ಮಂಡ್ಯದ ಪಾಂಡವಪುರದಲ್ಲಿ ದಿವಂಗತ ಮಾಜಿ ಶಾಸಕ ಕೆ.ಎಸ್ ಪುಟ್ಟಣ್ಣಯ್ಯರ 75ನೇ ವರ್ಷದ ಜನ್ಮದಿನೋತ್ಸವ ಹಮ್ಮಿಕೊಳ್ಳಲಾಗಿತ್ತು. ಇದೇ ವೇಳೆ ಕಾಟೇರ ಚಿತ್ರತಂಡಕ್ಕೆ ಅಭಿನಂದನಾ ಸಮಾರಂಭವನ್ನೂ ಮಾಡಲಾಗಿದೆ. ಪಾಂಡವ ಕ್ರೀಡಾಂಗಣದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ನಟ ದರ್ಶನ್ ಭಾಗಿಯಾಗಿದ್ದರು. ಕಾರ್ಯಕ್ರಮಕ್ಕೂ ಮೊದಲು ಪಾಂಡವಪುರ ಟೌನ್ನಲ್ಲಿ ನಟ ದರ್ಶನ್ರನ್ನು ಎತ್ತಿನಗಾಡಿ ಮೂಲಕ ಮೆರವಣಿಗೆ ಮಾಡಲಾಯ್ತು. ಪಾಂಡವ ಕ್ರೀಡಾಂಗಣದವರೆಗೆ ಮೆರವಣಿಗೆ ಮೂಲಕ ಕರೆತರಲಾಯ್ತು. ಮೆರವಣಿಗೆಯಲ್ಲಿ ನಟ ದರ್ಶನ್ ಜೊತೆಗೆ ಮೇಲುಕೋಟೆ ಶಾಸಕ ದರ್ಶನ್ ಪುಟ್ಟಣ್ಣಯ್ಯ, ನಟ ಧನ್ವೀರ್ ಸೇರಿದಂತೆ ಅನೇಕರು ಬಾಗಿಯಾಗಿದ್ದರು. ಆ ಬಳಿಕ ನಡೆದ ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ಸಾವಿರಾರು ಜನರು ಭಾಗಿಯಾಗಿದ್ದರು.
ಕಾರ್ಯಕ್ರಮ ಆರಂಭದಲ್ಲಿ ದಿವಂಗತ ನಾಯಕ ಕೆ.ಎಸ್ ಪುಟ್ಟಣ್ಣಯ್ಯ ಹಾಗೂ ಮಡಿದ ರೈತ ಹೋರಾಟಗಾರರ ಭಾವಚಿತ್ರಗಳಿಗೆ ಪುಷ್ಪ ನಮನ ಸಲ್ಲಿಸಲಾಯ್ತು. ಶಾಸಕ ದರ್ಶನ್ ಪುಟ್ಟಣ್ಣಯ್ಯ ಕುಟುಂಬಸ್ಥರು ಹಾಗೂ ರೈತ ಮುಖಂಡರು ಪುಷ್ಪ ನಮನ ಸಲ್ಲಿಸಿದದ್ರು. ಬಳಿಕ ರೈತ ಗೀತೆ ಹಾಡುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಯ್ತು. ಬಿಗ್ ಬಾಸ್ ಖ್ಯಾತಿಯ ನಮ್ರತಾ ಗೌಡರಿಂದ ನೃತ್ಯ ನೆರೆದಿದ್ದವರ ಮನ ಸೆಳೀತು. ಇನ್ನು ಗಾಯಕ ಶ್ರೀಹರ್ಷ ಮತ್ತು ಪುಷ್ಪ ಆರಾಧ್ಯ ಹಾಡು ಹಾಡಿದ್ರು. ನಮ್ಮಮ್ಮ ಭೂಮಿ ತಾಯಮ್ಮ ಹಾಡಿಗೆ ಪ್ರೇಕ್ಷಕರಿಂದ ಚಪ್ಪಾಳೆ ಸುರಿಮಳೆ ಆಯ್ತು. ನಟಿ ಹರ್ಷಿಕಾ ಪುಣ್ಣಚ್ಚ ಕಾಟೇರ ಚಿತ್ರದ ಪಸಂದಾಗವ್ನೆ ಹಾಡಿಗೆ ಸೊಂಟ ಬಳುಕಿಸಿ ಪ್ರೇಕ್ಷಕರಿಂದ ಬಹುಪರಾಕ್ ಪಡೆದುಕೊಂಡ್ರು. ಕಾರ್ಯಕ್ರಮದಲ್ಲಿ ಮಾತನಾಡಿದ ನಟ ಧನ್ವೀರ್, ಕಾಟೇರ ಸಿನಿಮಾ 100 ದಿನ ಓಡಲಿ. ಯಾರು ಏನೇ ಕುತಂತ್ರ ಮಾಡಿದ್ರು ದರ್ಶನ್ ಅಣ್ಣ ಬೆಳೀತಾರೆ ಎಂದು ಶುಭ ಹಾರೈಸಿದ್ರು.
