ್ಚುತ್ತಿದೆ. ಈ ಹಿನ್ನೆಲೆಯಲ್ಲಿ ರಾಜಧಾನಿಯ ನೂರಕ್ಕೂ ಹೆಚ್ಚು ರಸ್ತೆಗಳಿಗೆ ರಸ್ತೆ ಉಬ್ಬುಗಳ ನಿರ್ಮಾಣಕ್ಕೆ ಪೊಲೀಸ್ ಇಲಾಖೆ ಬಿಬಿಎಂಪಿಗೆ ಪ್ರಸ್ತಾವಾನೆ ಸಲ್ಲಿಸಿದೆ. ಹೌದು, ರಾಜಧಾನಿ ಬೆಂಗಳೂರಿನ ರಸ್ತೆಗಳಲ್ಲಿ ಸಂಭವಿಸುವ ಅಪಘಾತಗಳನ್ನು ತಪ್ಪಿಸುವ ಉದ್ದೇಶದಿಂದ ಹೊಸದಾಗಿ ಇನ್ನೂ 5೦೦ಕ್ಕೂ ಅಧಿಕ ರೋಡ್ ಹಂಪ್ಗಳು ಬರಲಿವೆ. ನಿರೀಕ್ಷೆಗೂ ಮೀರಿ ಬೆಳೆಯುತ್ತಿರುವ ಬೆಂಗಳೂರಿನಲ್ಲಿ ವರ್ಷದಿಂದ ವರ್ಷಕ್ಕೆ ಜನದಟ್ಟಣೆಯ ಜತೆಗೆ ವಾಹನ ಸಂಖ್ಯೆಯೂ ಹೆಚ್ಚಾಗುತ್ತಿದ್ದು, ನಗರದ ರಸ್ತೆಗಳ ಸಾಮರ್ಥ್ಯಕ್ಕಿಂತ ನಾಲ್ಕು ಪಟ್ಟು ಅಧಿಕ ವಾಹನಗಳ ರಸ್ತೆಗಳಿಯುತ್ತಿವೆ. ಹೀಗಾಗಿ, ರಸ್ತೆ ಅಪಘಾತಗಳ ಸಂಖ್ಯೆಯೂ ಏರುತ್ತಿದೆ. ರಸ್ತೆ ಅಪಘಾತ, ವಾಹನಗಳ ವೇಗ ನಿಯಂತ್ರಿಸುವುದರೊಂದಿಗೆ ಪಾದಚಾರಿಗಳ ಸುರಕ್ಷಿತ ಸಂಚಾರಕ್ಕೆ ಅನುವು ಮಾಡಿಕೊಡುವ ಉದ್ದೇಶದಿಂದ ನಗರ ಸಂಚಾರಿ ಪೊಲೀಸರು, ಅಪಘಾತ ಸಂಭವಿಸುವ 524 ಕಡೆ ರೋಡ್ ಹಂಪ್ ಅಳವಡಿಕೆಗೆ ಬಿಬಿಎಂಪಿಗೆ ಪ್ರಸ್ತಾವನೆ ಸಲ್ಲಿಸಿದೆ.
![](https://pratidhvani.com/wp-content/uploads/2022/10/65955271-1024x658.webp)
ನಗರದ ಒಟ್ಟು 39 ಸಂಚಾರಿ ಪೊಲೀಸ್ ಠಾಣೆಗಳಿಂದ ಪ್ರತ್ಯೇಕವಾಗಿ ಈ ಪ್ರಸ್ತಾವನೆಗಳು ಸಲ್ಲಿಕೆ ಆಗಿವೆ. ಅದರಲ್ಲೂ ಅತಿ ಹೆಚ್ಚು ವಾಹನ ಸಂಚಾರ ದಟ್ಟಣೆ ಇರುವ ವೈಟ್ಫೀಲ್ಡ್, ಕೆಂಗೇರಿ, ಜಯನಗರ ಸಂಚಾರಿ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ 40ಕ್ಕಿಂತ ಹೆಚ್ಚಿನ ಹಂಪ್ಗಳನ್ನು ನಿರ್ಮಿಸುವುದಕ್ಕೆ ಮನವಿ ಮಾಡಲಾಗಿದೆ.
ಎಲ್ಲೆಲ್ಲಿ ಹೊಸ ರಸ್ತೆ ಉಬ್ಬುಗಳ ನಿರ್ಮಾಣ ?
