ಬೆಂಗಳೂರು (Bengaluru) : ಕರ್ನಾಟಕ ಸರ್ಕಾರದಲ್ಲಿ ಚೂಟಿ ಮಿನಿಸ್ಟರ್ ಅನ್ನೋ ಬೆರಳೆಣಿಕೆ ಸಚಿವರಲ್ಲಿ ಕೃಷ್ಣಬೈರೇಗೌಡ (Krishna Byre Gowda) ಕೂಡ ಒಬ್ಬರು. ಕರ್ನಾಟಕ ಸರ್ಕಾರದ ಕಂದಾಯ ಸಚಿವರಾಗಿರುವ ಕೃಷ್ಣಬೈರೇಗೌಡ, ಅಧಿಕಾರ ಸ್ವೀಕಾರ ಮಾಡಿದ ದಿನದಿಂದ ಸಚಿವ ಕೃಷ್ಣಬೈರೇಗೌಡ, ಅಧಿಕಾರಿಗಳಿಗೆ ಬಿಸಿ ಮುಟ್ಟಿಸುವ ಕೆಲಸ ಮಾಡುತ್ತಿದ್ದಾರೆ.
![](https://pratidhvani.com/wp-content/uploads/2024/02/Krishna_Byre_Gowda_EPS-1024x512.webp)
ಕಂದಾಯ ಇಲಾಖೆಯಲ್ಲಿ ಗುಡ್ಡೆ ಹಾಕಿಕೊಂಡಿದ್ದ ಕಡತಗಳ ವಿಲೇವಾರಿ ಮಾಡಿಸುತ್ತಿದ್ದಾರೆ. ರಾಜ್ಯಾದ್ಯಂತ ಕಾಲಿಗೆ ಚಕ್ರ ಕಟ್ಟಿಕೊಂಡಂತೆ ಸುತ್ತುತ್ತಿರುವ ಕೃಷ್ಣಬೈರೇಗೌಡ, ವಿಲೇವಾರಿಯಾದ ಕಡತಗಳು ಹಾಗು ಪೆಂಡಿಗ್ ಕಡತಗಳ ಬಗ್ಗೆ ಅಧಿಕಾರಿಗಳಿಗೆ ಚಾಟಿ ಬೀಸುತ್ತಿದ್ದಾರೆ. ಅಷ್ಟು ಮಾತ್ರವಲ್ಲದೆ ಕಡತಗಳ ಶೀಘ್ರ ವಿಲೇವಾರಿಗಾಗಿ ಆನ್ಲೈನ್ ತಾಣವನ್ನು ರಾಜ್ಯಕ್ಕೆ ಅರ್ಪಿಸಿದ್ದಾರೆ.
ಕಾವೇರಿ ಆನ್ಲೈನ್ ಮೂಲಕ ಸಕಲ ಸೇವೆ..!
ಕಾವೇರಿ ವೆಬ್ಸೈಟ್ ಬಿಡುಗಡೆ ಮಾಡಿರುವ ರಾಜ್ಯ ಸರ್ಕಾರ, ಜನರು ಸರ್ಕಾರಿ ಕಚೇರಿಯಿಂದ ಕಚೇರಿಗೆ ಅಲೆಯುವುದನ್ನು ತಪ್ಪಿಸಲು ವೆಬ್ಸೈಟ್ ರೂಪಿಸಲಾಗಿದೆ. ಕಂದಾಯ ಇಲಾಖೆಯ ಕೆಲಸ ಕಾರ್ಯಗಳೂ ಸೇರಿದಂತೆ ರಿಜಿಸ್ಟರ್ ಮ್ಯಾರೇಜ್, ಇಸಿ (Encumbrance Certificate) ದಾಖಲೆ, ಸೇರಿದಂತೆ ಸಾಕಷ್ಟು ದಾಖಲೆಗಳನ್ನು ಕ್ಷಣಾರ್ಧದಲ್ಲಿ ನೀಡುವ ವ್ಯವಸ್ಥೆ ಎಂದೇ ಹೇಳಲಾಗಿತ್ತು. ಆದರೆ ಕಾವೇರಿ ವೆಬ್ಸೈಟ್ ರೂಪಿಸಲಾಗಿತ್ತು. ಆದರೆ ಇದೀಗ ಕಾವೇರಿ ಆನ್ಲೈನ್ ಜಾಲ ಜನರ ಸೇವೆಗೆ ಲಭ್ಯ ಆಗ್ತಿದ್ಯಾ ಅಂದ್ರೆ ಇಲ್ಲ. ಕಾವೇರಿ ವೆಬ್ಸೈಟ್ ಇದ್ದರೂ ಜನರು ದಾಖಲೆಗಳೀಗಾಗಿ ಅಲೆದಾಡುವುದು ತಪ್ಪಿಲ್ಲ ಎನ್ನಬಹುದು.