ನಟ ವಿನೋದ್ ಪ್ರಭಾಕರ್ ಮಾತನಾಡಿ ರೈತರ ಪಾದ ಮುಟ್ಟಿ ಧನ್ಯವಾದ ಹೇಳಬಯಸ್ತಿನಿ. ಇವತ್ತು ನಾವು ಇಲ್ಲಿ ನಿಂತು ಮಾತನಾಡಲು ನೀವು ಕಾರಣ. ಕಾಟೇರ ಸಿನಿಮಾ 25 ದಿನ ಮುಗಿಸಿದೆ. ಈ ಸಿನಿಮಾ ಇನ್ನು ಹೆಚ್ಚು ಓಡಲಿ. ಕಾಟೇರ ಸಿನಿಮಾದಲ್ಲಿ ಎರಡು ಪಾತ್ರಗಳಲ್ಲಿ ದರ್ಶನ್ ಅದ್ಬುತ ನಟನೆ ಮಾಡಿದ್ದಾರೆ. ಸಿನಿಮಾದಲ್ಲಿ ವಿನೋದ್ ಆಳ್ವಾ, ಶೃತಿ ಅಮ್ಮ ಸೇರಿದಂತೆ ಅನೇಕರು ತುಂಬ ಚನ್ನಾಗಿ ಅಭಿನಯಿಸಿದ್ದಾರೆ. ಕನ್ನಡ ಸಿನಿಮಾಗಳನ್ಮ ನೋಡಿ ಹರಸಿ ಎಂದ್ರು. ಕಾಟೇರ ಸಿನಿಮಾದ ಯಾವ ಜನುಮದ ಗೆಳತಿ ಹಾಡಿಗೆ ಸ್ಟೆಪ್ ಹಾಕಿದ ಮೆಂಟಲ್ ಹುಡ್ಗಿ ಮಾನ್ವಿತಾ, ಜನರ ಆಕರ್ಷಣೆ ಆಗಿದ್ರು. ಮಾನ್ವಿತಾ ನೃತ್ಯಕ್ಕೆ ಫಿದಾ ಆದ ಪ್ರೇಕ್ಷಕರು ಶಿಳ್ಳೆ ಚಪ್ಪಾಳೆ ತಟ್ಟಿ ಪ್ರೋತ್ಸಾಯಿಸಿದ್ರು.
