ಮ್ಯಾಗ್ಡೆಬರ್ಗ್: ಪೂರ್ವ ಜರ್ಮನಿಯ ಮ್ಯಾಗ್ಡೆಬರ್ಗ್ ನಗರದಲ್ಲಿ ಶುಕ್ರವಾರ ಜನನಿಬಿಡ ಕ್ರಿಸ್ಮಸ್ ಮಾರುಕಟ್ಟೆಯೊಳಗೆ ದುಷ್ಕರ್ಮಿಯೊಬ್ಬ ಕಾರು ನುಗ್ಗಿಸಿದ್ದು ಈ ಉದ್ದೇಶಪೂರ್ವಕ ದಾಳಿಯಲ್ಲಿ ಕನಿಷ್ಠ ಇಬ್ಬರು ಸಾವನ್ನಪ್ಪಿದ್ದಾರೆ ಮತ್ತು ಕನಿಷ್ಠ 60 ಮಂದಿ ಗಾಯಗೊಂಡಿದ್ದಾರೆ.
ವಾರಾಂತ್ಯದ ಖರೀದಿಗಾಗಿ ಮತ್ತು ಕ್ರಿಸ್‌ ಮಸ್‌ ಹಿನ್ನೆಲೆಯಲ್ಲಿ ಮಾರುಕಟ್ಟೆ ಜನರಿಂದ ತುಂಬಿ ತುಳುಕುತ್ತಿದ್ದಾಗ ಈ ಧಾಳಿ ನಡೆಸಲಾಗಿದೆ. ರಾತ್ರಿ 7 ಗಂಟೆ ಸುಮಾರಿಗೆ ಕಾರು ಮಾರುಕಟ್ಟೆಗೆ ನುಗ್ಗಿದ ಬೆನ್ನಲ್ಲೇ ಚಾಲಕನನ್ನು ಬಂಧಿಸಲಾಗಿದ್ದು ಈತನು ಸೌದಿ ಮೂಲದ ವೈದ್ಯ ಎಂದು ಪೋಲೀಸರು ತಿಳಿಸಿದ್ದಾರೆ.
ಜರ್ಮನ್ ನ್ಯೂಸ್ ಏಜೆನ್ಸಿ ಡಿಪಿಎ ವಿತರಿಸಿದ ವೀಕ್ಷಕರ ತುಣುಕನ್ನು ಪರಿಶೀಲಿಸಿದ ದೃಶ್ಯಾವಳಿಗಳು ರಸ್ತೆಯ ಮಧ್ಯದಲ್ಲಿ ಶಂಕಿತನ ಬಂಧನವನ್ನು ತೋರಿಸಿದೆ.ಆ ವ್ಯಕ್ತಿಯ ಕಡೆಗೆ ಕೈಬಂದೂಕನ್ನು ತೋರಿಸಿದ ಹತ್ತಿರದ ಪೋಲೀಸ್ ಅಧಿಕಾರಿಯ ಎಚ್ಚರಿಕೆ ನಂತರ ಇತರ ಅಧಿಕಾರಿಗಳು ವ್ಯಕ್ತಿಯನ್ನು ಕಸ್ಟಡಿಗೆ ತೆಗೆದುಕೊಂಡರು..
ಈ ಘಟನೆಯಲ್ಲಿ 15 ಜನರು ಗಂಭೀರವಾಗಿ ಗಾಯಗೊಂಡಿರುವ ಕಾರಣ ಹೆಚ್ಚುವರಿ ಸಾವುಗಳನ್ನು ತಳ್ಳಿಹಾಕಲಾಗುವುದಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.ಈ ಹಿಂಸಾಚಾರವು ನಗರವನ್ನು ಆಘಾತಗೊಳಿಸಿತು, ಅ ಶತಮಾನಗಳ-ಹಳೆಯ ಜರ್ಮನ್ ಸಂಪ್ರದಾಯದ ಭಾಗವಾಗಿರುವ ಹಬ್ಬದ ಕಾರ್ಯಕ್ರಮವನ್ನು ಹಾಳುಮಾಡಿತು.