![](https://pratidhvani.com/wp-content/uploads/2024/02/dc-Cover-rpl19cliii1bhnmnt3bmuskgs4-20161029030045.Medi_-jpeg.webp)
![](https://pratidhvani.com/wp-content/uploads/2024/02/Screenshot-2024-02-19-at-18-49-00-Kaveri-Online-New-Registration-Services-List-EC-Check-Download.png)
ಕಾವೇರಿ ವೆಬ್ಸೈಟ್ ಮಾಡಿರುವುದು ಸಾರ್ವಜನಿಕರಿಗೆ ಅನುಕೂಲಕಾರಿ ಅನ್ನೋದ್ರಲ್ಲಿ ಯಾವುದೇ ಅನುಮಾನ ಇಲ್ಲ. ಆದರೆ ಕಾವೇರೊ ವೆಬ್ಸೈಟ್ ಮಾಡಿದ ಮೇಲೆ ಸಾರ್ವಜನಿಕರಿಗೆ ಸರಳವಾಗಿ ಭೂದಾಖಲೆಗಳು ಲಭ್ಯವಾಗಬೇಕು. ಕನಿಷ್ಠ ಪಕ್ಷ ಈ ಮೊದಲು ನೋಡುವುದಕ್ಕೆ ಮಾತ್ರ ಅವಕಾಶ ಕೊಟ್ಟಿದ್ದರು. ಇದೀಗ ವೀವಿಂಗ್ ಓನ್ಲಿ ಅನ್ನೋ ಅವಕಾಶವನ್ನೂ ತೆಗೆದು ಹಾಕಲಾಗಿದೆ. ಇನ್ನು ಯಾವುದೇ ಒಂದು ದಾಖಲೆಗಾಗಿ ಮನವಿ ಸಲ್ಲಿಸಿದ ಬಳಿಕ ಅಧಿಕಾರಿಗಳಿಂದ ಒಪ್ಪಿಗೆಯ ಅವಶ್ಯಕತೆ ಇದೆ. ಅಧಿಕಾರಿಗಳು ಸಾರ್ವಜನಿಕರ ಅವಶ್ಯಕತೆಯಂತೆ ಕೆಲಸ ಮಾಡುವುದಿಲ್ಲ. ಆನ್ಲೈನ್ ಸೇವೆ ಲಭ್ಯವಿದ್ದರೂ ಜನರಿಗೆ ನಿಲುಕದ ಕನ್ನಡಿ ಎನ್ನುವಂತಾಗಿದೆ.
![](https://pratidhvani.com/wp-content/uploads/2024/02/Kaveri-2.0-Online-Registration-Services-Login-EC-Download-Certified-Copy-Guidance-Value-jpg.webp)
ಕಾವೇರಿ ವೆಬ್ಸೈಟ್ ದಾಖಲೆಗಳ ಸಂಗ್ರಹಗಾರ ಆಗಿರುವ ಕಾರಣ ಬಹುದೊಡ್ಡ ಮಟ್ಟದಲ್ಲಿ ಜನರಿಗೆ ಲಭ್ಯ ಆಗುವಂತೆ ಮೊದಲೇ ಯೋಜನೆ ಮಾಡಬೇಕಿತ್ತು. ಆದರೆ ಕಾವೇರಿ ಪೋರ್ಟಲ್ನಲ್ಲಿ ಒಮ್ಮೆ ರಿಜಿಸ್ಟರ್ ಆಗಿ ಓಪನ್ ಮಾಡಿದರೂ ಪೋರ್ಟಲ್ ತೆರೆದುಕೊಳ್ಳುವುದಿಲ್ಲ. ದಾಖಲೆಗಳಿಗೆ ಮನವಿ ಸಲ್ಲಿಸಿ ಪಡೆದುಕೊಳ್ಳುವುದು ದೊಡ್ಡ ಸಾಹಸ ಆದಂತೆ ಆಗ್ತಿದೆ. ಇನ್ನು ಕಾವೇರಿ ಪೋರ್ಟಲ್ ಬಗ್ಗೆ ಹೆಚ್ಚಿನ ಜನರಿಗೆ ಇನ್ನೂ ಮಾಹಿತಿ ಇಲ್ಲ. ಅಷ್ಟೇ ಅಲ್ಲದೆ ಕಾವೇರಿ ಪೋರ್ಟಲ್ ಜನಸ್ನೇಹಿ ಆಗುವಂತೆ ರೂಪಿಸಬೇಕಾದ ಅಗತ್ಯ ಹೆಚ್ಚಿದೆ. ಒಮ್ಮೆಗೆ ಸಮಸ್ಯೆ ಇಲ್ಲದಂತೆ ಪೋರ್ಟಲ್ ಮಾಡಬೇಕಿತ್ತು ಎನ್ನುವುದೂ ತಪ್ಪಾಗಲಿದೆ. ಈಗ ಕಾವೇರಿ ಪೋರ್ಟಲ್ ಕೆಲಸ ಮಾಡುತ್ತಿದೆ. ಆದರೆ ಅದನ್ನು ಜನಸ್ನೇಹಿ ಆಗುವಂತೆ ದಿನಗಳು ಉರುಳಿದಂತೆ ಬದಲಾವಣೆ ಮಾಡುವ ಅಗತ್ಯವಿದೆ. ಇದನ್ನು ಮನಗಂಡು ಅಧಿಕಾರಿಗಳು ಕೆಲಸ ಮಾಡಬೇಕಿದೆ. ಇಲ್ಲದಿದ್ದರೆ ಸಚಿವ ಕೃಷ್ಣಬೈರೇಗೌಡರ ವೇಗಕ್ಕೆ ಕಂದಾಯ ಇಲಾಖೆ ಕೆಲಸ ಮಾಡುವುದು ಕಷ್ಟಸಾಧ್ಯ ಆಗಲಿದೆ. Kaveri 2.0 Online Registration, Services Login, EC Download, Certified Copy, Guidance Value
-ಕೃಷ್ಣಮಣಿ
#karnataka #bengaluru #stategovernment #congressgovernment #KrishnaByreGowda