ನಟ ಚಿಕ್ಕಣ್ಣ ಮಾತನಾಡಿ, ಪುಟ್ಟಣ್ಣಯ್ಯ ಸದನದಲ್ಲಿ ಮಾತನಾಡೋದನ್ನ ನೋಡಿದ್ದೆ. ಅವರ ಮಗ ಅಮೇರಿಕಾದಿಂದ ಬಂದು ಇಲ್ಲಿ ಜನ ಸೇವೆ ಮಾಡ್ತಿದ್ದಾರೆ. ದರ್ಶನ್ ಪುಟ್ಟಣ್ಣಯ್ಯ ಸರಳ ರಾಜಕಾರಣಿ ಅಂದ್ರು. ಇನ್ನು ಕಾಟೇರ ಸಿನಿಮಾ ಡಿ ಬಾಸ್ ಗೆಲುವಲ್ಲ ಕನ್ನಡ ಸಿನಿಮಾ ಇಂಡಸ್ಟ್ರಿ ಗೆಲುವು. ಪ್ಯಾನ್ ಇಂಡಿಯಾ ಸಿನಿಮಾ 25 ದಿನಕ್ಕೆ ಕಲೆಕ್ಟ್ ಮಾಡುವ ಹಣ ಕಾಟೇರ 25 ದಿನಕ್ಕೆ ಕಲೆಕ್ಟ್ ಮಾಡಿದೆ. ಕಾಟೇರ ಸಿನಿಮಾದ ಡೈರೆಕ್ಟರ್ ಮತ್ತು ದರ್ಶನ್ ಸ್ನೆಹದ ಮೇಲೆ ಯಾವ ಕೆಟ್ಟ ಕಣ್ಣು ಬೀಳದಿರಲಿ ಎಂದು ಆಶಿಸಿದ್ರು. ಶಾಸಕ ದರ್ಶನ್ ಪುಟ್ಟಣ್ಣಯ್ಯ ಮಾತನಾಡಿ, ಚುನಾವಣೆಯಲ್ಲಿ ಗೆಲ್ಲಿಸಿದ ಕ್ಷೇತ್ರದ ಜನತೆಗೆ ಧನ್ಯವಾದ. ಹಿಂದೆ ರೈತ ಸಂಘಟನೆ ದೊಡ್ಡಮಟ್ಟದ ಹೋರಾಟ ನೋಡಿ ಮೈಜುಮ್ ಅನಿಸಿತು. ನಾನು ಹಲವಾರು ತಪ್ಪು ಮಾಡಿದ್ದೇನೆ ಆದ್ರೆ ಇನ್ಮುಂದೆ ಅದನ್ನ ಸರಿಪಡಿಸಿಕೊಂಡು ರೈತ ಸಂಘಟನೆ ಬಲಪಡಿಸೋಣ. ಕಾಟೇರ ಚಿತ್ರದಲ್ಲಿ ಉಳುವವನೆ ಭೂಮಿ ಒಡೆಯದ ಬಗ್ಗೆ ಅದ್ಬುತವಾಗಿ ತೋರಿಸಿದ್ದಾರೆ. ಕಾಟೇರ ಸಿನಿಮಾ ತಂಡಕ್ಕೆ ಧನ್ಯವಾದ ಹೇಳಬೇಕಿದೆ. ಕಾಟೇರ ರೀತಿ ಮನಮುಟ್ಟುವ ಚಿತ್ರಗಳು ಹೆಚ್ಚಾಗಿ ಬರಲಿ. ಕಾಟೇರದಂತಹ ಸಿನಿಮಾಗಳಿಂದ ನನ್ನಂತ ರಾಜಕಾರಣಿಗಳು ಎಚ್ಚರಗೊಳ್ತಾರೆ ಎಂದಿದ್ದಾರೆ.