– ವೈಟ್ ಫೀಲ್ಡ್ – 49 ಕಡೆ
– ಜಯನಗರ – 47
– ಕೆಂಗೇರಿ – 44
– ಹುಳಿಮಾವು – 33
– ಆರ್.ಟಿ.ನಗರ – 32
– ಬಾನಸವಾಡಿ – 21
– ಹೂಡಿ – 22
– ಮಹದೇವರ & ಜೆಪಿನಗರ ತಲಾ – 19
– ಹಲಸೂರು ಗೇಟ್, ಜಾಲಹಳ್ಳಿ – 17
– ರಾಜಾಜಿನಗರ – 16
– ಮಲ್ಲೇಶ್ವರ – 14
– ವಿವಿಪುರ – 12
– ದೇವನಹಳ್ಳಿ – 11
– ಯಶವಂತಪುರ – 10
– ವಾರ್ಡ್ ರಸ್ತೆಗಳಲ್ಲಿ – 9
– ಚಿಕ್ಕಪೇಟೆ – 8
– ಯಲಹಂಕ – 6
– ಹಲಸೂರು, ಮೈಕೋ ಲೇಔಟ್, ಪುಲಕೇಶಿನಗರ, ವಿಜಯ ನಗರ & ಎಚ್.ಎಸ್. ಆರ್ ಲೇಔಟ್ – 4
– ಚಿಕ್ಕಜಾಲ, ಎಚ್ಎಎಲ್, ಹೆಬ್ಬಾಳೆ, ಉಪ್ಪಾರುಪೇಟೆ ಹಾಗೂ ವಿಲ್ಸನ್ ಗಾರ್ಡನ್ ತಲಾ – 2
– ಶಿವಾಜಿ ನಗರ, ಪೀಣ್ಯ, ಹೈಗೌಂಡ್ಸ್, ಕೆಆರ್ಪುರ ಹಾಗೂ ಹೂಡಿ ಪೊಲೀಸರು – 1
ನಗರ ಸಂಚಾರಿ ಪೊಲೀಸರು ಸಲ್ಲಿಸಿದ ಪ್ರಸ್ತಾವನೆಗಳಿಗೆ ಅನುಗುಣವಾಗಿ ಬಿಬಿಎಂಪಿ ಟ್ರಾಫಿಕ್ ಎಂಜಿನಿಯರಿಂಗ್ ವಿಭಾಗದ ಅಧಿಕಾರಿಗಳು ಹಾಗೂ ಸಂಚಾರಿ ಪೊಲೀಸರು ಜಂಟಿ ಪರಿಶೀಲನೆ ನಡೆಸಿ ಈ ಹಂಪ್ಗಳನ್ನು ನಿರ್ಮಿಣಕ್ಕೆ ಅನುಮೋದನೆ ನೀಡಲಿದ್ದಾರೆ. ಅನುಮೋದನೆ ದೊರೆತ ಕಡೆ ಬಿಬಿಎಂಪಿ ರಸ್ತೆ ಮತ್ತು ಮೂಲಸೌಕರ್ಯ ಹಾಗೂ ಯೋಜನಾ ವಿಭಾಗದ ಅಧಿಕಾರಿಗಳು ಯೋಜನೆ ರೂಪಿಸಿ ವೈಜ್ಞಾನಿಕವಾಗಿ ರಸ್ತೆ ಹಂಪ್ ಅನ್ನು ನಿರ್ಮಿಸಲಿದ್ದಾರೆ. ಒಟ್ಟಾರೆ ಅಪಘಾತ ತಪ್ಪಿಸುವ ಉದ್ದೇಶದಿಂದ ರಸ್ತೆ ಹಂಪ್ ನಿರ್ಮಿಸಲಾಗುತ್ತಿದೆ. ಆದರೆ, ಇದೇ ರೋಡ್ ಹಂಪ್ನಿಂದ ಕಳೆದ ಮೂರು ವರ್ಷದಲ್ಲಿ ಬರೋಬ್ಬರಿ 70ಕ್ಕೂ ಹೆಚ್ಚು ಮಂದಿ ಪ್ರಾಣ ಕಳೆದುಕೊಂಡಿದ್ದಾರೆ. ಅದೇನೆ ಅಗ್ಲಿ ಹಂಪ್ ನಿರ್ಮಾಣ ಮಾಡಿದ್ರೆ ವೈಜ್ಞಾನಿಕವಾಗಿ ನಿರ್ಮಾಣ ಮಾಡಬೇಕು ಅನ್ನೋದೆ ಸಾರ್ವಜನಿಕರ ಅಶಯ.