ಕುಸಿಯುತ್ತಿದೆಯೇ ಐಪಿಎಲ್‌ ಜನಪ್ರಿಯತೆ? ಮೈದಾನದಲ್ಲೂ ಇಲ್ಲ, ಟಿವಿಲೂ ಇಲ್ಲ!

ಅತ್ಯಂತ ಜನಪ್ರಿಯ ಐಪಿಎಲ್‌ ಟೂರ್ನಿ ಇದೇ ಮೊದಲ ಬಾರಿ ವೀಕ್ಷಕರ ಸಂಖ್ಯೆಯಲ್ಲಿ ಭಾರೀ ಕುಸಿತ ಕಂಡಿದ್ದು, ಪ್ರಾಯೋಜಕತ್ವದ ಮೇಲೆ ದುಷ್ಪರಿಣಾಮ ಬೀರುವ ಸಾಧ್ಯತೆ ಇದೆ.

ಹೌದು, ಐಪಿಎಲ್‌ ಟೂರ್ನಿಯ ಜನಪ್ರಿಯತೆಯಿಂದ ಹಿಗ್ಗಿದ ಬಿಸಿಸಿಐ 8 ತಂಡಗಳಿದ್ದ ಟೂರ್ನಿಯನ್ನು 10 ತಂಡಗಳಿಗೆ ಹೆಚ್ಚಿಸಿದೆ. ಅಲ್ಲದೇ ಕೊರೊನಾ ವೈರಸ್‌ ಭೀತಿ ಹಿನ್ನೆಲೆಯಲ್ಲಿ ಖಾಲಿ ಮೈದಾನದಲ್ಲಿ ಪಂದ್ಯಗಳು ನಡೆಯುತ್ತಿವೆ. ಆದರೂ ಟೀವಿ ವೀಕ್ಷಕರ ಸಂಖ್ಯೆ ಕುಸಿದಿರುವುದು ಅಚ್ಚರಿ ಮೂಡಿಸಿದೆ.

ಈ ಬಾರಿ ಐಪಿಎಲ್‌ ಟೀವಿ ವೀಕ್ಷಕರ ಸಂಖ್ಯೆ ಶೇ.30ರಿಂದ 40ರಷ್ಟು ಕುಸಿದಿದೆ. ವೀಕ್ಷಕರು ಮೈದಾನಕ್ಕೆ ಬರದೇ ಇರುವ ಸ್ಥಿತಿಯಲ್ಲಿ ಟಿವಿ ವೀಕ್ಷಕರ ಸಂಖ್ಯೆ ಹೆಚ್ಚಾಗಬಹುದು ಎಂದು ನಿರೀಕ್ಷಿಸಲಾಗಿತ್ತು. ಆದರೆ ಆ ವಿಶ್ವಾಸ ಹುಸಿಯಾಗಿದ್ದು, ಅಚ್ಚರಿ ಮೂಡಿಸಿದೆ.