ನುಗ್ಗೆ ಸೊಪ್ಪು ಸಾಕಷ್ಟು ಔಷಧಿ ಅಂಶಗಳನ್ನ ಹೊಂದಿದೆ .ನಮ್ಮ ಸುತ್ತಲೂ ಸಾವಿರಾರು ನುಗ್ಗೆ ಮರಗಲಿದ್ದು,ಇದರ ಕಾಯಿ ಹಾಗೂ ಸೊಪ್ಪು ಎರಡು ಕೂಡ ಪ್ರಯೋಜನಕಾರಿ. ಇದರ ಹೂವುಗಳಲ್ಲೂ ಕೂಡ ಸಾಕಷ್ಟು ಔಷಧಿ ಗುಣಗಳು ಇರುತ್ತವೆ. ನುಗ್ಗೆ ಸೊಪ್ಪು ದಶಕಗಳಿಂದಲೂ ಬಂದಿದೆ ರಾಜ ಮಹಾರಾಜರ ಕಾಲದಿಂದಲೂ ಇಂದಿನವರೆಗೂ ಪ್ರತಿಯೊಬ್ಬರಿಗೂ ಕೂಡ ನುಗ್ಗೆ ಸೊಪ್ಪಿನ ಮಹತ್ವ ತಿಳಿದಿದೆ. ಈ ನುಗ್ಗೆ ಸೊಪ್ಪಿನ ಪದಾರ್ಥವನ್ನು ಮಾಡಿಕೊಂಡು ತಿನ್ನೋದ್ರಿಂದ ದೇಹಕ್ಕೆ ಏನೆಲ್ಲಾ ಪ್ರಯೋಜನ ಇದೆ ಅನ್ನೋದನ್ನ ಮಾಹಿತಿ ಹೀಗಿದೆ.
ರೋಗನಿರೋಧಕ
ಶಕ್ತಿ ನುಗ್ಗೆ ಸೊಪ್ಪನ್ನ ಹೆಚ್ಚು ತಿನ್ನುವುದರಿಂದ ನಮ್ಮ ದೇಹದಲ್ಲಿ ಯುಮಿನಿಟಿ ಜಾಸ್ತಿ ಆಗುತ್ತದೆ ಹಾಗೂ ಸಾಕಷ್ಟು ಸಮಸ್ಯೆಗಳನ್ನ ತಡೆಗಟ್ಟುವುದಕ್ಕೆ ನುಗ್ಗೇಸೊಪ್ಪು ಉತ್ತಮ ಹಾಗೂ ರೋಗನಿರೋಧಕ ಶಕ್ತಿಯನ್ನು ಹೆಚ್ಚು ಮಾಡುತ್ತದೆ ಹಾಗಾಗಿ ವಾರಕ್ಕೆ ಒಂದು ಬಾರಿ ಅಥವಾ ಎರಡು ಬಾರಿ ನುಗ್ಗೆ ಸೊಪ್ಪಿನ ಪದಾರ್ಥವನ್ನು ಸೇವನೆ ಮಾಡುವುದು ಉತ್ತಮ.
ಕೂದಲು ಉದುರುವಿಕೆ
ಹೆಚ್ಚು ಜನಕ್ಕೆ ಕೂದಲು ಉದುರುವ ಸಮಸ್ಯೆ ಇರುತ್ತೆ ,ನುಗ್ಗೆ ಸೊಪ್ಪಿನ ಪದಾರ್ಥವನ್ನು ತಿನ್ನುವುದರಿಂದ, ನಮ್ಮ ದೇಹಕ್ಕೆ ಬೇಕಾದಷ್ಟು ಪೋಷಕಾಂಶಗಳು ವಿಟಮಿನ್ ಎ ,ವಿಟಮಿನ್ ಬಿ ,ವಿಟಮಿನ್ ಸಿ , ಕ್ಯಾಲ್ಸಿಯಂ ,ಪೊಟ್ಯಾಶಿಯಂ ,ಕಬ್ಬಿನಾಂಶ ,ಮೆಗ್ನಾಷಿಯಂ ಸೇರಿದಂತೆ ಸಾಕಷ್ಟು ಅಂಶಗಳು ನಮ್ಮ ದೇಹಕ್ಕೆ ಸೇರುವುದರಿಂದ ಕೂದಲೂ ಉದುರುವಿಕೆ ಸಮಸ್ಯೆಯನ್ನ ತಡೆಗಟ್ಟುತ್ತದೆ ಹಾಗೂ ನಮ್ಮ ಚರ್ಮಕ್ಕೂ ಕೂಡ ಒಳ್ಳೆಯದು.
ಥೈರಾಯಿಡ್ ಸಮಸ್ಯೆ
ಥೈರಾಯಿಡ್ ಎನ್ನುವುದು ಇತ್ತೀಚಿನ ದಿನಗಳಲ್ಲಿ ಹೆಚ್ಚು ಜನಕ್ಕೆ ಕಾಡ್ತಾ ಇರುವಂತ ಒಂದು ಸಮಸ್ಯೆಯಾಗಿದೆ.ಇದರಿಂದ ಹೆಣ್ಣು ಮಕ್ಕಳು ತೀರ ವೀಕ್ ಆಗ್ತಾರೆ ,ಇಲ್ಲವಾದರೆ ವೇಟ್ ಹೆಚ್ಚಾಗುತ್ತಾರೆ. ಪಿಸಿಓಡಿ ಸಮಸ್ಯೆ ,ಪಿರಿಯಡ್ಸ್ ಸಮಸ್ಯೆಗಳು ಕೂಡ ಶುರುವಾಗುತ್ತದೆ.ನುಗ್ಗೆ ಸ್ವೊಪ್ಪಿನ ಪದಾರ್ಥವನ್ನು ವಾರಕ್ಕೆ ಒಂದು ಬಾರಿ ತಿನ್ನೋದ್ರಿಂದ ಥೈರಾಯಿಡ್ ಸಮಸ್ಯೆ ಮುಕ್ತಿ ನೀಡುತ್ತದೆ.
ಇದೆಲ್ಲದರ ಜೊತೆಗೆ ರಕ್ತ ಹೀನತೆ, ಅಸ್ತಮ, ಡಯಾಬಿಟಿಸ್ ಹಾಗೂ ಸಂಧಿವಾತ ಸಮಸ್ಯೆಗಳಿಗೆ ನುಗ್ಗೇಸೊಪ್ಪು ರಾಮಬಾಣ.ಇನ್ನು ಆಯುರ್ವೇದದಲ್ಲಿ ಇದನ್ನು ಔಷಧಿ ಸಸ್ಯ ಎಂದು ಪರಿಗಣಿಸಲಾಗಿದೆ ಹಾಗೂ ಅನೇಕ ರೋಗಗಳಿಗೆ ಚಿಕಿತ್ಸೆಯಾಗಿ ಇದನ್ನ ಬಳಸುತ್ತಾರೆ.
