ಇರಾನ್ ಸರ್ವೋಚ್ಛ ನಾಯಕ ಅಯತೊಲ್ಲಾ ಖಮೇನಿ ಹತರಾಗಿದ್ದಾರೆ. ಈ ಹತ್ಯೆಯನ್ನು ಇರಾನ್ನ ಕೆಲವು ನಾಗರಿಕರು ಖಂಡಿಸಿ, ಪ್ರತೀಕಾರದ ಮಾತುಗಳನ್ನಾಡಿದ್ದಾರೆ. ಆದರೆ, ಹಲವು ಮಹಿಳೆಯರು ಬೀದಿಯಲ್ಲಿ ಕುಣಿದು ಕುಪ್ಪಳಿಸಿ ಸಂಭ್ರಮ ವ್ಯಕ್ತಪಡಿಸಿದ್ದಾರೆ.ಸಾವನ್ನು ಸಂಭ್ರಮಿಸಲು ಅಂತದ್ದೇನು ವಿಷಯವಿದೆ? ಆ ಕಾನೂನು ಹೇಗಿತ್ತು?
ತಾನು ಅನುಭವಿಸಿದ ನರಕಯಾತನೆ ಬಗ್ಗೆ ಇರಾನ್ ಮೂಲದವರೇ ಆದ ನಟಯೊಬ್ಬರು ವಿವರಿಸಿದ್ದಾರೆ. 2023ರ ಆಸುಪಾಸಿನಲ್ಲಿ ಇರಾನ್ಗೆ ಭೇಟಿ ನೀಡಿದ ಅನುಭವವನ್ನು ವಿವರಿಸಿದ್ದಾರೆ. ಎರಡು ವಾರಗಳ ಕಾಲ ತಾನು ಅಲ್ಲಿ ಅನುಭವಿಸಿದ ಸಂಕಷ್ಟವನ್ನು ವಿವರಿಸಿದ್ದಾರೆ. ಅಲ್ಲಿನ ಮಹಿಳೆಯರಿಗಿರುವ ನಿರ್ಬಂಧಗಳನ್ನ ಬಿಚ್ಚಿಟ್ಟಿದ್ದಾರೆ.
1979ರಿಂದ, ಅಂದರೆ ಖಮೇನಿ ಆಡಳಿತ ಶುರುವಾದಾಗಿನಿಂದ ಇರುವ ಕಠಿಣ ಷರಿಯಾ ಕಾನೂನು. ಇರಾನ್ನಲ್ಲಿ ಮಹಿಳೆಯರು ಒಂದು ಕ್ಷಣವೂ ತಮಗೆ ಇಷ್ಟ ಬಂದಹಾಗೆ ಇರಲು ಸಾಧ್ಯವಿರಲಿಲ್ಲ. ಮಹಿಳೆಯರಿಗೆ ಕಟ್ಟುನಿಟ್ಟಾದ ಡ್ರೆಸ್ ಕೋಡ್, ಹೊರಹೋಗಲು ಇರುವ ನಿರ್ಬಂಧಗಳು ಇವೆ. ಮಹಿಳೆಯರು ಕಡ್ಡಾಯವಾಗಿ ಹಿಜಾಬ್ ಧರಿಸಬೇಕೆಂಬ ಕಠಿಣ ನಿಯಮವಿದೆ.
ವೈದ್ಯಕೀಯ ಚಿಕಿತ್ಸೆಗಾಗಿ ಅಲ್ಲಿಗ ತೆರಳಿದ್ದೆ. ಪ್ರವಾಸದುದ್ದಕ್ಕೂ ನನಗೆ ಅನಾನುಕೂಲತೆಯೇ ಎದುರಾಯಿತು.. ಮಹಿಳೆಯರು ನಿರ್ಬಂಧಗಳ ಕುರಿತಾದ ನಿರಂತರ ಪ್ರಕಟಣೆಗಳು, ನಿಯಮಗಳ ಕಠಿಣ ಜಾರಿ ಮತ್ತು ಸದಾ ಮೇಲ್ವಿಚಾರಣೆ ನಡೆಸುವ ನೈತಿಕ ಪೊಲೀಸರ ನಡವಳಿಕೆ ನಿಜಕ್ಕೂ ಉಸಿರುಗಟ್ಟಿಸುವ ಮತ್ತು ಒತ್ತಡದಿಂದ ಕೂಡಿದ ವಾತಾವರಣ ಸೃಷ್ಟಿಸಿತ್ತು ಎಂದು ಹಂಚಿಕೊಂಡಿದ್ದಾರೆ.
ಕೆಲಸಕ್ಕೆ ಹೋಗಲು ಪತಿಯ ಅನುಮತಿ ಪಡೆಯಬೇಕು. ವಿವಾಹಿತ ಮಹಿಳೆಯರು ಪಾಸ್ಪೋರ್ಟ್ ಪಡೆಯಲು ಮತ್ತು ದೇಶದ ಹೊರಗೆ ಪ್ರಯಾಣಿಸಲು ತಮ್ಮ ಗಂಡನಿಂದ ಅನುಮತಿ ಪಡೆಯಬೇಕು.ಇರಾನ್ನಲ್ಲಿ ಹುಡುಗಿಯರ ಮದುವೆಯ ವಯಸ್ಸು 13 ವರ್ಷವಾಗಿದ್ದು, ಹುಡುಗರಿಗೆ 15 ವರ್ಷವಾಗಿರಬೇಕು. ಆದರೆ, ಹುಡುಗಿಯರು 9 ವರ್ಷದವರಿದ್ದಾಗಲೇ ಪೋಷಕರ ಅನುಮತಿ ಪಡೆದು ವಿವಾಹವಾಗಬಹುದಾಗಿದೆ. ಇದನ್ನು ತಾತ್ಕಾಲಿಕ ವಿವಾಹ ಎಂದು ಗುರುತಿಸಲಾಗಿದ್ದು, ಕಾನೂನಿನ ಮಾನ್ಯತೆ ಇದೆ.
ಮಹಿಳೆಯರು ಸಾರ್ವಜನಿಕವಾಗಿ ನೃತ್ಯ ಮಾಡುವಂತಿಲ್ಲ, ಹಾಡು ಹಾಡುವಂತಿಲ್ಲ ಮತ್ತು ಪುರುಷರ ಜೊತೆ ಮಿಶ್ರ ಕೂಟಗಳಲ್ಲಿ ಭಾಗವಹಿಸುವಂತಿಲ್ಲ. ಆದರೆ, ಗುಟ್ಟಾಗಿ ಮಹಿಳೆಯರು ಮತ್ತು ಪುರುಷರು ಪಾರ್ಟಿಗಳಲ್ಲಿ ಭಾಗಿಯಾಗುತ್ತಿದ್ದರು. ಗುಪ್ತವಾಗಿ ಹಾಡುಗಾರಿಕೆ, ನೃತ್ಯ ಮತ್ತು ಸಣ್ಣ ಪಾರ್ಟಿಗಳು ಅಧಿಕಾರಿಗಳ ಕಣ್ಣುತಪ್ಪಿಸಿ ನಡೆಯುತ್ತಿದ್ದವು ಎಂದು ತಿಳಿಸಿದ್ದಾರೆ.
