ಜಗತ್ತಿನಾದ್ಯಂತ ಕೋವಿಡ್-19 ಅಟ್ಟಹಾಸ ಮುಂದುವರೆದಿದೆ. ಭಾರತ ಸೇರಿ ದೇಶದ ಹಲವು ರಾಷ್ಟ್ರಗಳು ಕರೋನಾ ವೈರಸ್ ದಾಳಿಗೆ ತುತ್ತಾಗಿ ನಲುಗುತ್ತಿದೆ. ಜಗತ್ತಿನಾದ್ಯಂತ ಕೋವಿಡ್-19 ಪೀಡಿತರ ಸಂಖ್ಯೆ 7.5 ಲಕ್ಷವನ್ನು ಮೀರಿದೆ.ಇನ್ನು ಭಾರತದಲ್ಲೂ ಕೋವಿಡ್-19 ಪೀಡಿತರ ಸಂಖ್ಯೆ 1400 ಮೀರಿದೆ. ಕ್ಷಣ ಕ್ಷಣಕ್ಕೂ ಸಾವಿನ ಸಂಖ್ಯೆಯೂ ಏರುಗತಿಯಲ್ಲೇ ಸಾಗುತ್ತಿದೆ. ಕರೋನಾ ವೈರಸ್ ಮೂಲ ದೇಶವಾದ ಚೀನಾವನ್ನೇ ಹಿಂದಿಕ್ಕಿದ ವಿಶ್ವದ ದೊಡ್ಡಣ್ಣ ಅಮೆರಿಕಾದಲ್ಲಿ ಕೋವಿಡ್-19 ಪೀಡಿತರ ಸಂಖ್ಯೆ 1,64,620 ಕ್ಕೆ ತಲುಪಿದೆ. ಇದರಿಂದಾಗಿ ಚೀನಾಕ್ಕಿಂತಲೂ ಎರಡು ಪಟ್ಟು ಜಾಸ್ತಿ ಕೋವಿಡ್-19 ರೋಗಿಗಳನ್ನ ಹೊಂದಿದಂತಾಗಿದೆ. ಇನ್ನು ಇಟೆಲಿ, ಸ್ಪೇನ್ ದೇಶಗಳಲ್ಲೂ ಕೋವಿಡ್-19 ಸಂಖ್ಯೆ ಅಧಿಕವಾಗತೊಡಗಿದೆ. ಇಟೆಲಿ ದೇಶದಲ್ಲಿ ಸಾವಿನ ಪ್ರಕರಣ ಅಧಿಕವಾಗುತ್ತಿದ್ದು 14620 ತಲುಪಿದೆ. ಅಂತೆಯೇ ಚೀನಾ ದೇಶದಲ್ಲಿ ಫೆಬ್ರವರಿ ತಿಂಗಳಿಗೆ ಹೋಲಿಸಿದರೆ ಕೋವಿಡ್-19 ಪ್ರಕರಣಗಳು ಶೇಕಡಾ 90 ರಷ್ಟು ಇಳಿಮುಖವಾಗಿರುವುದು ಸಮಾಧಾನದ ಸಂಗತಿ.
ಜಗತ್ತಿನ ಎಲ್ಲಾ ದೇಶಗಳ ಸದ್ಯದ ಅಂಕಿ ಅಂಶ ಪ್ರಕಾರ 7,86,295 ದೃಢಪಟ್ಟ ಪ್ರಕರಣ, 37825 ಸಾವು ಹಾಗೂ 1,66,100 ಮಂದಿ ಗುಣಮುಖರಾಗಿದ್ದಾರೆ.
ಕೋವಿಡ್-19 ಪೀಡಿತ ದೇಶಗಳ ಪಟ್ಟಿ ಮತ್ತು ರೋಗಿಗಳ ಸಂಖ್ಯೆ:
ದೇಶ ದೃಢಪಟ್ಟ ಪ್ರಕರಣ ಗುಣಮುಖರಾದವರ ಸಂಖ್ಯೆ ಸಾವು ಪ್ರಕರಣ
ಅಮೆರಿಕಾ 164620 5943 3170
ಇಟೆಲಿ 101739 14620 11592
ಸ್ಪೇನ್ 87956 16780 7716
ಚೀನಾ 82240 76194 3309
ಭಾರತ 1417 140 47
ಭಾರತದ ಪ್ರಮುಖ ರಾಜ್ಯಗಳು:
ರಾಜ್ಯ ದೃಢಪಟ್ಟ ಪ್ರಕರಣ ಗುಣಮುಖರಾದವರ ಸಂಖ್ಯೆ ಸಾವು ಪ್ರಕರಣ
ಮಹಾರಾಷ್ಟ್ರ 248 39 10
ಕೇರಳ 234 20 02
ಉತ್ತರ ಪ್ರದೇಶ 101 17 00
ಕರ್ನಾಟಕ 91 6 03
![](https://pratidhvani.in/wp-content/uploads/2021/02/pratidhvani_2020_03_b179095c_d412_4d75_8ec2_a84885dc7c31_Students_Corner-45.jpeg)
ಸೋಮವಾರ ಒಂದೇ ದಿನ ದೇಶದ ವಿವಿಧ ರಾಜ್ಯಗಳಲ್ಲಿ 227 ಹೊಸ ಪ್ರಕರಣಗಳು ಪತ್ತೆಯಾದರೆ, 11 ಜನರು ಮೃತಪಟ್ಟಿದ್ದಾರೆ. ದೇಶಾದ್ಯಂತ ಕರೋನಾ ಸೋಂಕು ತಡೆಗಟ್ಟುವ ನಿಟ್ಟಿನಲ್ಲಿ ಏಪ್ರಿಲ್ 14 ರವರೆಗೆ ದೇಶಾದ್ಯಂತ ಕರ್ಫ್ಯೂ ಮಾದರಿ ಲಾಕ್ಡೌನ್ ವಿಧಿಸಲಾಗಿದೆ.