ಚನ್ನಪಟ್ಟಣ/ರಾಮನಗರ: ಮಂಡ್ಯ ಜನತೆ ಮುತ್ತು ಕಳೆದುಕೊಂಡರು, ರಾಮನಗರ ಜನ ರತ್ನವನ್ನು ಕಳೆದುಕೊಂಡರು. ಆದರೆ, ಚನ್ನಪಟ್ಟಣದ ಜನತೆ ಬಂಗಾರದ ಬೊಂಬೆಯನ್ನು ಯಾವುದೇ ಕಾರಣಕ್ಕೂ ಕಳೆದುಕೊಳ್ಳುವುದಿಲ್ಲ, ಚನ್ನಪಟ್ಟಣದಲ್ಲಿ ನಿಖಿಲ್ ಅವರು ಅತ್ಯಂತ ಬಹುಮತದಿಂದ ಗೆಲ್ಲುತ್ತಾರೆ ಎಂದು ಹಿರಿಯ ನಟಿ, ಮಾಜಿ ಶಾಸಕಿ ತಾರಾ ಅವರು ಹೇಳಿದರು.
ಚನ್ನಪಟ್ಟಣದಲ್ಲಿ ಹಿಂದೂ, ಮುಸಲ್ಮಾನರು ಅಣ್ಣತಮ್ಮಂದಿರಂತೆ ಒಟ್ಟಿಗೆ ಹಬ್ಬ ಮಾಡ್ತಾರೆ. ರಾಜ್ಯದಲ್ಲಿ ವಕ್ಫ್ ಅಂತ ತಂದು ಹಿಂದೂ ಮುಸ್ಲಿಂ ಇಬ್ಬರನ್ನು ಕಾಂಗ್ರೆಸ್ ಸರ್ಕಾರ ಒಡೆಯುತ್ತಿದೆ. ಜಾತಿ ಧರ್ಮ ಅಂತ ಸರ್ಕಾರ ಒಡೆದು, ಆಳುವುದನ್ನ ಮಾಡ್ತಿದೆ. ಮೋದಿಯವರು ಎಲ್ಲಾ ವರ್ಗದವರಿಗೂ ಯೋಜನೆ ಕೊಟ್ಟಿದ್ದು ಎಂದು ಅವರು ದೂರಿದರು.
ಯಾರ್ಯಾರೋ ಹೇಳ್ತಾರೆ ಸ್ವಯಂ ಪ್ರೇರಿತ ಭಗೀರಥ ಅಂತ.ನೀರಾವರಿ ಯೋಜನೆ ತಂದು ಕ್ಷೇತ್ರವನ್ನ ಹಸರೀಕರಣ ಮಾಡಿದ್ದು ದೇವೇಗೌಡರು ಮಹಿಳೆಯರಿಗೆ ಬಸ್ ಫ್ರೀ ಅಂದ್ರು. ಗಂಡಸರ ಜೇಬಿಗೆ ಕತ್ತರಿ ಹಾಕಿದ್ರು.ಗಂಡಸರು ಏನು ಪಾಪ ಮಾಡಿದ್ರಪ್ಪ? ಗೃಹಲಕ್ಷ್ಮೀ ಯೋಜನೆ ತಂದು ಚುನಾವಣೆಗೆ ಮಾತ್ರ ಕೊಡ್ತಾರೆ.ಗ್ಯಾರಂಟಿಗಳನ್ನ ತಂದು ಬೇರೆ ಎಲ್ಲಾ ದರ ಹೆಚ್ಚಳ ಮಾಡಿದ್ರು ಎಂದು ಕಾಂಗ್ರೆಸ್ ಗ್ಯಾರಂಟಿ ವಿರುದ್ಧ ಕಿಡಿಕಾರಿದರು.
ನನ್ನ ಸಹೋದರ, ನನ್ನ ಅಣ್ಣನ ಮಗ ನಿಖಿಲ್ ಕುಮಾರಸ್ವಾಮಿ ಅವರ ಕ್ರಮ ಸಂಖ್ಯೆ 1ಕ್ಕೆ ಮತ ನೀಡಿ, ಗೆಲ್ಲಿಸಿಕೋಡಿ ಎಂದು ನಿಖಿಲ್ ಅವರ ಕೈ ಎತ್ತಿ ತಾರಾ ಅವರು ಘೋಷಣೆ ಕೂಗಿದರು.