ನಟ ದರ್ಶನ್ ಮಾತನಾಡಿ, ಕನ್ನಡ ಚಿತ್ರರಂಗಕ್ಕೆ 4 ಜನ ಪಿಲ್ಲರ್ಸ್. ಡಾ ರಾಜ್ ಕುಮಾರ್, ರೆಬಲ್ ಸ್ಟಾರ್ ಅಂಬರೀಶ್, ವಿಷ್ಣು ವರ್ಧನ್ ಹಾಗೂ ಶಂಕರ್ ನಾಗ್. ನಾವು ನಮ್ಮ ನಟರನ್ನ ಬೆಳೆಸಬೇಕು. ಒಬ್ಬ ಹೋರಾಟಗಾರ ಹೋದ ದಿನ ಒಬ್ಬ ಹೋರಾಟಗಾರ ಹುಟ್ತಾನೆ ಅಂತಾರೆ. ಅದೇ ರೀತಿ ಸಂಗೊಳ್ಳಿ ರಾಯಣ್ಣ ಹೋದ ದಿನವೇ ಕೆ.ಎಸ್ ಪುಟ್ಟಣ್ಣಯ್ಯ ಹುಟ್ಟಿದ್ದಾರೆ. ಅಂದು ಕಾಟೇರ ಸಿನಿಮಾದ ಟೀಸರ್ ರಿಲೀಸ್ ಮಾಡಿದ್ದು ಕೆ.ಎಸ್ ಪುಟ್ಟಣ್ಣಯ್ಯ ಇದು ಯಾರಿಗೂ ಗೊತ್ತಿಲ್ಲ. ದರ್ಶನ್ ಮತ್ತೆ ಅಮೇರಿಕಾಗೆ ಹೋಗಿಬಿಡ್ತಾರೆ ಅಂತ ಹೇಳ್ತಾರೆ. ದರ್ಶನ್ ಪುಟ್ಟಣ್ಣಯ್ಯ ಆ ರೀತಿ ಅಲ್ಲ. ದರ್ಶನ್ಗೆ ಅವರದ್ದೇ ಸ್ವಂತ ಕಂಪನಿ ಇತ್ತು. ಆದ್ರೆ ಅದನ್ನ ಬಿಟ್ಟು ಇಲ್ಲಿ ಸೇವೆ ಮಾಡ್ತಿದ್ದಾರೆ. ಅವರ ಕಂಪನಿ ಮಾರಿ 8 ಕೋಟಿ ಸಾಲ ತೀರಿಸಿದ್ದಾರೆ. ದರ್ಶನ್ ಮೇಲೆ ಮಾಡೋ ಆರೋಪಗಳ ಬಗ್ಗೆ ಅರ್ಥ ಮಾಡಿಕೊಳ್ಳಿ. ಶಾಸಕ ದರ್ಶನ್ಗೆ ರಾಜಕಾರಣಿ ರೀತಿ ಚೆನ್ನಾಗಿ ಮಾತಡಲು ಬರಲ್ಲ, ಅವರನ್ನ ಅರ್ಥ ಮಾಡಿಕೊಂಡು ಬೆಳೆಸಿ. ಉರಿಯೋರು ಉರ್ಕೊಳ್ಳಿ ಎಂದಿದ್ದಾರೆ.
ಇನ್ನು ಇದೇ ವೇದಿಕೆಯಲ್ಲಿ ನಟ ದರ್ಶನ್ ಗೆ ಭೂಮಿ ಪುತ್ರ ಬಿರುದು ನೀಡಲಾಗಿದೆ. ಕೆ.ಎಸ್ ಪುಟ್ಟಣ್ಣಯ್ಯರ 75ನೇ ವರ್ಷದ ಜನ್ಮದಿನೋತ್ಸವ ಕಾರ್ಯಕ್ರಮದಲ್ಲಿ ಬಿರುದು ನೀಡಿದ್ದಾರೆ ಶಾಸಕ ದರ್ಶನ್ ಪುಟ್ಟಣ್ಣಯ್ಯ. ಎಲ್ಲಾ ಜಿಲ್ಲೆಗಳಿಂದ ಮಣ್ಣು ತಂದು ಜೊತೆಗೆ ಟಗರು ನೀಡುವ ಮೂಲಕ ಭೂಮಿ ಪುತ್ರ ಬಿರುದು ನೀಡಿದ್ದಾರೆ.
ಕೃಷ್ಣಮಣಿ