ಡಾಲರ್ ಎದುರು ರೂಪಾಯಿ ಮೌಲ್ಯ ನಿರಂತರವಾಗಿ ಕುಸಿಯುತ್ತಿರುವುದಕ್ಕೆ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಕಾಂಗ್ರೆಸ್ ಸಂಸದ ರಾಹುಲ್ ಗಾಂಧಿ ಗುರಿಯಾಗಿಸಿ ಟೀಕಿಸಿದ್ದಾರೆ. ರೂಪಾಯಿ ಮೌಲ್ಯದ ಕುಸಿತವನ್ನು ಗ್ರಾಫ್ ಮೂಲಕ ತೋರಿಸಿರುವ ರಾಹುಲ್ ಗಾಂಧಿ, ಇದಕ್ಕಾಗಿ ಪ್ರಧಾನಿ ಮೋದಿ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. ಗ್ರಾಫ್ನ ಹಿನ್ನಲೆಯಲ್ಲಿ, ರೂಪಾಯಿ ಕುಸಿತಕ್ಕೆ ಅಂದಿನ (ಕಾಂಗ್ರೆಸ್) ಸರ್ಕಾರವನ್ನು ಗುರಿಯಾಗಿಟ್ಟುಕೊಂಡು ಭಾರತೀಯ ರೂಪಾಯಿ ಏಕೆ ಕುಸಿಯುತ್ತಿದೆ ಎಂದು ಮೋದಿಯವರು ಮಾಡಿದ್ದ ಭಾಷಣದ ತುಣುಕನ್ನು ಹರಿಯಬಿಡಲಾಗಿದೆ. .
ಪ್ರಧಾನಿ ಮೋದಿಯವರ ಭಾಷಣದ ಈ ಆಯ್ದ ಭಾಗದೊಂದಿಗೆ ರೂಪಾಯಿ ಮೌಲ್ಯ ಕುಸಿತದ ಗ್ರಾಫ್ ಅನ್ನು ಹಂಚಿಕೊಂಡ ರಾಹುಲ್ ಗಾಂಧಿ, “ದೇಶವು ಹತಾಶೆಯ ಸುಳಿಯಲ್ಲಿದೆ, ಇದು ನಿಮ್ಮ ಮಾತುಗಳು, ನೀವು ಪ್ರಧಾನಿ, ಅಲ್ಲವೇ? ಆ ಕಾಲದಲ್ಲಿ ಎಷ್ಟು ಸದ್ದು ಮಾಡುತ್ತಿದ್ದೀರಿ, ಇಂದು ರೂಪಾಯಿ ಮೌಲ್ಯ ಕುಸಿಯುತ್ತಿರುವುದನ್ನು ಕಂಡು ‘ಮೌನ’ ಆಗಿದ್ದೀರಿ.” ಎಂದು ವಾಗ್ದಾಳಿ ನಡೆಸಿದ್ದಾರೆ.
ಇದಕ್ಕೂ ಮುನ್ನ ರೂಪಾಯಿ ಕುಸಿತದ ಬಗ್ಗೆ ಮೋದಿ ಸರ್ಕಾರದ ವಿರುದ್ಧ ರಾಹುಲ್ ಗಾಂಧಿ ವಾಗ್ದಾಳಿ ನಡೆಸಿದ್ದು, ರೂಪಾಯಿ 80ಕ್ಕೆ ತಲುಪುತ್ತಿರುವುದು ‘ಅಮೃತ ಕಾಲ’ ಎಂದು ವ್ಯಂಗ್ಯವಾಡಿದ್ದಾರೆ.
