ದಸರಾ ಬಂತು ಅಂದ್ರೆ ಎಲ್ಲೆಡೆ ಸಡಗರ ಸಂಭ್ರಮ.ದಸರಾ ನಾಡಹಬ್ಬ ಆಗಿರುವುದರಿಂದ ವಿಶೇಷ ತಯಾರಿ ಆಗ್ತಾ ಇದೆ. ಇನ್ನು 2024ರ ದಸರಾ ಅಕ್ಟೋಬರ್ 3 ರಿಂದ ಅಕ್ಟೋಬರ್ 12 ವರೆಗು ಇರುತ್ತದೇ.ಪ್ರತಿಯೊಂದು ಹಬ್ಬಕ್ಕೂ ಅದರದ್ದೇ ಆದ ಇತಿಹಾಸ ಹಾಗೂ ವೈಶಿಷ್ಟ್ಯತೆ ಇರುತ್ತದೆ.. ಇನ್ನು ಈ ದಸರಾ ಹಬ್ಬದ ವಿಶೇಷ ಅಂದ್ರೆ ಹೆಚ್ಚಿನವರ ಮನೆಯಲ್ಲಿ ಗೊಂಬೆಗಳನ್ನು ಕೂರಿಸ್ತಾರೆ..
ಅಬ್ಬಾ ಈ ಗೊಂಬೆಗಳು,ಅಲಂಕಾರ ನೋಡೋದೆ ಚಂದಾ..ಅದರಲ್ಲೂ ಒಂದಲ್ಲ ಎರಡಲ್ಲ ಸಾಕಷ್ಟು ಗೊಂಬೆಗಳನ್ನೂ ಕೂರಿಸಿರುತ್ತಾರೆ.ಮಕ್ಕಳು ನೋಡುವಂತಹ ಕಾರ್ಟೂನ್ ಗೊಂಬೆಗಳು,ದೇವನ್ ದೇವತೆಗಳ ಗೊಂಬೆಗಳು,ಮಹಾಭಾರತ,ರಾಮಾಯಣ ಪಾತ್ರಗಳು, ದೇವೆಸ್ಥಾನ,ಗೋಪುರ,ಮನೆ,ಅರ್ಚಕ,ಮದುಮಗ,ಮಧುಮಗಳು ಹೀಗೆ ಹೇಳ್ತಾ ಹೊದ್ರೆ ಸಾಕಷ್ಟಿವೆ.
ಇನ್ನು ಗೊಂಬೆ ಕೂರಿಸುವವರು ಪ್ರತಿ ವರ್ಷ ಒಂದೊಂದು ಥೀಮ್ ಪ್ಲಾನ್ ಮಾಡಿ ,ಆ ಥೀಮ್ ಗೆ ತಕ್ಕಂತೆಯ ಗೊಂಬೆಗಳನ್ನು ಜೋಡಿಸಿ ಕೂರಿಸ್ತಾರೆ.ಉದಾಹರಣೆಗೆ ರಾಮಾಯಣದ ಒಂದು ಸನ್ನಿವೇಶ,ಮಹಾಭಾರತದ ಸನ್ನಿವೇಶ,ಮೈಸೂರು ದಸರಾ ಪ್ರೊಸೆಶನ್,ಮದುವೆ ಸಂಭ್ರಮ, ಸೀಮಂತ ಕಾರ್ಯಕ್ರಮ,ಮಗು ನಾಮಕರಣ ಈ ರೀತಿಯ ಪ್ರಮುಖ ಥೀಮ್ ಒಂದೆಡೆಯಾದ್ರೆ, ಇವುಗಳ ಜೊತೆಗೆ ಇತರೆ ಗೊಂಬೆಗಳನ್ನು ಇಡುತ್ತಾರೆ..
ಹಾಗೂ ಗೊಂಬೆ ಕೂರಿಸುವವರು ಪ್ರತಿ ವರ್ಷ ಬರುವಂತಹ ಹೊಸ ಬಗೆಯ ಗೊಂಬೆಗಳು ಅಂದ್ರೆ ನ್ಯೂ ಕಲೆಕ್ಷನ್ ಏನಿರುತ್ತದೆ ಎಂಬುವುದನ್ನು ನೋಡಿ ಖರೀದಿ ಮಾಡ್ತಾರೆ..ಆ ಲೆಕ್ಕದಲ್ಲಿ ಈ ವರ್ಷ ಮಾರುಕಟ್ಟೆಯಲ್ಲಿ ಹೆಚ್ಚು ಬೇಡಿಕೆ ಇರುವುದು ಅಯೋಧ್ಯೆ ರಾಮನಿಗೆ..ಎಲ್ಲಿ ನೋಡಿದರೂ ಬಾಲ ರಾಮನೆ ಕಾಣಿಸ್ತಾರೆ.
ಹಿಂದೆಲ್ಲಾ ಗೊಂಬೆ ಕೂರಿಸಲು ಮನೆಯಲ್ಲಿ,ಮಣೆ,ಟೇಬಲ್ ಇಟ್ಟು ಸ್ಟಾಂಡ್ ರೆಡಿ ಮಾಡಿಕೊಳ್ತಾ ಇದ್ರು..ಆದ್ರೆ ಈಗ ಹಾಗಿಲ್ಲ ದುಡ್ಡು ಕೊಟ್ರೆ ಸಾಕು , ಎಲ್ಲವೂ ರೆಡಿಮೇಡ್ ಸಿಗುತ್ತದೆ.ಹೌದು 3,5,7,9 ಹೀಗೆ ಸ್ಟೆಪ್ಸ್ ಇರುವಂತಹ ಸ್ಟ್ಯಾಂಡ್ಗಳು ಮಾರುಕಟ್ಟೆಯಲ್ಲಿ ಲಭ್ಯವಿದೆ.
ಈಗಲೇ ಎಲ್ಲೆಡೆ ಗೊಂಬೆ ಮಾರಾಟ ಜೋರಾಗಿ ನೆಡಿತಾಯಿದ್ದು..ಜನರು ಕೂಡ ಮುಗಿಬಿದ್ದು ಗೊಂಬೆಗಳನ್ನು ಖರೀದಿ ಮಾಡುತ್ತಿದ್ದಾರೆ.100ರೂ ಇಂದ 20 ಸಾವಿರ ರೂಪಾಯಿಯ ಗೊಂಬೆಗಳು ಕೂಡ ಇವೆ..
ಒಟ್ಟಾರೆಯಾಗಿ ಹೇಳೋದಾದ್ರೆ ಕಳೆದ ವರ್ಷಕಿಂತ ಈ ಭಾರಿ ಗೊಂಬೆಗಳು ಹೆಚ್ಚಿದ್ದು,ಅಂದವಾದ ಗೊಂಬೆಗಳು ಮಾರುಕಟ್ಟೆಯಲ್ಲಿ ಸದ್ದು ಮಾಡ್ತಾಯಿವೆ..
