ನಿನ್ನೆ ಬೆಲೆಯಲ್ಲಿ ಭಾರೀ ಇಳಿಕೆ ಕಂಡಿದ್ದ ಚಿನ್ನದ ದರ ಇಂದು (ಫೆಬ್ರವರಿ 27) ಮತ್ತಷ್ಟು ಕುಸಿತ ಕಂಡಿದೆ.ಕಳೆದ ವಾರ ಚಿನ್ನದ ದರದಲ್ಲಿ ಸತತ ಏರಿಕೆ ಕಂಡುಬಂದಿತ್ತು. ಆದರೆ ಫೆಬ್ರವರಿ 26ರಿಂದ ಇಳಿಕೆಯಾಗಿದೆ. ಶುಭಕಾರ್ಯಗಳಿಗಾಗಿ ಆಭರಣ ಖರೀದಿಸಲು ಯೋಚಿಸುತ್ತಿರುವವರಿಗೆ ಇದು ಸಂತಸದ ಸುದ್ದಿಯಾಗಿದೆ.
ADVERTISEMENT
ಬೆಂಗಳೂರು ಮಾರುಕಟ್ಟೆಯಲ್ಲಿ ಇಂದು ಬೆಳಗ್ಗೆ 7:00 ಗಂಟೆಯ ಸ್ಥಿತಿಗೆ ಅನುಗುಣವಾಗಿ:
- 24 ಕ್ಯಾರೆಟ್ (ಅಪರಂಜಿ) 10 ಗ್ರಾಂ – ₹1,61,010
- 22 ಕ್ಯಾರೆಟ್ 10 ಗ್ರಾಂ – ₹1,47,590
- ಬೆಳ್ಳಿ (1 ಕೆಜಿ) – ₹2,84,900
ನಿನ್ನೆ 22 ಕ್ಯಾರೆಟ್ ಚಿನ್ನದ ಮೇಲೆ ₹800 ಇಳಿಕೆಯಾಗಿದ್ದರೆ, ಇಂದು ಪ್ರತಿ ಗ್ರಾಂಗೆ ₹1ರಷ್ಟು ಕುಸಿತವಾಗಿದೆ.
ಕೇಂದ್ರದ ಪ್ರಕಟಣೆಯ ಪ್ರಕಾರ, ಚಿನ್ನದ ಒಪ್ಪಂದಗಳ ಮೇಲಿನ ಮಾರ್ಜಿನ್ ಅಗತ್ಯವನ್ನು 21 ಶೇಕಡದಿಂದ 18 ಶೇಕಡಕ್ಕೆ ಇಳಿಸಲಾಗಿದೆ. ಜೊತೆಗೆ, ದೈನಂದಿನ ಬೆಲೆ ಏರಿಳಿತದ ಮಿತಿಯನ್ನು 20 ಶೇಕಡದಿಂದ 17 ಶೇಕಡಕ್ಕೆ ಕಡಿತಗೊಳಿಸಲಾಗಿದೆ.ಜಾಗತಿಕ ಮಾರುಕಟ್ಟೆಗಳಲ್ಲಿ ಇತ್ತೀಚೆಗೆ ಕಂಡುಬಂದಿರುವ ಚಿನ್ನ ಮತ್ತು ಬೆಳ್ಳಿಯ ಹೆಚ್ಚಿನ ಏರಿಳಿತದ ಹಿನ್ನೆಲೆ ಈ ಕ್ರಮ ಕೈಗೊಳ್ಳಲಾಗಿದೆ