ರಾಜ್ಯದ ಆಂತರಿಕ ಸಚಿವರಾದ ತಮಾರಾ ಝಿಸ್‌ಚಾಂಗ್ ಅವರು ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಶಂಕಿತ ವ್ಯಕ್ತಿ 50 ವರ್ಷ ವಯಸ್ಸಿನ ಸೌದಿ ವೈದ್ಯ ನಾಗಿದ್ದು, ಅವನು 2006 ರಲ್ಲಿ ಜರ್ಮನಿಗೆ ಬಂದಿದ್ದು ಸುಮಾರು 40 ಕಿಲೋಮೀಟರ್ ದೂರದಲ್ಲಿರುವ ಬರ್ನ್‌ಬರ್ಗ್‌ನಲ್ಲಿ ವೈದ್ಯಕೀಯ ಅಭ್ಯಾಸ ಮಾಡುತ್ತಿದ್ದಾನೆ.
ಈ ಘಟನೆಯಲ್ಲಿ ಅವನು ಒಬ್ಬನೇ ಅಪರಾಧಿ ಆಗಿದ್ದು ನಗರಕ್ಕೆ ಹೆಚ್ಚಿನ ಅಪಾಯವಿಲ್ಲ” ಎಂದು ಸ್ಯಾಕ್ಸೋನಿ-ಅನ್ಹಾಲ್ಟ್‌ನ ಗವರ್ನರ್ ರೈನರ್ ಹ್ಯಾಸೆಲಾಫ್ ಸುದ್ದಿಗಾರರಿಗೆ ತಿಳಿಸಿದರು. ಸ್ಯಾಕ್ಸೋನಿ-ಅನ್ಹಾಲ್ಟ್‌ನ ರಾಜಧಾನಿಯಾಗಿ ಕಾರ್ಯನಿರ್ವಹಿಸುವ ಬರ್ಲಿನ್‌ನ ಪಶ್ಚಿಮಕ್ಕೆ ಸುಮಾರು 240,000 ಜನರಿರುವ ಮ್ಯಾಗ್ಡೆಬರ್ಗ್‌ನಲ್ಲಿ ಹಿಂಸಾಚಾರ ಸಂಭವಿಸಿದೆ.
ಎಂಟು ವರ್ಷಗಳ ಹಿಂದೆ ಇಸ್ಲಾಮಿಕ್ ಉಗ್ರಗಾಮಿ ಬರ್ಲಿನ್‌ನಲ್ಲಿ ಜನನಿಬಿಡ ಕ್ರಿಸ್ಮಸ್ ಮಾರುಕಟ್ಟೆಯೊಳಗೆ ಟ್ರಕ್ ಅನ್ನು ಚಲಾಯಿಸಿ 13 ಜನರನ್ನು ಕೊಂದು ಅನೇಕರು ಗಾಯಗೊಂಳಿಸಿದ್ದ ನಂತರ ದಾಳಿಕೋರನು ಇಟಲಿಯಲ್ಲಿ ನಡೆದ ಗುಂಡಿನ ಚಕಮಕಿಯಲ್ಲಿ ಕೆಲವು ದಿನಗಳ ನಂತರ ಕೊಲ್ಲಲ್ಪಟ್ಟನು.
ಕ್ರಿಸ್ಮಸ್ ಮಾರುಕಟ್ಟೆಗಳು ಜರ್ಮನ್ ಸಂಸ್ಕೃತಿಯ ಒಂದು ದೊಡ್ಡ ಭಾಗವಾಗಿದೆ.ಅವರು ಮಧ್ಯಯುಗದಿಂದಲೂ ಪಾಲಿಸಿಕೊಂಡು ಬಂದ ವಾರ್ಷಿಕ ರಜಾ ಸಂಪ್ರದಾಯವಾಗಿದೆ ಮತ್ತು ಇಲ್ಲಿನ ವಸ್ತುಗಳನ್ನು ಪಾಶ್ಚಿಮಾತ್ಯ ಪ್ರಪಂಚದ ಬಹುಭಾಗಕ್ಕೆ ಯಶಸ್ವಿಯಾಗಿ ರಫ್ತು ಮಾಡಲಾಗುತ್ತದೆ.ಕಳೆದ ತಿಂಗಳ ಕೊನೆಯಲ್ಲಿ 100 ಕ್ಕೂ ಹೆಚ್ಚು ಮಾರುಕಟ್ಟೆಗಳು ತೆರೆಯಲ್ಪಟ್ಟವು,
